Efesus 4:2 - ALLAH ANE WENW KET MEKE WAROGO WOKNINAKHIKHE WENE

² Hit-hit nakmu-hakmurogon yomageisigik, hibiku-yogoku hinetaiken thebekhogon hagakhik, hinobabut enago welageik, hinobakhanini hapugutdiluk welageik, hagakhe dogono o.

Efesus 4:2 ပူးပေါင်းရင်းမြစ်များ

Matius 11:29

An nasuke ukharlek su ade al warek hano ukharlogo wokhisaumo alheat hugun iti nen, hinomorlo baga waganiluk, an nobabut enago dogolik inapma negen welagarek etnogo hutukhogon yakulilik nekhe dogono o. Itithogon nekhe dogogun halok, hinetaiken hapuk igin o,” iluk yogeisasikhe.

Markus 9:19

Yogokhikhemo at nen it akhuni emenogo men yogeisasikhe, “Hit akhuni o yogotak welagap meke yi, hinetaiken noba hakotdigidek welagap yi re! Hit nen nakla pugurakhe korlek an nobakhanini hapugutdiluk niki meren oba ninom dogogun nogo. Yekerek ithi an noba wolok witni o,” iluk yogeisasikhemo oba wolok wagoukha.

La'isasikhe 20:19

It akhuni Yahudi meke nen nebe nasuogoluk nabok palhe dogolik weak hagatnakhe korlek, nekaerek nen nobabut thebekhogon, hogorakhigidegat, de apik aga dogolik, ninoe Etagapogot apma dogolik at hasik hagakhe lagei hiniluat o.

Roma 15:1

Nit aperek, ninetaiken Allah oba horlerogon hakotdiluk welago meke nen, ninekaerek hasik anek ninakla hanorogon hagakhidek, it aperek inetaiken abanma aborlok werek meke iti, yomageisekhe dogosak o.

1 Korintus 13:7

Inakmurogon dogolik, yi wene ti wene inoba agunem, inobakhanini hapugutdiluk welageik, inetaiken Allah oba hakotdiluk welageik, hano asigin iluk inakla arleken akhigik, inetaiken hapukhogon welageik, hagakharek iti.

Galatia 6:2

Hit-hit hinoba akin meke werek halok, hinebe dopok ageikhe nen ageikhe yomak-yomak hagakhe dogono o. Itithogon hagakhe dogogun iti baga nen, wene Kristus nen ninasuk warogo yakulnisasikhe wene etnogoat mothogon hagakhe dogogun iti.

Efesus 1:4

At Allah nenat ninebe at ekaerek hasik 'bakhalok, at il oba karelek motok dogoagaluk, pogot agat aban walhigidek dogolik, wenakninakhikhe iti ebe at Kristus oba nenat wenakninakhikhe o.

Kolose 1:11

Ninopase Allah obatneak hogorakharek meke etnogo hinobatnethinakhunem, hit hinobatnerogo motok dogobageik iluk ayoko 'bekhe lageiat. Itithogon hinobatnethinakhunem, yi meke ti meke akin hinoba aga korlek, hinakla puk ageidek, hinobakhanini hapugutdiluk dogolik, hinakla arleken akhigik,

1 Timotius 6:11

It itithogon hagakharek mekeat he, hat he, hebe Allah a'but welagan iti nen, iti meke hagakhidek lo here'isalok dogono. Itithogon dogolik, Allah akla apekherek tak-tagat hagakhik, apma ukiluk, at hasik hagakhik, hetaiken at oba hakotdiluk welageik, akhuni hakmurinakhik, hobakhanini hapugutdiluk welageik, hobabut enago welageik, hagakhe dogeigiluk, iti mekeat kogotdekhe dogono.

2 Timotius 2:25

Itithogon yakulisugunem, it akhuni aperek nen at ane thagaluogoluk hagakhunem, at nen ane liokhogonat inasuk wakhe dogosak o. Itithogonat inasuk wakhunem, it weak hagakharek meke here'isalok, ebe wene iti waganuagaluk, Allah nen inakla kagaliginat a? iluk inasuk wakhe dogosak.

Yakobus 1:21

Iti nenat, yi weak ti weak hinekarli dek hagarik nekhethep meke iti here'isigik, weak kogat hagarik nekhe lagap meke iti here'isigik, hagakhe dogono o. Wene hano wene Allah nen hinakla ai yago 'bisikhe meke iti baga erlok tilhinabusak iti nen, hinetaiken thebekhogon at apma ukiluk, at nen wene hinakla kagaliogo meke iti waganhe dogono o.

1 Petrus 3:15

Hit nen Kristus hinayukhogon hogorakhe dogolik, “Ninoe Etagapogot at o,” iluk hinetaiken oba nen hogorakhe dogono. Hogorakhunem, it aperek nen hinok hinoba waganhe dogolik, “Hano asigin, iluk oba eberek welagap iti nenaluk,” iluk yokhisugunem nen, oko wene hutukhogon yogeisagun meke hinakla eberek motok dogolik,

1 Petrus 3:8

Wene iti ilukun warogo men yokhisak. Hit hinebe tha'bokhogonat hinakla nen, “Ninebe Allah a'buri ninagarlak lak ninerugi ninom,” iluk, hinetaiken hunik dogolik, hinakla opakiat meke apigik, hinetaiken opakiat meke ebekhik, hagakhe dogono.Itithogon hagakhe dogolik, hinekaerek nen hogorakhigidek, hinetaiken thebekhogon dogolik, hit-hit nakmu-hakmurogo hagakhe dogono.