Efesus 2:2 - ALLAH ANE WENW KET MEKE WAROGO WOKNINAKHIKHE WENE

² Etanem he, akhuni yoma inobabut inikhogat dogolik hagakharek hagat, mutluk laga lagagip. Itithogon mutluk laga dogolik, mokat inobabut weak meke inoe kok pogot abel wemake yoma iteerek dogolik, akhuni Allah ane ina'it nen inasuk holu'buk meke inakla ukisikhesik yogotak inakla kagalhoat welagarek meke etnogo ane holek welagagip iti o.

Efesus 2:2 ပူးပေါင်းရင်းမြစ်များ

Matius 11:19

Meke re, an abat itaklasi agagi etnogo, hipiri inom, anggur eken apusu inom, nilik wagagisikmo, akhuni nen nabok ekhe dogolik, Hipiri inom, anggur eken apusu inom, oba la'buk niliogo yi! It ap pemerintah hasik uang kino iluk waganharek meke inom, weak hagarik nekharek meke inom, inom hunetdakhalok werek yi 'bikhani! iluk iliogei iti, Allah akla motok kagalek dogolik hagakherek iti nen, hanorakhunem inileken halok, Morat, iluk hutdugunat o,” iluk yogeisasikhe.

Matius 13:22

Nen, ai hilik ageikhe okama arlok weakma usa'isikhe meke iti ebe, it akhuni aperek Allah ane iti inasuk holharethek nenat he, inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat negen dogolep e, iluk inakla ebekhe dogolik, inekaerek nen nukhetdakhigik, hagakharek iti nen, wene iti erlo keken atluk nen, eken ikherek dek itiat o.

Matius 13:38

Nen, wen iti ebe re, o agat oba yoma yi ai ti ai tha'bokhogonat o. Nen, ai hano meke ebe re, akhuni Allah apma welageikharek inebe itiat o. Nen, ai weak meke iti ebe re, at obabut motok weak meke a'buri itiat o.

Markus 4:19

inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat dogolep e, iluk inakla ebekhe dogolik, inekaerek nen nukhetdakhigik, inakla nen yi meke ti meke aperek warlok apigik, hagakharek iti nen, wene iti inakla keken atluk nen, eken ikherek dek itiat o.

Lukas 16:8

Itithogon hagakhikhe meke iti, at oe etnogo abok asuk holhikhesik nen, men isikhe, Eiye! Akla motok kagalek iti nayuk e, iluk atuaneke korlo hagakhe lageikhe meke etnogo hogorakhikhe. Itithogon hogorakhikhemo iti, it akhuni agat oba yoma meke inobabut, it meke hagasuogoluk inakla motok kagalek mekeat he, it Allah a'buri inakla lia hagarogo 'bisasikhe meke iti, inobabut it hakene dek iti nen, itithogon isikhe iti.

Lukas 22:31

Yesus nen itithogon yogeisasikhesik nen, ageikhe Petrus men yogokhikhe, “Simon! Simon! Hasuk holin! Gandum abubuleke hulogo thogotdisegarek iti hak, hit tha'bokhogonat itithogon, at Iblis nen hinebe hulhinabigiluk Allah kino yogokhemo at nen erlok iluk yogokhe mekeat,

Yohanes 12:31

Yogotak Allah nen, akhuni agat oba meke wene inoba 'bigik, kokhik, hagakhe dogolik, ap etagapogot agat oba meke etnogo mukhogo ula'isigik, hagasigin oba arat asi aga o.

Yohanes 13:2

Dogolik, at agarumi emenogo inom o hibako hipiri opakimo nukunem, Yudas Simon Iskariot a'but etnogo, akla Iblis ukisikhesik nen, Yesus ebe wasuak nen, “Yoko lan o,” iluk akla kagalhikhe.

Yohanes 13:27

Itithogon wogokhikhemo, at Yudas roti etnogo ikimo waganhe korlek eranogoat akla Iblis ukisikhe. Itithogon ukisikhemo, at Yesus nen yogokhe dogolik, “Hat nen hagasigiluk apegen meke iti ibat hagasin o,” iluk yogokhunem,

Yohanes 14:30

Akhuni agat oba meke inoe kok etnogo ebe wiriogo iti nen he, an wene doalegat yokhisagein dek o. At iti wisigin mekeat he, an at iki baga welageidek o.

Yohanes 15:19

Hit hinebe akhuni agat oba meke dogolepma re, it akhuni agat oba meke nen he, It nit ninagarumi, iluk inetaiken hunik hagathinabilep mekeat he, hit hinebe it akhuni agat oba meke werekma wenakhinakhigisik nen wokhinakhigisikmo hinebe it meke welagap 'buk. Iti nen, ina'it motok hagathinabiogei o.

Yohanes 16:11

Nen, ageikhe, Allah nen akhuni agat oba meke inoe kok etnogo wene oba 'biluk obatne degetdisikhemo werek iti nen, at yomakhisekhe dogogin meke iti witluk nen, Allah nen wene inoba 'bigik, kokhik, hagakherek iti hasik thelekmarogo yogeisasiginat o.

Yohanes 7:7

It akhuni agat oba meke nen hit halok he, ina'it motok, hagathinabiogei dek mekeat he, an nen, It hagakharek iti weak motok, iluk egerek iti nen, anat ina'it motok hagatnabiogei o,” iluk yogeisasikhesik,

Yohanes 8:23

at Yesus nen men yogeisasikhe, “An nebe re, pogot abel upuke meke wagagisik welagei o. Meke re, hit anek he, abel wemake yoma meke. Hinai erlo agat oba yomaat o. Meke re, an nai erlo agat oba yoma dek o.

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

La'isasikhe 19:35

Itithogon isi lagoukhama nen, at ap wene palhunem holal waganhe lageikhe meke nen, it akhuni doalegat emenogo inane degetdisikhe. Degetdisikhesik nen, men yogeisasikhe, “Hit akhuni o Efesus meke yirani. Ninagona Artemis kok iti ai halek iti men, akhuni-akhuni at ekaerek ebe hakene alino hagarek pogot oba nen usageikhe meke iti men, nit akhuni o Efesus meke yoma hago welagorek iti tha okodek. Akhuni o yi ai ti ai tha'bokhogonat inilu anek.

La'isasikhe 5:3

'Bi ageikhemo, at Petrus nen, “Ananias. Iblis nen hakla kagalhemo Allah Agoreke nukhetdiluk agat oko ebetlake mikirlogo hekaerek hasik 'bakhalok wagan iti nenaluk.

Roma 12:2

Akhuni yoma hagariogei meke iti inobabut waganhup o. Hinobabut ket ninat hagatlasuagaluk, at Allah nenat hinakla ket meke hagathinakhe dogoak o. Itithogon hagathinakhe dogoumo, at akla nen, “Yigithogon hagasuak, itithogon hagasuak,” iluk apekherek iti ebe hinilu asigin o. Hano meke ebe itiat o. At Allah akla hanorogo hagakhik, inetaiken horle ageik, hagakherek iti nenat o.

1 Korintus 5:10

Itithogon yokhisasigi iti, it akhuni Allah ane inokodek dogolik param hagakharek meke inom, inamikmak weak hagakharek meke inom, nukhetdisegarek meke inom, inetaiken kaneke oba hakotdiluk dogolik hogorakharek meke inom, it iti hasik isigi dek o. It itithogon hagakharek meke hinom dogosak dek, iluk ilema, it akhuni agat oba meke yoma motok here'isalok dukhitlep o.

1 Korintus 6:11

Alebageik hit aperek itithogon hagakhe lagagip mekeat he, yogotak Allah nen hinakla hano thobalogo 'binageisikhesik, hinebe at ekaerek hasik 'bakhasikhemo welagap o. Wene hinoba welageikhe meke iti, ninopase Allah Agoreke nen ninoe Etagapogot Yesus Kristus etaga baga, korogo wokhasikhesik Allah hinom dapulogo 'binageisikhemo welagap o.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

Galatia 1:4

Nit weak hagakhorek iti nen ninopase Allah akla nen, “Itithogon hagasuak,” iluk akla apasikhe baga, at Yesus Kristus nen nit akhuni agat oba meke yoma tilninabigiluk, etaiken nenat nit ninobabut weak motok hagakhorek meke iti ukum at ekaerek nen oba 'bakhalok watlageikhe iti.

Efesus 1:21

Itithogon meldisikhe iti re, it pemerintah kok meke aperek tha'bokhogonat inom, inetagapogot meke aperek tha'bokhogonat inom, inougi koktek aperek tha'bokhogonat inom, koktek it aperek inapma hagasik welageikharek meke tha'bokhogonat inom, inetagapogot yogotakne werek meke inom, yabokane dogogun meke inom, tha'bokhogonat, inetaga dek mekeat he, at Kristus anek he, Etagapogot kogat siakthek dogoagaluk, meldisikhe iti o.

Efesus 2:11

Hit alebageik he, hinebe itimanke meke welagagip iti, hinakla ebetni. It ap Yahudi meke akhuni ineram nen inoado aperlagap etnogo palinakhukha meke iti nen, hit hinobasik, “Inoado aperlagap etnogo palek dek meke,” iluk ekhe lagoukha.

Efesus 2:13

Alebageik he, hinebe walegat welagagip mekeat he, yogotak, Kristus Yesus hinom hunikhigipmo, at amep ulabogo watlageikhe iti baga, horok ya 'binageikhemo welagap o.

Efesus 2:3

Alebageik nit tha'bokhogonat nen it hagariogei hakeneat hagakhe lagagu. Ninobabut akhuni inobabut inikhogat dogolik hagakharek hagat, hagakhe dogolik, ninoba agaken dageisinem weak hagakhik, ninakla apalok weak hagakhik, hagakhe lagagu. Etanem he, akhuni inobabut inikhogat dogolik hagakharek meke ninom tak-tagat werekma, Allah akla aga dageiluk, weagatninabigiluk welageikhe.

Efesus 4:17

An ninoe Etagapogot nipisak hunik dogolik at nen yokhisau hak wene yi hinasuk warogo yokhisak. It akhuni itikmanke meke inobabut hagariogei iti hak, hit hinobabut itithogon hagakhe dogogup o. It iti, we yugunat alomarogo meke oba ebekhe dogolik,

Efesus 4:22

Alebageik he, hinakla yi warlok ti warlok apekhe lagagip iti nen nukhetdinageisinem, hinebe alomatlarik lagagip iti nen he, hinobabut alep meke iti su nokorlogo here'isegarek hak, here'isano o.

Efesus 5:6

It akhuni Allah ane mothogon hagasu'buk meke nen, wene igi itithogon hagakharekma, Allah akla aga dageiluk weagarinabigin iti nen, it aperek nen inane we yugunat ekhe dogolik, “Weak meke itithogon hagasumo hanoat,” iluk nukhetdinagunogo.

Efesus 5:8

Hit alebageik he, o mummo welagagip meke re, yogotak ninoe Etagapogot hinom hundiluk, o lia baga welagap iti nen, hinobabut o lia baga dogolik hagakhe dogosak mekeat mothogon hagakhe dogono o.

Efesus 6:12

Nit wim negen yakhe lago iti, akhuni meke ninom yakhe lago 'buk. Dek o. At he, kok meke, inane werek meke, o mummo agat oba yoma hagasik welageikharek meke, mokat inobabut weak meke pogot oba hogolkerlek agat oba hogolkerlek werekma ninom yakhe lago.

Kolose 1:21

Alebageik, hit hinakla weak wene ebekhe dogolik, hinobabut weak hagakhe lagagip iti baga, Allah hinom hekhogon dogolik wim palek negen welagagip.

Yakobus 1:27

Ninopase Allah nen, “Akhuni nen an nakla hanorogo mot hano motok hagakhe dogosak he, yigithogon. Yekerugi irlagakot meke inom, humi thoge meke inom, nuk atluk werekma yomageisigik, akhuni agat oba weak hagariogei meke iti inobabut waganhidek inekaerek nen kareligik, hagakhe dogosak o,” iluk akla apekherek iti o.

Yakobus 1:7

Akhuni itithogon kino yogokharek meke iti, inetaiken pere dogolik yi meke ti meke hagasuogoluk, “An itithogon hagasigin,” iluk dopokhogon usak erlok dek iti nen, “Ninoe Etagapogot nen ageikhe woknisiginat,” iluk apausak erlok dek o.

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.

1 Petrus 1:14

Hit alebat wene iti hinokodek dogolik, yi meke ti meke warlok nen hinetaiken oba nen nukunem hagakhe lagagip iti, yabokane hinobabut iti meke waganhup o. Yekerugi nen inopase lak inane holek dogolik mothogon hagakharek iti hak, hit Allah ane hinasuk hologo mothogon hagakhe dogono.

1 Petrus 4:3

Hit alebat hinobabut it akhuni Allah ane inokodek meke nen inakla apalok hagakharek iti hak, hiniki doalegat arat hagakhe dogolik, weak hinekarli degat hagakhik, hinetaiken nen nukunem param hagarinakhik, eken apusu 'bit hakene doalegat nalok hunu-hunu palhik, pesta weak hagakharek meke nalok yugunat-yaganat hagakhik, apusu weak meke iti nikik, kaneke akla korlo asunogo iluk, hogorasusak dek meke hogorakhik, hagakhe lagagip iti.

2 Petrus 2:14

It ap iti inilekenma, humi param hagarinabusak iti anek wogosik ina'it ageidek weak hagakho motok dogogun iti. Itithogon hagakhe dogolik, akhuni inetaiken obatne dek werek meke nukherinakhe dogogun iti. Inobabut he, “Yi meke ti meke nit anek woknisanek,” iluk ekhe dogouogoluk haganeat nen yakulhukhasik nen, iti mekeat inilu dogolik hagakhe dogogun iti. Itithogon hagakhe dogogun iti nen, Allah nen homan 'bisalok weagarinabigin werek o!

1 Yohanes 3:10

Allah a'buri inom, Iblis a'buri inom, ninetai ekerlogo inobabut ekagat hagatlariogo yi. Tha nen obabut mothogon hagakhidegat, agarlak lak erugi akmurinakhidegat, hagariogo halok, at iti ebe Allah a'but dek o.

1 Yohanes 3:8

Nen, at ageikhe nen obabut weak hagakho motok welagarek halok he, at Iblis obabut erlo baga nenat weak hagakherethekma nogo nen, at iti ebe Iblis a'but werek o. Meke re, at Allah a'but thelekmaat wageikhe iti, at Iblis obabut hagakherek meke iti, motok degetdisagaluk wageikhe o.

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

1 Yohanes 5:19

It akhuni agat oba meke inobabut inikhok meke iti tha'bokhogonat he, at obabut weak meke etnogo iki baga welageikharek. Itithogon welageikharek mekeat he, nit anek he, Allah ebeat a'buri meke welago, iluk ninilu o.

A'bikaka 13:14

Itithogon ageikhe hagakhe laga iti, at helo yeke hakene kok alep meke etnogo nen, elalin meke at il oba hagakhe dogoagaluk iteerek 'bekhe meke etnogo ebe hagakhe dogolik, akhuni agat oba welageikharek meke ekalat nukhetdisekhe laga. Itithogon nukhetdisekhe dogolik, it akhuni emenogo nen, helo yeke hakene kok meke karok oba palekma ebe watlasusak meke apuke the ageikhe meke etnogo ebe hakene alino hagarogo kaneke ageikhe hagasuagaluk yogeisekhemo ebe hagakha lakhigi.

A'bikaka 13:8

At Allah nen pogot agat aban walhigidek dogolik, “It eta iniluk motok dogoagaluk hagarinabigin,” iluk inetaga at ADomba Eak, it inobasik wakhukha meke etnogo aruesika baga holal waganogo 'bisikhe. It inetaga itithogon holal waganogo 'bisikhe meke, helo yeke hakene kok etnogo hogorakhidek werek korlek, akhuni agat oba welageikharek meke aperek tha'bokhogonat helo yeke hakene kok etnogo inetaiken oba hakotdiluk hogorakhe lageikha hisigi.

A'bikaka 16:17

Itithogon higirik oba nen, yabokane, it malaikat emenogo meke inebe 6 oba itithogon arat hagakhasik oba nen, at ageikhe nen, Allah akla aga i henago negen etnogo meke ageikhe tialogo pogot abelmake oisa werekmake usabi agunem, Allah ai halekma at kok welagarekma obolukmo nen ane ageikhe kokhogon men ekhe, “Arat ilugun warogo hagatlaga o,” iluk ekhe.

A'bikaka 20:2

Itithogon wolok usa'agasik, at warlo hakene kok muk haganeat nen welageikhe meke etaga Iblis igik, Setan igik, egarek meke etnogo, ebe iki herle warogo yi akhuni ti akhuni nukhetdisekherek iti hak nukhetdisigidek 1.000 tahun iki herle warek wema baga kilinmo eloma dogoagaluk usakhesik, thu kunci larogo 'bisinem higi o. Etoma dogoluk nen, hisalogo lia'isusak obaat il opaki hasik hisalek dogoagaluk hisalogo lia'isigin.