A'bikaka 3:5 - ALLAH ANE WENW KET MEKE WAROGO WOKNINAKHIKHE WENE

⁵ Tha nen obatne asigin halok he, su kut meke i'bigin o. Nen, an it akhuni inilugurinakherek meke inetaga thuesika baga holal waganek meke horogo la'isagein dek o. An nopase inom, malaikat yoko la'isa agarek meke inom, inil oba, Yi an na'buri o, iluk inetaga pakhogon yogeisagein o,

A'bikaka 3:5 ပူးပေါင်းရင်းမြစ်များ

Matius 10:32

Itithogon yogeisasikhesik, ageikhe men yogeisasikhe, “Tha nen, Yesus iti an noe o, akhuni inil oba ane pakhogon isi halok he, an meneke, At iti an nagot o, iluk nopase pogot oba meke il oba, nane pakhogon iginat o.

Lukas 10:20

Itithogon meke re, it mokat inobabut weak meke nen hit hinane holharek iti baga, hinakla arleken akhugup o. At he, hinetaga pogot oba holal waganek werek iti hasik anek, hinakla arleken akhekhe dogoni o,” iluk yogeisasikhe.

Lukas 12:8

Itithogon yogeisasikhesik, ageikhe men yogeisasikhe, “Tha nen akhuni inil oba, Yesus iti an noe o, iluk pakhogon isi halok he, an abat itaklasi agagi etnogo nen meneke, it malaikat Allah nen yoko la'isa agarek meke emenogo inil oba, At yi an nagot o, iluk, it inobasik nane pakhogonat yogeisagein o.

Filipi 4:3

Nen, hat nagarlak ageikhe Allah ayabu nipisak hunik motok hagakhe lago etnogo, it humi inebe pere iti yomageisanogoluk yokhikhi iti o. It humi iti inom, ap Klemen etnogo inom, it ato an ninom Allah ayabu opakiat hagakhe lago meke emenogo inom, hano wene ninobatnerogon ninom yogeisilik nekhe lago meke ninetaga tomok, at Allah aruesika baga naburlal-haburlal hagarinabigin meke inetaga holal waganogo 'bekherek etnogo baga, waganek werek.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.

A'bikaka 13:8

At Allah nen pogot agat aban walhigidek dogolik, “It eta iniluk motok dogoagaluk hagarinabigin,” iluk inetaga at ADomba Eak, it inobasik wakhukha meke etnogo aruesika baga holal waganogo 'bisikhe. It inetaga itithogon holal waganogo 'bisikhe meke, helo yeke hakene kok etnogo hogorakhidek werek korlek, akhuni agat oba welageikharek meke aperek tha'bokhogonat helo yeke hakene kok etnogo inetaiken oba hakotdiluk hogorakhe lageikha hisigi.

A'bikaka 17:8

Helo yeke hakene hegen iti, alep iluk welageikhe mekeat he, yogotak elokhe dek hegen iti, wema baga kilinmo nen dageisigin o. Dagei aga halok, Allah nen alomatdigin o. Nen, Allah nen agat aban winametdigidek dogolik, thuesika it akhuni iniluk motok dogoagaluk hanorinabigin meke, inetaga holal waganek iti baga, it aperek inetaga holal waganek dek meke nen helo yeke hakene iti inileken halok, it nen he, Helo yeke hakene yi, alep welageikhesik nen, elokhe dek ageikhe mekeat, yabokane winam aga yi, ninayuk o, iluk hogorasugun o.

A'bikaka 19:8

Age itithogon ikhagaluk, asu lenan elokhoken kut motok hano thobalek mekeat ugu dogoagaluk wogokhemo higi. Su hano iti ebe, akhuni Allah a'buri inobabut mothogon hagakharek meke itiat o,” iluk ekhe lageikha.

A'bikaka 2:11

Nen, wene yogeisigi iti Allah Agoreke ne, Allah a'buri o yi ai ti ai natogokharek meke yakulisiliogoat iti, hinasuk holusak halok he, hanorogo holino o. Tha nen obatne asigin meke halok he, it aperek watlatluk yabokane motok-motok watlasugun iti, inom weagarinabigin dek o, iluk wene tha'bokhogonat yogeisigi meke iti holal waganogo inoba la'ino,” iluk yoknekhe.

A'bikaka 2:7

Nen, wene igi meke iti, at Allah Agoreke nen Allah a'buri o yi ai ti ai natogokharek meke yogeisiliogo iti, hinasuk holusak halok he, hanorogo holino o. At tha nen obatne asigin halok he, Allah ayabumo o eken inilugurinakherek meke iti noagaluk melageisigin o, iluk wene tha'bokhogonat yogeisigi meke iti, holal waganogo inoba la'ino,” iluk yoknekhe.

A'bikaka 20:12

Itithogon dek aga korlek, akhuni watlagoukha meke inetagawerek meke inom, inetaga dek meke inom, at kok obolukmo werek etnogo elokhoma metek werekma hisigi. Itithogon werek korlek, thuesika tha'bokhogonat 'bukalhigik, thuesika ageikhe akhuni inniluk motok dogoagaluk hanorinabigin meke inetaga holal waganek meke 'bukalhigik, hagakhe laga. Itithogon 'bukaldiluk, it akhuni watlagoukha meke inobabut hagakhe lagoukha meke thuesika etoma baga holal waganek meke tak-tagat ukum inoba 'bigik, kokhik, hagakhe laga higi.

A'bikaka 21:27

Itithogon ukekhe dogogun mekeat he, akhuni weka inalilo meke hagakhik, inekalat igik, hagakhe dogolik inoba horinakhidek meke o etoma ukekhe dogogun motok dek higi. Itithogonat mekeat he, it aperek iniluk motok dogoagaluk hanorinabigin meke inetaga Domba Eak aruesika baga holal waganek meke anek o etoma ukekhe dogogun higi o.

A'bikaka 22:19

Nen, tha nen yi wene ti wene yabokane hagatlasigin meke yoknekhe meke holal waganhi meke yi werek korlegat he, wene iti meke ageikhe thebelogo usakho halok he, o eken nukunem inilugurinakherek meke iti eken ageikhe at noagaluk werek mekeat he, Allah nen he, Hat nausak dek, iluk yogokhik, nen, o Allah ekaerek ai o kota etnogo at iti iteerek atluk dukhigik-ukigik, hagakhe dogoagaluk werek mekeat he, Allah nen, Hat ukusak dek, iluk yogokhik, igin,” iluk yokhisigi iti o.

A'bikaka 3:12

Nen, tha nen obatne asigin meke halok, o hiseke usakharek iti hak, at itithogonat Allah ekaerek ai halekma meldiluk, nopase Allah etaga inom, ai kota yerusalem ket meke at nenat pogot oba nen usa'isigin iti etaga inom, an netaga ket meke inom, an nen, at iti oba holal waganogo 'bumo, at ebe o etoma nen dukhisigin motok dek o,

A'bikaka 3:4

Itithogon mekeat he, hit akhuni o Sardis eke hinebe pererlagat aperek, akhuni nen inasu thobalek meke mirli meke oba dabulasunogo iluk karelogo welageikharek iti hak, weak ageikhe hagakhidek werek iti, inasu kut meke isusak obaat ikhogo nen an ninom nekhe dogogun o.

A'bikaka 6:11

at nen he, “Hinagarlak lak hinerugi ebetlake hinom an nobasik hagakhe lagagip meke, hit hinakhukha iti hak, inasugun meke aban werek iti, it therisik thet walogo il opakiat dogono,” iluk yogeisasikhesik, inebe dopok inasu kut meke i'bisugunem lageisigi o.