A'bikaka 8:3 - ALLAH ANE WENW KET MEKE WAROGO WOKNINAKHIKHE WENE

³ Itithogon werekma, malaikat ninat ageikhe nen, hetuken temekharek meke emas meke hagarek wolok, yi meke ti meke Allah ake hetu hunekharekma emas meke hagarek iti baga wagasik metek welaga. Itithogon werekma, Allah nen, at a'buri tha'bokhogonat sembayan egarek meke inane inom, kemenyan inom, inom-inom hetu hunisuagaluk, kemenyan doalegat wogokhemo, yi meke ti meke Allah hetu hunekharekma emas meke hagarek iti, ebe at kok welagarekma obolukmo etnogo elokhoma werekma oba 'bi lagunem lakhigi.

A'bikaka 8:3 ပူးပေါင်းရင်းမြစ်များ

Lukas 1:10

Itithogon ukiluk hetu hunhe korlek, it akhuni inebe doalegat o silimo natogorlogo sembayan isi lagoukha.

Roma 8:34

Nen, wene ninoba 'biluk nen, tha nen weagatninabusak nogo. At Kristus Yesus watlageikhesikmo Allah nen ilugutdisikhemo, pogot oba dageiluk, at alilu iki ebeke ebe kok dogolik, nit hasik Allah ayoko 'biliogo.

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

Ibrani 9:4

O etoma apusu obasi hano meke Allah hunekhe lagoukhama emas meke hagarek inom, peti Allah ninom hunik welago iluk oado tha'bokhogonat emas meke laberek inom, welageikhe. Peti iti akla, manna neke lagoukha meke isoak emas meke akla ukharlek iti inom, ap Harun athegerluk aku dukhisi lageikhe meke iti inom, wene Allah nen ninasuk wakhikhe wene holal helekit oba waganek iti inom, welageikhe.

A'bikaka 10:1

Itithogon arat hisigirik oba nen yabokane, at malaikat obatneak meke ageikhe asu negen oisa meke ugu. Nen, ukuloak oba warlopaik dagakthek. Nen, elokhoken mulikin hakene. Nen, isok hetu amulok mot dageikherek hakene.

A'bikaka 14:18

Itithogon lakhigirikmo nen yabokane, at malaikat ageikhe hetu iteerek meke Allah ake hetu hunekharekma nen wagasik, at malaikat akarok korlo meke elaklak weak meke wolok usa'aga meke etnogo ane kokhogon men yogokhunem nasuk holhi, “Agat oba anggur eken arat horle agama palusak werek iti, hakarok iti wolok, eken pali usan o,” iluk yogokhe.

A'bikaka 5:8

Itithogon ikimo waganhunem, it Allah nen winametdisasikhemo iniluk welageikharek meke inebe 4 oba emenogo inom, ap inarluetek inebe 24 emenogo inom, Domba Eak etnogo apma ukiluk initibagal yukukhogon hogorakhe lageikha. Itithogon hogorakhe dogolik, it ap inarluetek emenogo inebe tomok gitar hakene meke inom, kemenyan apusu isoak emas meke hagarek meke baga henago meke inom, inikimo hago dogolik etai wakhe lageikha. Kemenyan iti ebe re, Allah a'buri sembayan egarek itiat o.

A'bikaka 6:9

Itithogon hisigirik oba nen, oporlik sirlo 'begarek iti hak, thuesika uanat meke baga iki apusu baga tetnekhogon 'bisukha meke etnogo meke, Domba Eak etnogo nen 4 oba arat 'bukalhesik oba nen, ageikhe 'bukalhunem, akhuni Allah ane a'bethogon waganhukhasik, it aperek yogeisekhe lagoukha iti hasik inakhukha meke inagoreke Allah ako warogo hetu hunekharek oba apma werekma lageisigi o.

A'bikaka 7:2

It itithogon werek korlek, malaikat ninat ageikhe o mulikin dagei agarekma eloma nen Allah iluk motok welagarek meke asirlo wolok dukhi agasik, Allah nen it malaikat inebe 4 oba agat inom, i laut yekelek inom, weagatduagaluk iteerek 'bisasikhe meke emenogo men yogeisugunem holhi,

A'bikaka 8:4

Itithogon 'bi lagunem nen, Allah a'buri sembayan egarek meke inane inom, kemenyan obasi inom, malaikat etnogo ikimo nen Allah elokhoma dageikhe laga higi o.

A'bikaka 8:5

Itithogon hagakhesik nen, yabokane at malaikat etnogo nen hetu yi meke ti meke Allah ako warogo hunekharek etnogo meke waganhesik, hetuken temekharek meke etnogo akla ukharlogo, agat oba wukhogon usa'isa aga laga. Itithogon usa'isa agunem, o yabok eran-alep yibarlabethekhe dogolik, pogot ane kogat luk-luk igik, dugul kogat luk-lagathigik, hagakhunem higi o.

A'bikaka 9:13

Malaikat inebe 5 inapikon ane itithogon huthegasik oba nen, malaikat ageikhe apikon ane huthasinem, Allah hasik obasi hano meke elokhoma hetu hunekharekma, ebe emas meke hagarek meke, nen, ukut ebelak-ebelak 4 oba sapi aik hakene hagarek meke, Allah elokhoma werekma etoma nen akhuni inane hakene isinem holhi.