2 Yohanes 1:8 - ALLAH ANE WENW KET MEKE WAROGO WOKNINAKHIKHE WENE

⁸ Nen, nit nen hit hagatdinagakhe lagagu etnogo hasik, hit aperek oko waganhidek nuk asunogo iluk, tha'bokhogonat waganubageik nen he, hinobabut hebelogo dogono o. Dogolik Allah nen, “Hit oko wokhisagein,” iluk wene abok yoknisasikhe etnogo, hit aperek nuk ageidek tha'bokhogonat horlobageik nen, hinobatnerogon hagakhe dogono o.

2 Yohanes 1:8 ပူးပေါင်းရင်းမြစ်များ

Matius 24:4

at Yesus nen he, “Akhuni nen nukhetdinageinogo iluk, hinobabut hebelogo dogono o.

Markus 13:23

Wene iti aban hagatlageidek werek korlek husupi tak yokhisigi iti hinobabut hebelogo dogono o,” iluk yogeisasikhe.

Markus 13:9

Itithogon hekhe dogolik, hit he, hinobabut hebelogo dogono. Akhuni aperek nen, hiniki herle warogo ap koktek nen hinitema waganuagaluk inoba wokhisik lageik, o akhuni Yahudi meke sembayan egarekma nen tugi hinakhik, hagasugun o. Itithogon hagakhe dogolik, It yi Yesus agarumi, iluk, it ap pemerintah meke koktek inom, inetagapogot inom, ukum hinoba 'buagaluk inelokhoma meldinagumo, itinem hano iluk, an hagakhunem hinileken neekhe lagap meke pakhogon yogeisagun.

Lukas 19:19

at oe etnogo nen, Nagot wa! Halok he, o kota 5 nen yoma yabokane hat ite dogolik hagasik dogonogoluk meldagagi o, iluk yogokhikhe.

Lukas 21:8

at Yesus nen, men yogeisasikhe, “Akhuni nen nukhetdinageinogo nen, hinobabut hebelogo dogono o. It akhuni inebe doalegat nen, inetaga an netaga meke thalogo nen men ilik wisugun, At wisigin isukha etnogo an nebe wagei yiat o, igik, Hagatlasigin etnogo arat hakok i aga, igik, ilik wisugun etnaga, it iti inane hinasuk holiluk inoporlik lagup o.

Yohanes 4:36

Ebe arat palho halok he, ap ageikhe ai yakherek meke inom, nen, ageikhe eken palherek meke inom, ipisak inakla arleken akhoagaluk, yogotak at ageikhe eken paliogo meke iti oko horliliogoat o. Oko horliliogo iti ebe re, eken palogo natogorlogo 'begarek iti hak, akhuni iniluk motok dogoagaluk natogorlogo 'bisiliogo itiat o.

1 Korintus 15:8

Itithogon inelokhoma wisam arik waga lageikhesik, yabokane ebe yabokane, an elege abanma itago meke hakene mekeat, nelokhoma wisam ageikhemo nileken hasigiat.

1 Korintus 3:14

Itithogon walhugunem at ageikhe nen o herlaga iti baga halhe meke hetu nikidek dogogin halok he, oko wogosigin o.

1 Korintus 3:8

Ai yakharek meke iti, i tialharek meke iti, nipisak tak-tak mekeat, niniki oko, ninebe tomok yabu hagakhe dogogun meke tak-takhogonat woknisagein o.

Galatia 3:4

Allah nen tha'bokhogonat itithogon hagathinakhunem hagakhigip meke iti, we yugunat alomatlasusak a? Erlok dek o.

Galatia 4:11

An hit hinobasik nobatnerogo mep dageik-dagokhogon hagarik nekhe lagei etnogo we yugunat hagatlasigin a, iluk nayuk ariogo nen igi.

Filipi 3:16

Mekeat he, yogotak ninobabut wene iti hutdiluk hagarik waga lago hagat, itithogonat hagarik laga dogouok o.

Ibrani 10:32

Nagarlak lak nerugi. Hit alep Allah nen hinebe liatdinageikhemo werekma yi aik ti aik wiik-weakhogon hagathinakho korlek, hinaik hundiluk hinobakhanini hapugutdiluk hinobatnerogon welagagip iti hinakla ebetni o.

Ibrani 10:35

Halok he, alep weak hagathinakho korlek hinakla pugat welagagip meke iti kobokhogon thogotdigidek, yogotak ya itithogonat dogogun halok, oko kok meke wokhisagein iti nen, hinobatnerogon hago dogono o.

Ibrani 12:15

Akhuni hit meke aperek Allah obabut hano nen woknisekherek meke iti here'isalok dukhisinem, arle-arleka dabulatluk nen, hano meke arletdekherek hak, ap iti nen akhuni tha'bokhogonat weagarinabinogo iluk hinileken hanorogon dogono o.

A'bikaka 3:11

An ibat-ibarat wisigin o. Itithogon witluk nen, tha ae a'busuk tha ae a'busuk lagunem, inobatne asugun meke oko kare-kare mitago i'bisegarek iti hak, oko hit wokhisausak meke, it akhuni aperek nen tilogo horlaunogo iluk, hit ebe waganhigip meke iti, hiniki a'bethogon hago dogono o.