2 Yohanes 1:12 - ALLAH ANE WENW KET MEKE WAROGO WOKNINAKHIKHE WENE

¹² Wene doalegat hinoba la'isusak werek mekeat he, disu apusu thuesika baga holal waganusak, na'it o. Ninakla arleken akhekhe lago meke iti ebenageikmo arleken akhauwogoluk, opakimo wenekak ninom ninilhaoak hut-hut uogoluk, an nebe hinoba wisigin apekhe lagei o.

2 Yohanes 1:12 ပူးပေါင်းရင်းမြစ်များ

Yohanes 15:11

Nen, an nakla arleken akhegerek iti hak, hit hinakla arleken akhekhe dogolik, yabokane hinakla arleken motok kogat akhekhe dogobageik nen iluk, wene iti tha'bokhogonat yokhisigi o.

Yohanes 16:12

An nen wene doalegat yokhisausak meke re, hit waganusak erlok dek aga o.

Yohanes 16:24

O alebat nen hurli yogotak hurli, an netaga palogo yi meke ti meke ageikhe kino igidek welagapma o. Halok he, hinakla arleken kogat akhobageik nen, at kino yogokhe dogono. Itithogon yogokhe dogoumo, wokhisekhe dogoginat o,” iluk yogeisasikhe.

Yohanes 17:13

An nebe hoba wisigin mekeat, yogotak an agat oba ya dogolik, an nakla arleken akhegerek iti hak, it inakla arleken motok akhoagaluk, wene tha'bokhogonat iti yokhikhi o.

Yohanes 3:29

Nen, ap ageikhe age ikhekhe halok, he iti ebe agun, ap itiat o. Nen, ap age ikhagein meke iti agarlak ageikhe alilu metek dogolik, at ane isinem asuk holek dogolik akla nen arleken akhekherek iti hak, an yogotak itithogonat nakla arleken kogat akhekhe lagei o.

Roma 15:24

Yogotak o Spanyol laga dogolik, hit hinobake haklarik wisigiluk nakla apekhe lagei o. Hit 'bithisa agei halok he, ninom niki herlekha'bugat nakla hanorogon dogoluk nen, hit nen o Spanyol eloma la'anumo lausak apekhe lagei o.

2 Timotius 1:4

Hat de agagin etnogo nen, nipisak abuk atluk, hakla hano agunem, nakla arleken kokhogon akhagaluk, “Nipisak abuk atlo e,” iluk, hoba eberek welagei o.

Filemon 1:22

Itithogon hagakhe dogolik hit tha'bokhogonat nen an hasik sembayan Allah ayoko 'bekhe lagap iti nen, at nen yabokane niki herle hisalogo ula'aniluk hinoba woknarik wisigin apekhe lagei. Halok he, an yabokane hinoba witluk noge usak hasik, hat nen haila etoma o kamar ageikhe karelogo 'baniluk dogono.

Ibrani 13:19

Ekhe dogolik, ebe kok he, an nebe Allah nen ibat-ibat hit hinoba napuke la'ani isuagaluk sembayan ekhe dogobageik nen iluk kino yokhisigi iti o.

Ibrani 13:23

Nen, ninagot Timotius etnogo, ebe arat herle hisalogo ula'egama nen hinilurogo dogobageik iluk yokhisigi o. At ebe ibat-ibat an noba waga halok he, an yabokane hit hinoba 'bithisa aga dogolik nipisak wisugun o.

1 Yohanes 1:4

Nen, wene yi hasik ninakla arleken akhekhe lago meke iti, yabokane ninakla kokhogon eberogonat arleken akhauwogoluk holal waganogo hinoba la'i ago iti.

3 Yohanes 1:10

Itithogon hagariogo iti, ageikhe, ekalat nit ninabok weak iliogo. Itithogon ekhe dogolik, akla nen he, “An hagakhe lagei iti, herlekha'bugat. Nakla nen erlok dek. Yabokane ageikhe inomat hagasiginat o,” iluk apekhe dogolik, it Allah a'buri aperek wagunem, at ekaerek nen woginakhidek dogolik, it aperek nen woginabuogoluk hagakhunem wenageisalok, inebe Allah a'buri natogokharekma nen mukhogo ula'isekheregat iti nen, an nebe witluk nen, at hagariogo meke iti hutduagaluk ekarli wasigin o.