A'bikaka 1:2 - ALLAH ANE WENW KET MEKE WAROGO WOKNINAKHIKHE WENE

² Itithogon yoknekhemo, at Allah ane iti Yesus Kristus nen abok yoknikhunem wene tha'bokhogonat an nileken higi meke iti abok pakhogon holal waganogo 'bigi iti o.

A'bikaka 1:2 ပူးပေါင်းရင်းမြစ်များ

Yohanes 1:32

Itithogon yogeisasikhesik nen, yabokane at ileken hasikhe meke pakhogon men yogeisasikhe, “Allah Agoreke thue merpati yogeik negen pogot oba nen usa'agasik Yesus oba labek werekma an nileken higi o.

Yohanes 12:17

Nen, at Lazarus warek thalhukhasikmo nen, at Yesus nen waikhikhemo ebe iluk ageikhesik dukhi agunem, it akhuni inileken hasukha meke emenogo nen, it aperek yogeisekhe dogolik,

Yohanes 19:35

Itithogon hagatlagunem, ap ageikhe ileken welageikhe meke nen, hit hutdubageik nen iluk, at ileken hasikhe meke nen abok pakhogon iliogo iti. Nen, at nen meneke, “Eberogonat nileken hutukhogonat higirik abok pakhogon yokhisigi” iluk, at iluat o.

Yohanes 21:24

Wene Yesus agot ageikhe hasik isikhe iti, nebe anat o. An nileken hasigi meke nenat pakhogon yokhisau hak, holal waganogo 'bigi yi o. Wene iti an nileken hasigi meke nenat pakhogon yokhisigi eberogonat, iluk, nit tha'bokhogonat ninilu.

Yohanes 3:11

Nit nen wene ninilu mekeat yokhisigik, ninileken hogo mekeat eberogonat iluk, pakhogo yokhisigik, ekhe lago mekeat he, ninane iti holhidek hinobakhanini hagakhe lagap iluk, nane eberogonat yokhekhe lagei.

La'isasikhe 22:15

Halok, hileken higik, hasuk holhik, hagakhen meke iti, akhuni tha'bokhogonat pakhogon yogeisekhe dogono.

La'isasikhe 26:16

Meke re, hebe melasin. An nebe helokhoma melasi agei yi. Hat hebe an natuaneke atluk dogolik, yogotak hileken neegen meke men, yabokane nebe helokhoma melagunem neagein meke men, akhuni aperek yogeisekhe dogonogoluk, hayoko 'bigi iti.

1 Korintus 1:6

Wene iti Kristus hagakhikhe wene yokhisasigimo hinakla nen waganhigisip hinetaiken horletdisigip o.

1 Korintus 2:1

Nagarlak lak nerugi. Allah ane iti akla limago werekma, akhuni agat oba meke nen inokodek meke iti, an nen pakhogon yokhisa agagi iti, an nane apusu tik-tik egerek oba, nakla kagalek oba, yokhisa agagi dek.

1 Yohanes 1:1

Wene holal waganogo hinoba la'i ago iti ebe re, ebe wene ninilugutninakherek meke ebekeram erloma nen welagarek etnogo meke. Wene iti, nit arat ninasuk holhik, ninileken tomok higik, 'birogo welageik, niniki hakhigik, hagakhugu meke etnogoat o.

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.

3 Yohanes 1:12

Itithogon mekeat he, at Demetrius hasik anek he, akhuni tha'bokhogonat men, at Allah eberogonat anek ekherek etnogo men, an men, “At hano hagariogo,” iluk abok hano ogorek. At abok ogorek iti, eberogonat hano ogorek iti hit hinilu o.

A'bikaka 1:11

“Hat hileken hegen meke iti, holal waganin o. Holal waganogo nen, it Allah a'buri gereja 7 baga nen natogokharek meke, o etaga Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba la'in o,” iluk yoknekhe.

A'bikaka 1:19

An itithogon motok welagei iti nen he, yi wene ti wene yogotak ya hagatlariogo meke inom, yabokane hagatlasigin meke inom, hileken higin meke iti tha'bokhogonat holal waganin o.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.

A'bikaka 12:11

It ninagarlak lak ninerugi iti inekaerek inebe inakmu ageidek, Ninakha halok he, hanoat o, iluk nukhunem inakha. It iti, Domba Eak amep ulabogo wakhukha iti baga inom, it nen Allah ane ebe wene iti pakhogon yogeisilik nekhe lageikha iti baga inom, Iblis etnogo arat obatne degetdisega iti o.

A'bikaka 12:17

Itithogon usa'isinem, warlo etnogo akla aga he etnogo oba 'biluk, akhuni he etnogo nen itago meke ebetlake Allah nen wene ninasuk wakhikhe wene hologo mothogon hagakhik, Yesus nen hagakhikhe wene pakhogon yogeisigik, hagakharek meke inasigiluk inawim ka'beldekhesik,

A'bikaka 20:4

Itithogon higirik oba nen yabokane, ap koktek inobolukmo doalegat werekma etoma inebe doalegat kok dogolik, akhuni aperek inapma 'bisalok hagasik dogolik ukum inoba 'bigik, kokhik, hagakhe dogoagaluk iteerek 'bisegama hisigi. Nen, ageikhe higiat. It akhuni helo yeke hakene kok meke etnogo inom, akaneke at ebe hakene alino hagarek etnogo inom, hogorinakhidek etaga thalek holal waganek etnogo inetai ekerlogo inilhaoak oba a? Iniki baga a, waganhidek here'isalok, Yesus hagakhe lageikhe meke yogeisilik nekharek hasik inom, Allah ane hasik inom, inarlokop ade 'bogokhogon palogo inakhukha meke emenogo arat inapuke inilugurinabiluk, meldisekhesik nen welageikha hisigi. Nen, it at Kristus inom akhuni aperek inapma 'bisalok hagasik, mulikin dageigik usigik hagakhe korlek, 1.000 tahun welageikha hisigi.

A'bikaka 22:21

Nen, hit Allah a'buri o yi ai ti ai natogokhethep meke tha'bokhogonat, nagarlak lak nerugi. Ninoe Yesus obabut hano etnogo nen thethisik dogoak o.

A'bikaka 6:9

Itithogon hisigirik oba nen, oporlik sirlo 'begarek iti hak, thuesika uanat meke baga iki apusu baga tetnekhogon 'bisukha meke etnogo meke, Domba Eak etnogo nen 4 oba arat 'bukalhesik oba nen, ageikhe 'bukalhunem, akhuni Allah ane a'bethogon waganhukhasik, it aperek yogeisekhe lagoukha iti hasik inakhukha meke inagoreke Allah ako warogo hetu hunekharek oba apma werekma lageisigi o.