A'bikaka 4:9 - ALLAH ANE WENW KET MEKE WAROGO WOKNINAKHIKHE WENE

⁹ Itithogon ekhe dogolik, hibiku-yogoku at kok iluk motok welagarek meke etnogo ebe obolukmo werekma hogorakhe dogolik, “Ninopase kok welagatek meke harat heagei wathakhik, hogothakhik, kogotdageigik, hagakhe dogogun o,” isinem nen,

A'bikaka 4:9 ပူးပေါင်းရင်းမြစ်များ

Ibrani 7:25

Itithogon iluk motok dogolik, nit akhuni ninobasik Allah ayoko 'bisi motok welagarek iti nen he, nit akhuni Allah werekma ukuogoluk at oba haklarik ukisinem erlok tilninabiluk nen 'bogokhogon motok hano hagatninabigin iti.

Ibrani 7:8

It ap Allah iteerek dogolik, it akhuni aperek nen yi meke ti meke iniki wenago 10 baga hagatlasi agarek meke aperek mikirlogo Allah hasik 'bisinem, inebe akhuni watlageikharek meke nen waganhe lagoukha mekeat he, ap Melkisedek iti anek he, iluk welagarek meke nen itithogon waganhikhe, iluk Allah ane baga holal waganek werek o.

A'bikaka 1:18

niluk motok welagarek, anat o. An nebe arat watlagagi mekeat he, lakhan! Niluk agagisik, niluk motogat dogogin o. Watlageikharek iti inom, watlatluk lageikharekma iti inom, thu kunci an nikimo werek o.

A'bikaka 10:6

Allah nen pogot ebe inom, oba welagarek meke inom, agat ebe inom, oba welagarek meke inom, i laut yekelek inom, akla welagarek meke inom, tha'bokhogonat winametdisasikhesik iluk motok welagarek meke etaga baga men iluk hupuk palhunem hokhi, “Allah nen hagasigin iti, itinem igik, itinem igik, dogogun dek o.

A'bikaka 15:7

Itithogon dukhi ageikhasikmo, it Allah nen winametdisasikhe meke iniluk welageikharek meke inebe 4 emenogo meke ageikhe nen, isoak ebe 7 emas meke hagarek oba Allah iluk motok welagarek meke akla aga i negen henago meke, Allah nen it malaikat inebe 7 baga emenogo wogeisekhe laga lakhigi.

A'bikaka 21:5

Nen, at kok welagarekma obolukmo etnogo baga dogolik, men ekhe, “Yi meke ti meke tha'bokhogonat ket meke winamerogo 'bigi yoma lakhani,” iluk ekhesik nen, an men yoknekhe, “Wene iti eberogonat meke, iluk hetaiken hakotdusak meke iti nen, holal waganin o,” iluk yoknekhe.

A'bikaka 4:2

Itithogon yoknekhe korlek eranogoat, Allah Agoreke noba duk i agama nileken lakhigi hak, pogot oba at kok welagarekma obolukmo werekma lakhigi. Itithogon werekma, at ebe obolukmo iti baga hurek werekma lakhigi.

A'bikaka 4:8

It iti inebe 4 meke re, inebe tomok ina'bikha 6 oba werekma, inomak abel itikmanke inom, akmanke inom, inileken motok doalegat meke inane huk welageidek, dikene motok, hibakone motok, Allah hogorakho motok dogolik, “Ninopase Allah Etagapogot obatneakma, u a e, Haganeat karelek motok welageikhe, u a e, Yogotak karelek motok werek, u a e, Yabokane karelek motogat dogogin, u a e,” iluk hogorakho motok welageikha.

A'bikaka 5:1

Itithogon hagakhunem nileken hisigirikmo nen, oporlik at kok etnogo ebe welagarekma obolukmo dogolik, thuesika uanat meke baga holal abel itikmanke akmanke waganek meke dikilik werekma, “It aperek inileken 'bikhausak dek,” iluk sirlo 'begarek hak, apusu 7 baga tetnekhogon 'bisukha meke ikimo hago werekma nileken higi.

A'bikaka 6:16

Itithogon limago dogolik, tom inom, helekit inom, men yogeisekhe lageikha, “Allah anini ninoba 'bigin etnogo arat asi aga yoma, tha hak nen akla puk hapugutdiluk huk asigin apegep? Erlok dek o. Iti nen he, hit nen, at kok welagarekma obolukmo werek iti nen elokhoken aga ninakhik, Domba Eak iti akla aga ninoba 'biluk ninakhik, hagasugun yi, thogoumhogon ninebe thebeldinaniluk nen, hinakma lima'inanini o,” iluk kino yogeisugunem nasuk holhi o.

A'bikaka 7:15

It itithogon hagakhasikmo nogo nen, Allah kok welagarekma obolukmo ebe werekma il oba metek dogolik, at ai halekma at hasik dikene hibakone hagakho motok werekma, at kok welagarekma obolukmo werek etnogo nen, akhuni mo aik nen inasunogo iluk, o halharek iti hak, at ebe nen it thalogo hagasik dogogin o.