A'bikaka 10:3 - ALLAH ANE WENW KET MEKE WAROGO WOKNINAKHIKHE WENE

³ yeke helo yeke hakene etaga singa iti meke ane ke ekherek iti hak pogot ane kokhogon isinem, wene oko pogot ane 7 baga nen yogokhe lageikha.

A'bikaka 10:3 ပူးပေါင်းရင်းမြစ်များ

A'bikaka 14:2

Itithogon dogolik, inane i tutunmo usekhe dogolik ane hakene igik, pogot ane kokhogon ekherek hakene igik, it akhuni gitar wakharek meke nen ebe wakhunem ane ekherek hak igik, pogot oba nen inane doalegat isinem nasuk holhi.

A'bikaka 15:1

Nileken itithogon lakhigirik oba nen, yabokane, akhuni nen hutduagaluk, elalin meke ageikhe kok meke inayuk meke hakene yigithogon pogot oba winam agunem lakhigi. Ilugun kobokhogon Allah akla aga inoba 'biluk weagarinabigin iti nen, iniki 7 baga weagarinabigin meke, malaikat inebe 7 bagaat winam agunem lageisigi.

A'bikaka 15:7

Itithogon dukhi ageikhasikmo, it Allah nen winametdisasikhe meke iniluk welageikharek meke inebe 4 emenogo meke ageikhe nen, isoak ebe 7 emas meke hagarek oba Allah iluk motok welagarek meke akla aga i negen henago meke, Allah nen it malaikat inebe 7 baga emenogo wogeisekhe laga lakhigi.

A'bikaka 4:5

Itithogon werekma, at kok welagarekma obolukmo iti baga nen oyabok eran-alep yegethigik, pogot ane kok sup iluk nen ane luk-luk lageik, hagakhe korlek, at kok welagarekma obolukmo etnogo elokhoma lampu yibarlek ebe 7 baga isok tilik welaga. Iti ebe, Allah Agoreke opakiat meke, 7 thalek etnogoat o.

A'bikaka 8:5

Itithogon hagakhesik nen, yabokane at malaikat etnogo nen hetu yi meke ti meke Allah ako warogo hunekharek etnogo meke waganhesik, hetuken temekharek meke etnogo akla ukharlogo, agat oba wukhogon usa'isa aga laga. Itithogon usa'isa agunem, o yabok eran-alep yibarlabethekhe dogolik, pogot ane kogat luk-luk igik, dugul kogat luk-lagathigik, hagakhunem higi o.