Filipi 2:14 - ALLAH ANE WENW KET MEKE WAROGO WOKNINAKHIKHE WENE14-15 Hit he, at Allah il oba wene hinoba degat, nen, weak meke hinakla degat dogouogoluk halok, hinebe Allah a'buri weak hagakhidek karelek motok dogolik, o mum werekma husagal nen liatdekherek hak, akhuni yoma inobabut korlo weak hagakharek meke inaklake liarogon dogolik, yi meke ti meke hagakhe dogolik, “Nina'it,” iluk ua-ua hagakhidegat, wene muk palhidegat, hagakhe dogono. အခန်းကိုကြည့်ပါ။ |
Filipi 2:14
36 ပူးပေါင်းရင်းမြစ်များ
Itithogon nasimen, it ap Farisi meke men, it ap Allah ane holal waganek iteerek meke men, at yesus agarumi ane waganhe lagoukha meke emenogo men yogeisasukha, “Hit he, ap uang pemerintah hasik kino iluk waganharek meke inom, it aperek weak hagariogei meke inom, hinom hipiri opakimo neke lagap ethoma nenaluk?” iluk yogeisasukha.
Wene itithogon yakulisasukhama, at Paulus Barnabas ipisak nen, it ap iti men yogeisasukha, “Hit nen egep iti motok korlo egep o,” iluk inom wene palhik, wene yakhik, kogat yakhe lagoukha. Wene itithogon yakhe lagoukhama, it etoma meke nen, Paulus Barnabas ipisak, it aperek inomat o Yerusalem lalok it ap Yesus nen inebe inayoko 'biluk la'isasikhe meke emenogo men, it ap Allah a'buri therisik welagoukha meke men, inom nen wene iti hasik morerasuagaluk la'isauwogoluk hagakhukha.
Itithogon natogokhukhasik, wene kogat ageikhe nen igik, ageikhe nen igik, ekhe lagoukhasik, at Petrus melageikhesik nen, men yogeisasikhe, “Ap yirani. Nagarlak lak. It akhuni itikmanke meke nen hano wene inasuk holhik, inakla nen eberogonat iluk waganhik, hagasuagaluk, an haganeat hit ninom werekma, it iti yogeisa loagaluk Allah nen wenaknakhikhesik nayoko 'bisikhe iti, hinilu o.
Itinem, akhuni Yesus ane waganhukha meke inebe doalegat hagatlagoukhama, it akhuni inebe Yahudi mekeat he, inane Yunani meke nen, men isukha, “Akhuni yi meke ti meke hibiku-yogokuat supurisekhe dogolik, humi thoge nit meke halok kolelogo thogotdisiliogei iti nenaluk,” iluk, it Yahudi inaierek meke inom wene yakhe lagoukha.
Nagarlak lak nerugi. Hinakla kagalogo wene ageikhe yi nane nobatnerogon yokhisak o. It akhuni aperek yabokane witluk nen, wene alebageik yakulhisasukhama waganhigip meke here'isalok nen, hinebe mikirlogo 'binagagik, hinakla weagathinakhik, hagakho halok he, hinobabut hebelogo dogolik, inane hinasuk hokhidek, mirlokhogon here'isekhe dogono o.
An yabokane hinoba wisigin iti witluk nen, an nen, “It inobabut hano werekma ligin,” iluk apekhe lagei hak, dek. Weak werekma 'bithisa ageik, nen, hit nen, “At Paulus obabut hano,” iluk egethep hak, dek. Weak dogolik 'bithisa ageik, hagasunogo iluk, nelabut hiriogo. Hit-hit hinom wene yakhik, ua palhik, hinakla aga dageigik, hinekaerek hasik anek hagakhik, inabok weak thelekma palhik, limago palhik, hinekaerek nen hogorakhigik, yugunat-yaganat hagakhik, hagakhunem an wisusak iti, nayuk.
It iti akhuni inabok weak palhik, wenageisigik, isi motogat welageikharek meke. Yi meke ti meke inetaiken nen nukunem, “Warlok o,” inakla apekhe dogolik, iti mekeat hagakhik, inekaerek nen hogorakhekhe dogolik, yi meke ti meke thaburogo horlauwogoluk, it akhuni aperek inane agugurogo hogorinakhik, egarek meke.
ကြော်ငြာတွေ