Filemon 1:19 - ALLAH ANE WENW KET MEKE WAROGO WOKNINAKHIKHE WENE

¹⁹ An Paulus itithogon nomat noba welagei, iluk tha'bokhogonat iti oko paligin meke nekaerek niki nen holal waganhi iti o. An nen, hat hano wene yakulhikhigimo hekaerek hebe hasik hano meke ite agatik welagan iti, nomat hoba 'bigima palegeke hoba werek iluk yokhisusak mekeat he, an itithogon usak dek. Hekaerek hiluat o.

Filemon 1:19 ပူးပေါင်းရင်းမြစ်များ

Roma 16:22

An Tertius Paulus ane isi korlek holal yi waganhi meke nen,ninoe Etagapogot ninom hunik dogolik heagei wathinakhiat o.

1 Korintus 4:15

Hit Kristus hinom hunik werekma, ap wene yakulhisiliogei meke inebe 10.000 doalegat werek mekeat he, hinopase re, doalegat 'buk. Ina'buri itaginakharek hak, an nenat wene hano wene iti yokhisa agagisik Kristus Yesus hinom hunogo 'binagasigimo welagap iti baga, hinopase narligat agagisik welagei o.

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Korintus 3:2

Nit wokninabuagaluk, hit hinebeat holal hakene waganek nit ninetaikenma werekma, akhuni tha'bokhogonat nen etaa thalhik, hutdinanhik, hagasusak werek o.

2 Korintus 9:4

Itithogon la'isa agei iti, hit nen aban natogorlogo 'bisigidek werekma an akhuni Makedonia meke ninom hinoba wisusak erlok dek o. Alebat an nen ekhe dogolik, “It itithogon eberogonat hano hagasugun werek o,” iluk isigisikmo, an nekarli ageik, hit hinekarli ageik, asunogo iluk, it tak la'isa agei iti o. Hit nen wene iti hasik hutdisigisipmo, hit hinekarli asunogo iluk yokhisausak dek meke igi iti.

Galatia 5:2

An Paulus nekaerek nen wene eberogonat yokhisak. Hit hinekaerek nen hinoado aperlagap it aperek nen palhinabuagaluk inayoko 'bekhe lagap halok he, at Kristus nen hanothinabigin dek o. Alomarogoat hagatlakhagun iti.

Galatia 6:11

Yogotak an nekaerek niki nenat holal kok meke waganogo hinoba la'i agei iti, hinileken ekagat 'bikhano!

Titus 1:4

Titus na'but o. Hetaiken nit ninom tak-tagat Allah oba hakotdiluk welagan iti baga, an nekaerek na'but harat agagin iti o. Ninopase Allah inom, ninoe Kristus Yesus tilninakherek meke inom, ipisak inobabut hano etnogo nen, hano meke wokhigik, hetaiken hapugutdageigik, hagakhe dogoak o.

Filemon 1:18

At nen korlo ageikhe hagathakhemo, nomat oba 'begenma palegeke werek halok he, nomat tha'bokhogonat an noba 'bino.