A'bikaka 2:9 - ALLAH ANE WENW KET MEKE WAROGO WOKNINAKHIKHE WENE

⁹ Hit ebe meke hasik hinebe kok hinikierek mekeat he, it akhuni Iblis a'buri mekeat he, inekalat, Nit ninebe Yahudi meke, iluk ekhe dogolik, hit hinetaga weak hagarogo weak hagathinakhunem, hinebe hinerlageik weak welagap iti, an niluat o.

A'bikaka 2:9 ပူးပေါင်းရင်းမြစ်များ

Matius 4:10

at Yesus nen, “Hat Iblis yi horla lan o. Allah nen ekhe dogolik, Hit nen, hinopase Allah Netagapogot anat hinitibagal yukukhogon napma ukitluk hogotnakhe dogolik, an nobasik anek hagakhe dogono o, iluk isikhemo holal waganogo 'bisukhama werek o,” iluk yogokhikhe.

Lukas 12:21

Iti hak he, it akhuni Allah il oba ebeat meke waganhidek dogolik, it inekaerek meke anek natogorlogo 'bakhiliogei iti, iti ipisak tak-tak o,” iluk yogeisasikhe.

Lukas 22:65

inane doalegat sagun ekarli wakhik, ekhe lagoukha.

Lukas 4:18

“It akhuni inameke motok dek inerlageik meke iti hano wene yi yakulisekhe dogoagaluk meldanhikhemo nogo nen, nopase Etagapogot Agoreke usa'i agama an noba dukthek werek o. Nen, nayoko 'bekhe dogolik men yoknikhikhe, It akhuni iniki herle warek werek meke herle hisalinabigin wene inom, inileken puk meke inileken 'bekelasuagaluk hanorinabigin wene inom, yogeisigik, it akhuni inapma negen thebelogo 'bisiliogei make tilogo inasokneat 'bisigik,

Lukas 6:20

Itithogon hagakhunem, at Yesus nen agarumi ane waganhe lagoukha meke emenogo ileken inoba 'biluk nen, men yogeisasikhe, “Hit hinerlageik meke, Allah apma 'binagagin iti nen he, hinakla arleken akhekhe dogono o.

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

La'isasikhe 14:22

Alep laga dogolik, akhuni Yesus ane yakulisilik lagoukhama waganhukha meke yabokane inoba haklarik dukhi aga dogolik, inetaiken ago warinakhik, inasuk wakhik, ilik dukhi aga dogolik, men yogeisasukha, “Wene eberogonat iluk hinetaiken Yesus oba hakotdisigip meke iti, hinobatnerogon hakotdiluk dogono. Nit yabokane Allah apma motok dogouogoluk ninoba yi aik ti aik hekhe dogoluk nenat ukugun o,” iluk yogeisilik dukhi agoukha.

La'isasikhe 26:11

Itithogon ekhe dogolik, an o akhuni Yahudi meke sembayan egarekma dopok ukiluk, it inetaiken Yesus oba hakotdiluk welagoukha meke here'isoagaluk nane obatnerogon yogeisigik, yi aik ti aik hagarinakhik, hagakhe dogolik, nakla aga apik dageikhe dogolik, it aperek o walegat ilugun-ilugun etoma meke mugusik laga lagagiat,” iluk yogokhikhe.

Roma 12:12

Hit nen, “Yabokane at Allah nen hano hagasigin werek o,” iluk, hinakla arleken akhalok, yi aik ti aik hekhe dogolik, hinobakhanini hapugutdiluk sembayan thogotdigidek isi motok dogono o.

Roma 2:17

Itithogon mekeat he, hit nen, “Nit ninebe Yahudi ebe Yahudi meke,” iluk ekhe dogolik, hinetaiken wene Allah nen ninasuk wakhikhe wene etnogo baga hakotdiluk dogolik, “Allah iti nit ninopase o,” iluk hogorakhekhe lagap yoma re!

Roma 5:3

Iti hasik anek ninakla arleken akhekhe lago 'buk. Yi aik ti aik hogorek iti baga, ninetaiken horle agarek iti nen itithogon weagatninakhe korlek, ninakla arleken akhekhe lagoat o.

Roma 8:35

At Kristus ninebe akmu nen ninom hunik werekma, tha nen agotninabusak. Yi weak ti weak ninoba hagatlageik, akin meke ninoba ageik, hagasumo iti nen agotninabusak a? Erlok dek o. Akhuni nen, “Hinebe Allah a'buri,” iluk weagatninabumo iti nen agotninabusak a? Hipiri no ageik, ninasu yi meke ti meke dek ageik, hagatlasumo iti nen agotninabusak a? Yuk ageik, ninebe ninakhik, hagatlasumo, iti nen agotninabusak a? Erlok dek o.

Roma 9:6

Allah nen it abok yogeisasikhe iti, “Ebe dek aga,” iluk igi 'buk. It Israel nen itago meke iti tha'bokhogonat he, inebe Israel Allah nen wenageinakhikhe meke 'buk.

2 Korintus 6:10

Ninakla weak dogoligat he, ninakla arleken akhekho motok welago. Yi meke ti meke ninikimo dek mekeat he, akhuni doalegat hano meke inilmo horleak asuagaluk hagatdisekhe lago. Ninameke motok dek mekeat he, ebe meke tha'bokhogonat ite agosik welago.

2 Korintus 8:2

It akhuni aperek nen yi aik ti aik doalegat weagarinakho korlegat, it inakla arleken motok akhiliogei iti baga inobabut ekagat aga. It inameke motok dek inerlageik dogoligat, it meke doalegat, debekhogon it akhuni aperek wogeisiliogei iti.

2 Korintus 8:9

Ninoe Etagapogot Yesus Kristus obabut hano nen akmutninakhikhe etnogo hit hinilu motok apigi. At ilmo horleak welageikhe mekeat he, at erlageik motok ageikhe iti baga, hit ebe meke hinilmo horleak asubageik iluk, at erlageik motok ageikhe iti o.

1 Tesalonika 3:4

Nit alebageik hit ninom dogolik, “Yabokane yi aik ti aik hagatninakhe dogogunat o,” iluk, yokhisasugu etnogo tak-tagat hagatninabiogei iti hinilu o.

1 Timotius 6:18

It iti hanorogon hagakhe dogolik, inameke doalegat dogou hak, akhuni aperek hanorogon yomageisekhe dogolik, inameke dek meke wogeisigik, supurisigik, hagakhe dogoagaluk inasuk wakhe dogono.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.

A'bikaka 2:13

Hit he, Iblis ebe kok dogolik, akhuni aperek apma hagasik welagarekma welagathep me iti an nilu o. Itithogonat Iblis ailaat dogolik, an na'but Antipas nen nabok a'it ageidek, obabut hupukhogon dogolik yogeisilik nukhunem, it aperek nen ebe hinakla nen wakhunem, hit nen, Nit ninetaiken Yesus oba hakotdiluk welagorek iti dek, nina'it, iluk kolelogo here'anhidek, ninom hunik motok welagathep iti, hinobabut an nilu o.

A'bikaka 2:2

Hit nen an nobasik hinobakhanini hapugutdiluk hinobatnerogonat hagakhe dogolik, it aperek weak hagakhunem he, Inoba dopok, iluk, inasuk wakhidek here'isegep dek. Nen, it aperek Yesus nen la'isa agama negen hagarogo witluk ugunem, hit nen, Inekalat iliogei, iluk inobabut ekagat palhethebat. Hinobabut itithogon hagakhethep iti an nilu o.

A'bikaka 2:24

Itithogon mekeat he, akhuni aperek nen, He iti awene, Iblis awene akla meke yakulisekherek, iluk egarek meke iti, hit akhuni o Tiatira meke ebetlake nen, wene iti yakulhik, hinilu ageik, waganhidek iti nen he, hit nen wene akin meke ageikhe hagasubageik nen iluk yokhisagein dek o.

A'bikaka 3:9

Lakhani! It akhuni Iblis a'buri natogokharek meke inebe Yahudi meke dek mekeat he, inekalat, Nit ninebe Yahudi meke, iluk egarek meke iti, hit hinapma ukitluk nen, an hit netaiken hunik welagei iti inilu asuagaluk, it inebe hit hinoba 'bisasigin o, iluk eberogonat yokhisigi o.

A'bikaka 7:14

Nitema itithogon waganhunem nen, an nen he, “Noe, an nokodek. Hat anek hilu welagan o,” iluk yogokhunem, at nen he, men yoknekhe, “It akhuni yoma agat oba werekma akhuni aperek nen yi aik ti aik doalegat hagarinakhunem, Allah nen tilinakhikhemo, inasu Domba Eak amep oba arat kut motok thobalega meke o.