Efesus 4:3 - ALLAH ANE WENW KET MEKE WAROGO WOKNINAKHIKHE WENE

³ Allah Agoreke nen ninebe opakiat meke hunogo 'binanhemo dogolik, inebe hano dapukhogon welageikharek iti meke kogotdekhe dogono o.

Efesus 4:3 ပူးပေါင်းရင်းမြစ်များ

Markus 3:24

Nen, ap kok etagapogot opakiat meke agarumi apma hagasik welagarek inom it-it hurlitdakhalok inom weak dogogun halok, opakiat dogolik inobatne welagoukha hak dogogun dek. Erlok dek asugun o.

Yohanes 13:34

Itithogon yogeisasikhesik nen, wene ageikhe men yogesasikhe, “Hit nen hagakhe dogosak meke wene ket meke ageikhe yokhisak, An nen hit nakmurogon welagarek hak, hit itithogonat, hit-hit nakmu-hakmurogon hagakhe dogono o.

1 Korintus 1:10

Itithogon mekeat he, nagarlak nerugi. Ninoe Etagapogot Yesus Kristus etaga baga, wene ageikhe hinasuk wasik. Hit tha'bokhogonat hinebe mikikhidek hinom hunik dogolik nen, hinane opakiat meke igik, hinetaiken opakiat welageik, hinakla nen wene opakiat meke ebekhik, hagakhe dogono.

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

Efesus 4:13

Itithogon hagakhe dogoluk, ninetaiken at oba hakotdiluk dogolik nen, ninebe opakiat meke hakene hagatlageik, Allah a'but iti ebe hutukhogon ninilu ageik, at Kristus yi meke ti meke hasik etaiken bogokhogon horle motok welagarek hak, nit ninetaiken itithogonat horle ageik, hagasugun iti o.

Efesus 4:4

Allah nen hinayoko 'bekhe dogolik, “An nen hanothinabigin o,” iluk, abok opakiat meke yokhisasikhe hak, at ebe opakiat meke hinom hunikhik, Agoreke opakiat meke waganhik, hagakhigip iti o.

1 Tesalonika 5:13

It itithogon hagakharek iti nen, hinakla nen he, “Irat ninougi inalon halogo dogouok o,” iluk apekhe dogolik, inebe hinakmurogon dogono. Itithogon hinakmurogon dogolik, hit-hit hinetaiken hapukhogon hagakhe dogono.

Ibrani 12:14

Hit hinebe karelogo Allah meke 'bisigidek dogogun halok he, at ebe hinileken hugun motok dek iti nen,akhuni tha'bokhogonat hinom hano dapulik dogolik, hinebe at hasik 'bisalok weak hagakhidek hano karelek motok dogouogoluk hinobatnerogon hagakhe dogono o.