3 Yohanes 1:2 - ALLAH ANE WENW KET MEKE WAROGO WOKNINAKHIKHE WENE

² Nagarlak o. Hat hetaiken Allah baga hakotdiluk dogolik hano welagan iti hagat, hoba u dek hano dogolik yi hasik ti hasik hano hagakhe dogonogoluk, sembayan hat hobasik ekhe lagei o.

3 Yohanes 1:2 ပူးပေါင်းရင်းမြစ်များ

Matius 9:12

Itithogon yogeisasukhama, at Yesus asuk holhikhesik nen, men yogeisasikhe, “It akhuni aperek inoba hano meke, dokter nen u hagarinabuagaluk inayoko 'busak nogo? Dek o. Inoba u werek halogat dokter lak inayoko 'busak o.

Filipi 2:27

Ebe re, u warek dogolik watlatlep meke re, an nakla weak werek korlek watlatlepma, yabokane nakla motok weagat asunogo iluk, Allah nen at akmuat, nen, an nebe akmuat, dogolik, hanotdisikhemo ebe u dek agasik werek iti o.

Filipi 2:4

Itithogon apekhe dogolik, hinebe tomok hinekaerek hasik anek oba ebekhe dogogup. It akhuni aperek inobasik inomat inoba ebekhe dogono.

2 Tesalonika 1:3

Nagarlak lak nerugi. Hit hinetaiken Kristus oba hakotdiluk welagathep meke iti, ageikhe inom kokhogon hakotdigik, hit-hit hinebe dopok nakmu-hakmurogon hagakhethep meke iti, ageikhe inom kokhogonat hinakmurinakhik, hagakhe lagap iti nen, nit nen hit hinobasik Allah hogorasusak mekeat hogorakho motok welago.

2 Tesalonika 2:13

Nagarlak lak nerugi. Hinebe ninoe Etagapogot nen akmu werek o. Erlo baga Allah nen hinebe tilhinabigiluk wenakhinakhikhemo, hit nen ebe wene iti eberogonat iluk waganhik, nen, hinebe Allah Agoreke nen Allah ekaerek hasik 'bakhalok karelogo 'bisigik, hagakhe dogogun iti baga tilhinabigin iti nen, nit Allah heagei wasusak tak-tagat, hit hinobasik heagei wakho motok welago o.

Yakobus 5:12

Nagarlak lak nerugi. Wene ageikhe kok meke yi yokhisak. Allah nen wene hinoba 'binogo iluk, hit nen pogot oba meke ageikhe etaga palhik, agat oba meke ageikhe etaga palhik, ninat meke ageikhe etaga palhik, inetaga hupuk palhe dogogup. “I o,” uogoluk halok he, 'bogokhogon, “I o,” usak. Nen, “Dek o,” uogoluk halok he, 'bogokhogonat, “Dek o,” usak.

1 Petrus 4:8

Wene kok hakene yi. Hit-hit nakmu-hakmurogon hagakhe dogolik, ageikhe nen ageikhe weagatdugun meke thagalogo motok degetdugun iti nen, hit-hit hinagarlak lak hinerugi hinom nakmu-hakmurogo motok hagakhe dogono.

2 Petrus 3:18

Ninoe Etagapogot tilninakherek meke obabut hano etnogo nen woknisekherek meke iti waganhik, ebe hinilu ageik, hagakhe dogolik, hinetaiken horle atluk dogono. Yogotak ya men, yabokane men, at Yesus Kristus arligat hogorakho motok dogouok o, iluk, “Amin,” igi iti.

3 Yohanes 1:1

Gayus nagarlak o. An nen Allah a'buri therisik dogoagaluk meldanhikhe meke hinoe etnogo netaiken oba nen hebe eberogonat nakmu welagei, iluk, wene yi holal waganogo hoba la'i agei o.

A'bikaka 2:9

Hit ebe meke hasik hinebe kok hinikierek mekeat he, it akhuni Iblis a'buri mekeat he, inekalat, Nit ninebe Yahudi meke, iluk ekhe dogolik, hit hinetaga weak hagarogo weak hagathinakhunem, hinebe hinerlageik weak welagap iti, an niluat o.