3 Yohanes 1:1 - ALLAH ANE WENW KET MEKE WAROGO WOKNINAKHIKHE WENE

¹ Gayus nagarlak o. An nen Allah a'buri therisik dogoagaluk meldanhikhe meke hinoe etnogo netaiken oba nen hebe eberogonat nakmu welagei, iluk, wene yi holal waganogo hoba la'i agei o.

3 Yohanes 1:1 ပူးပေါင်းရင်းမြစ်များ

La'isasikhe 11:30

Itithogon natogokhukhasik, Barnabas Saulus ipisak nen, inikimo wolok lalok, it ap Allah a'buri therisik welagoukha meke iniki baga 'bi loagaluk la'isasukha iti.

La'isasikhe 19:29

Itithogon isi dogolik, inane thagalhunem, akhuni o kota Efesus etoma meke pirlirli natogosi aga dogolik, ap o propinsi Makedonia meke inebe pere, Paulus inom nekhe lagoukha meke, inetaga Gayus men, Aristarkhus men, inebe hageinakhukhasik o silimo wene kok palharekma wogosik ukisukha.

La'isasikhe 20:4

Lagaluk hagakhunem, ap Sopater, Pirus a'but, ai o Berea meke inom, Aristarkhus, Sekundus ipisak inai o Tesalonika meke inom, Gayus ai Derbe meke inom, Timotius inom, Tikhikus Tropimus ipisak inai o propinsi Asia meke inom, inom lagoukha.

Roma 16:23

At Gayus nen an nebe woknakhik, Allah a'buri tha'bokhogonat woginakhik, hagakhe meke iti nen heagei wathinakheat o. At Erastus o ukul kok yoma hasik uang bisinem hago welagarek meke iti nen heagei wathinakheat o. Nen, ninagarlak Kwartus nen heagei wathinakheat o. [

1 Korintus 1:14

Dek o. An nen hit aperek ima usa'inagagidek apigi. Ap Krispus inom, Gayus inom, eta anek ima usa'isasigi iluk Allah heagei wakhe lagei o.

1 Petrus 5:1

Hit Allah a'buri therisik welagathep iti hak, an itithogonat therisik welagarek meke nen hinasuk ageikhe wasik. At Kristus oba yi aik ti aik hilik hilik watlageikhe iti, an nileken hasigi. Nen, yabokane Allah nen ebe winamhogo la'isigin iti wagunem, akhuni nen hogorasugun iti, an ninom hogotninabugunat o. An nane liokhogon hinasuk wasik.

1 Yohanes 3:18

Halok he, na'buri o. Nit nen akhuni aperek ninakmurinakhidek dogoligat he, ninape baga anek he, “Ninakmurinakhe dogouok o,” iluk ekhe dogosak erlok dek o. At he, inebe ninakmurinabiluk, niniki baga nen eberogonat yomageisekhe dogouok o.

3 Yohanes 1:2

Nagarlak o. Hat hetaiken Allah baga hakotdiluk dogolik hano welagan iti hagat, hoba u dek hano dogolik yi hasik ti hasik hano hagakhe dogonogoluk, sembayan hat hobasik ekhe lagei o.