Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




A'bikaka 15:2 - ALLAH ANE WENW KET MEKE WAROGO WOKNINAKHIKHE WENE

2 Itithogon higirik oba nen, yabokane, i laut elokhoken mirli inamukhak hakene hetu inom dapuk-hapukhogon yekelek meke lakhigi. Itithogon lakhigirik lakhigi meke, akhuni aperek inetaiken helo yeke hakene etnogo inom, kaneke at ebe hakene alino hagarek etnogo inom, inetaiken inoba hakotdiluk hogorinakhidegat, nen etaga iniki wenago holal waganek meke etnogo waganhidegat, hagakhe lageikha baga inobatne ageikhesik, pikon gitar hakene Allah nen wogeisekhemo inikimo wolok, i laut yekelek iti yipitla metek werekma lageisigi o.

အခန်းကိုကြည့်ပါ။ ကော်ပီ




A'bikaka 15:2
14 ပူးပေါင်းရင်းမြစ်များ  

Itithogon yogeisasikhesik ageikhe men yogeisasikhe, “Hit weak hagakhe lagap meke here'isalok hinobabut eberogonat hebelaga iluk, an nebe yekerek nobatne dek meke nen ima usa'inagakhe lagei. Meke re, at kok obatneak meke yabokane wisigin o. At ebe kok obatneak iti nen, an nebe yekerek meke nen isok agot ugu meke wolok lausak erlok dek o. At nen ima usa'inagu hak, Allah Agoreke inom, hetu inom, hinoba usa'isigin o.


Emas oko kogat palharek meke iti hano a? Weak a, iluk hetu aik oba walhegarek iti hak, Allah nen, “It inetaiken an noba eberogonat hakotdiluk werek a? Dek a,” iluk, ekagat asuagaluk apasinem, hinoba yi akin-pakinhogo hekhe lagap iti o. Emas iti, we yugunat dek asigin mekeat he, ebe wene kok he, hinetaiken Allah oba hakotdiluk welagap itiat o. Hit hinetaiken at oba hakotdiluk dogogun halok he, at nen hinobabut palhe dogoluk nen, Yesus Kristus thelekmaat la'isigin itinem, hogothinakhik, hinalonethinakhik, kogotdinagagik, hagasigin o.


Nagarlak lak nerugi. Hinebe nakmu lak o. Hetu aik hegarek iti hak, Allah nen, hinobabut paligiluk yi aik ti aik hinoba agunem, hinakla nen, “Yi ninat hogorek dek meke ninoba ariogo,” iluk apugup o.


It ninagarlak lak ninerugi iti inekaerek inebe inakmu ageidek, Ninakha halok he, hanoat o, iluk nukhunem inakha. It iti, Domba Eak amep ulabogo wakhukha iti baga inom, it nen Allah ane ebe wene iti pakhogon yogeisilik nekhe lageikha iti baga inom, Iblis etnogo arat obatne degetdisega iti o.


Itithogon lakhigirik oba nen, yabokane yeke helo hakene kok meke ageikhe aik ukuloak oba 10 ulabek, nen ukuloak 7 meke, i laut yekelekma nen dukhi agunem lakhigi. Aik 10 baga iti inebe tomok oba, kare-kare ap koktek ikharek iti hak ugu, nen ukuloak 7 baga iti, inebe tomogat oba Allah etaga weagarogo hagakharek meke holal waganek welaga lakhigi.


Itithogon ageikhe hagakhe laga iti, at helo yeke hakene kok alep meke etnogo nen, elalin meke at il oba hagakhe dogoagaluk iteerek 'bekhe meke etnogo ebe hagakhe dogolik, akhuni agat oba welageikharek meke ekalat nukhetdisekhe laga. Itithogon nukhetdisekhe dogolik, it akhuni emenogo nen, helo yeke hakene kok meke karok oba palekma ebe watlasusak meke apuke the ageikhe meke etnogo ebe hakene alino hagarogo kaneke ageikhe hagasuagaluk yogeisekhemo ebe hagakha lakhigi.


Hit nen, at etaga holal waganek meke a? Etaga hasik iniki wenago meke a, waganhep meke halok, yi meke ti meke oko paligik, it aperek inoba oko waganhik, hagakhe dogosak o. Itithogon mekeat he, it akhuni aperek netaga waganhidek meke halok, itithogon waganhe dogosak motok dek o,” iluk ane obatnerogon yogeisekhe laga lakhigi o.


Leget horlako leget iti, helekit a'bi'bal horleak oko kok palharek meke etaga baiduri pandan iti meke hagarek. Nen, o kota iti ebe emas elokhoken mirliak hano inamukhak hakene meke hagarek higi.


Nen, at kok welagarekma obolukmo etnogo elokhoma, ageikhe inamukhak elokhoken mirliak i laut yekelek hakene welaga. Itithogon werekma, at kok welagarekma obolukmo turlem werekma, abel ebelak-ebelak, it Allah nen winametdisasikhemo iniluk welageikharek meke aperek inebe 4 oba inelokhomake inoporlike inileken doalegat meke welageikha.


Itithogon ikimo waganhunem, it Allah nen winametdisasikhemo iniluk welageikharek meke inebe 4 oba emenogo inom, ap inarluetek inebe 24 emenogo inom, Domba Eak etnogo apma ukiluk initibagal yukukhogon hogorakhe lageikha. Itithogon hogorakhe dogolik, it ap inarluetek emenogo inebe tomok gitar hakene meke inom, kemenyan apusu isoak emas meke hagarek meke baga henago meke inom, inikimo hago dogolik etai wakhe lageikha. Kemenyan iti ebe re, Allah a'buri sembayan egarek itiat o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ