Efesus 2:3 - ALLAH ANE WENW KET MEKE WAROGO WOKNINAKHIKHE WENE

³ Alebageik nit tha'bokhogonat nen it hagariogei hakeneat hagakhe lagagu. Ninobabut akhuni inobabut inikhogat dogolik hagakharek hagat, hagakhe dogolik, ninoba agaken dageisinem weak hagakhik, ninakla apalok weak hagakhik, hagakhe lagagu. Etanem he, akhuni inobabut inikhogat dogolik hagakharek meke ninom tak-tagat werekma, Allah akla aga dageiluk, weagatninabigiluk welageikhe.

Efesus 2:3 ပူးပေါင်းရင်းမြစ်များ

Markus 4:19

inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat dogolep e, iluk inakla ebekhe dogolik, inekaerek nen nukhetdakhigik, inakla nen yi meke ti meke aperek warlok apigik, hagakharek iti nen, wene iti inakla keken atluk nen, eken ikherek dek itiat o.

Yohanes 1:13

Iterinakhikhemo, at a'buri agoukha iti, akhuni ina'buri itaginabu warlok nen inamep meke dogum walogo itaginakharek iti hakene 'buk. At Allah nenat itaginakhikhe o.

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

La'isasikhe 14:16

Haganeat ninopa lak nen logat ninopase lak itaklarik waga lagoukha etaat, Allah nen, Yi akhuni ti akhuni inukuloak etaga tomok hagakhe lagoukha meke hasik, Hagakhe dogonek o, iluk here'isekhe lageikhe.

Roma 1:24

Hogarakharek iti nen, Allah nen, “It inekaerek inetaiken nen nukunem, it-it inekarli dek inebe weagararekhe dogoak,” iluk inebe here'isasikhe iti.

Roma 11:30

Hit alep Allah ane hologo hagakhidek welagagip. Mekeat he, yogotak it Israel meke Allah ane hologo hagakhidek oba, hit hinebe akmuthinakhikhe iti o.

Roma 13:14

Hit hinobabut he, akhuni inobabut inikhogat dogolik, Yi waganile, ti waganile, iluk egarek iti hak hinakla kagalhidek nen, sikhe thege waganharek hak, ninoe Etagapogot Yesus Kristus obabut itiat waganino o.

Roma 2:14

It akhuni itikmanke meke wene Allah nen ninasuk wakhikhe wene etnogo inokodek mekeat he, wene ebe isikhe meke mothogon hagakharek iti nen, inekaerek inakla wene ninasuk wakhikhe wene iti hakeneat werek o.

Roma 5:10

Nit alebageik he, Allah ninom wim palek werekma, yabokane at a'but watlaga dogolik, Allah ninom dapukhogon 'binanhikhemo welago. Itithogon werekma, at ebe iluk dogolik, tilninabigin dek nogo? Alebageik tilninabusak dekma tilninakhikhesik nen, yogotak ninom hunik dogolik, tilninabiginat o.

Roma 5:9

At Kristus amep ulabogo watlageikhe iti baga, wene ninoba meke korogo wokhalok Allah ninom yabokane ninapuke 'binanhikhesik nogo nen, yabokane Allah akla aga ninoba 'bisinem tilninabigin dek nogo? Tilninabiginat o.

Roma 6:12

Ninebe watlagorek meke yi werekma, weak hagakharek meke iti obatne asinogo nen, apma ukiluk dogogup o. Weak hagasuagaluk hinakla kagali aga halok he, weak meke iti ane hinasuk holhup o.

Roma 7:18

Mothogon hagasigiluk warlok apegerek mekeat he, ebe an nen hagasusak erlok dek o. Iti re, an nobabut nen, hano meke ageikhe hagakherek 'buk. Nobabut akhuni inobabut meke inikhogat dogolik hagakhe lagei, iluk nilu o.

Roma 9:22

Iti hak, at Allah akla apekhe dogolik, “Akhuni an nen walinakhigi mekeat he, it aperek nakla aga liabiogei iti nen, weagarinabigiluk, nakla aga dageisikhe meke iti, it nen nobabut palhik, nobatne werek iti, inilu ageik, hagasuak o,” iluk obakhanini hapugutdiluk welagarek.

1 Korintus 4:7

“It aperek iti erlok dek meke re, ageikhe iti anek he, kok motok, iluk ekhe dogono,” iluk tha nen yakulhisasikhemo. Hit hinameke yi meke ti meke horlekhe lagap iti, Allah nenat wokhisekherek dek nogo a? At nenat wokhisekherek o. Itithogon wokhisugunem horlekhe lagap mekeat he, hit nen winametdegep meke thalek hinekaerek nen hogorakhekhe lagap iti nenaluk.

2 Korintus 7:1

Halok he, nagarlak lak nerugi. Hinebe nakmu lak o. At Allah nen itithogon dogogun iluk abok yoknisasikhe iti nen, ninebe inom, ninetaiken inom, weak hagakhorek meke iti, hanorogo horogo here'isauwok o. Itithogon here'isalok, Allah ebe ninayuk dogolik, ninebe at hasik 'bisalok dogouok nen, ninetaiken 'bogokhogon horletdekhe dogouok o.

Galatia 3:22

Allah ane baga holal waganogo 'bekhe dogolik, “Akhuni hinebe tha'bokhogonat weak hagakhe lagap meke iti baga, hiniki herle warogo hakene welagap,” iluk, yoknisasikhe iti, nit ninetaiken Yesus Kristus oba hakotdumo, Allah nen abok isikhe meke etnogo nit ninetaiken at oba hakotdugun meke woknisagaluk isikhe iti.

Efesus 2:2

Etanem he, akhuni yoma inobabut inikhogat dogolik hagakharek hagat, mutluk laga lagagip. Itithogon mutluk laga dogolik, mokat inobabut weak meke inoe kok pogot abel wemake yoma iteerek dogolik, akhuni Allah ane ina'it nen inasuk holu'buk meke inakla ukisikhesik yogotak inakla kagalhoat welagarek meke etnogo ane holek welagagip iti o.

Efesus 4:22

Alebageik he, hinakla yi warlok ti warlok apekhe lagagip iti nen nukhetdinageisinem, hinebe alomatlarik lagagip iti nen he, hinobabut alep meke iti su nokorlogo here'isegarek hak, here'isano o.

Kolose 1:21

Alebageik, hit hinakla weak wene ebekhe dogolik, hinobabut weak hagakhe lagagip iti baga, Allah hinom hekhogon dogolik wim palek negen welagagip.

1 Tesalonika 4:13

Nagarlak lak nerugi. It akhuni aperek nen, “Hano hagatlasigin,” iluk inakla nen hutdigidek dogolik he, akhuni watlagunem inakla weak ariogo iti hak, hit itithogon hinakla weak aga dogunogo iluk, wene akhuni watlariogei meke iti hasik hinokodek dogosak iti na'it. Hinilu asubageik iluk hutukhogon yokhisak o.

1 Tesalonika 5:6

Halok he, it aperek noge negen iliogei iti, nit itithogon ekhe dogosak erlok dek o. Ninobabut hebelogo dogolik, ninetaiken ekerlogoat dogouok o.

1 Timotius 6:9

Itithogonat meke re, akhuni nen he, “Kok he, uang itiat,” iluk inetaiken hunik dogolik nen, ilugun oba yi weak ti weak hagariogei erlo itiat o. It aperek nen uang iti meke herasuogoluk, inetaiken Allah oba hakotdiluk welageikharethek nenat he, here'isalok yabokane o baga tharlukhogon waregarek hak, it inekaerek inakla wiik-weakhogon hagariliogei iti o. Iti nen he, akhuni aperek nen, “Yi meke ti meke doalekhogon horlalok, ninebe kok dogolo e,” iluk apiliogei iti 'bagei herle 'bilukmo ukiluk wakharek hak, Iblis nen inakla kagalhunem, yi meke ti meke warlok apausak dek mekeat he, weagarinabigin meke warlok iluk apiliogei iti nen, inebe weak akhigik, nuk akhigik, hagakharek iti o.

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.

1 Petrus 1:14

Hit alebat wene iti hinokodek dogolik, yi meke ti meke warlok nen hinetaiken oba nen nukunem hagakhe lagagip iti, yabokane hinobabut iti meke waganhup o. Yekerugi nen inopase lak inane holek dogolik mothogon hagakharek iti hak, hit Allah ane hinasuk hologo mothogon hagakhe dogono.

2 Petrus 2:14

It ap iti inilekenma, humi param hagarinabusak iti anek wogosik ina'it ageidek weak hagakho motok dogogun iti. Itithogon hagakhe dogolik, akhuni inetaiken obatne dek werek meke nukherinakhe dogogun iti. Inobabut he, “Yi meke ti meke nit anek woknisanek,” iluk ekhe dogouogoluk haganeat nen yakulhukhasik nen, iti mekeat inilu dogolik hagakhe dogogun iti. Itithogon hagakhe dogogun iti nen, Allah nen homan 'bisalok weagarinabigin werek o!

2 Petrus 2:18

Akhuni aperek inagarlak lak inerugi korloat hagakho korlek nen, here'isalok dukhisuogoluk hagakhunem, inetaiken nen nukunem yabokane weak hagasuagaluk, it ap iti inekaerek hogorakhekhe dogolik we yugunat inekalat inakla kagalhe dogogun.

1 Yohanes 2:16

Nen, akhuni agat oba meke inobabut inikhok hagakharek he, inoba agaken dageigik, yi meke ti meke inileken nen halok warlok apigik, agat oba meke hasik hogorakhigik, hagakharek iti tha'bokhogonat, erlo ninopase Allah 'buk. Erlo re, agat oba mekeat o.

1 Yohanes 2:8

Itithogon mekeat he, o mum werekma lia arik lagarek iti hak, lia ebeat meke yaknisa ageikhemo yariogo iti nen he, wene ket wene hinasuk warogo hinoba la'i agei iti o. At Kristus nen wene iti mothogon hagakhunem ebeat ageikhe iti hak, hit meneke itithogonat, wene iti mothogon hagakhunem ebeat ariogo iti.