Filemon 1:11 - ALLAH ANE WENW KET MEKE WAROGO WOKNINAKHIKHE WENE

¹¹ At alebageik, hat hasik hanorogon hagasusak meke erlok dek negen welageikhe meke re, yogotak hat hasik anek 'buk. An nipisagat hasik hanorogon hagatnisekhe dogogin meke erlogat werek o.

Filemon 1:11 ပူးပေါင်းရင်းမြစ်များ

Matius 25:30

Halok he, at ebe an natuaneke dogosak dek meke yi re, itikmanke o motok mummo inaik kirlidik mak-mak hagakhe dogolik di ago de ago hagakharekma etoma ula'isani o, iluk yogeisasikhe,” iluk Yesus nen yogeisasikhe.

Lukas 15:24

An na'but yi watlaga apogo meke iluk atluk waga yi! Motok nalaga mekeat, yabokane herakhogo yi, iluk, inakla arleken motok akhasukha.

Lukas 15:32

Meke re, hat hagot yi watlaga apogo meke iluk atluk waga o. Nalaga meke herakhogo o, iti nen, ninakla arleken akhekhe dogolik, hagasusak mekeat hagakhe lago, iluk yogokhikhe,” iluk Yesus nen yogeisasikhe.

Lukas 17:10

Hit iti hakeneat o. Yigithogon hagatno, tigithogon hagatno, iluk yokhisaumo iti arat hagatdiluk nen, men ekhe dogono. Dek o. Nit nen, hatuaneke dogolik hagasusak meke anek hagakho o. Oba dukhogon hagasumo heagei watninabusak meke hagakhidek o, iluk ekhe dogono o,” iluk yogeisasikhe.

Roma 3:12

Inebe tha'bokhogonat an noba mothogon wageidek, holak mirlokhogon arat nuk atluk alomatlageikha. Inobabut hano hagariogei meke ageikhe motok degat. Opakiat ageikhe degat o.

Filemon 1:10

Iti, an niki herle warek dogolik, at Onesimus etaiken Kristus oba hakotdekhe iti nen, ebe na'but hakene hagatlageik, an nebe at opase hakene hagatlageik, hagatlagosik nen, at ebe waganinogoluk yokhigi o.

Filemon 1:12

Iti nen, at ebe an netaiken hunik nen at apuke hoba la'i agei iti o.

1 Petrus 2:10

Hit alebat, Allah hinom huni welageidek mekeat he, yogotak hinebe Allah a'buri agap o. Nen alebat, hit nen, “Allah ninebe akmu werek,” iluk hinokodek welagagip mekeat he, yogotak, “Ninebe Allah akmu nen wokninakhikhemo welago,” iluk hinilu agap o.