2 Timotius 3:3 - ALLAH ANE WENW KET MEKE WAROGO WOKNINAKHIKHE WENE

³ akhuni inebe inakmurogo welageidek ina'irat welageik, it aperek inom korlo hagatdiluk thagalogo here'isalok dogou ina'it welageik, inabok weak palhik, inobabut akla aga apik awulagamhogon hagakhik, hano meke hagasu ina'it dogolik,

2 Timotius 3:3 ပူးပေါင်းရင်းမြစ်များ

Matius 10:21

Agarlak ageikhe nen he, at ekaerek agarlak ageikhe wasuagaluk wolok lageik, opase nen he, a'but wasuagaluk wolok lageik, ina'buri nen, inagosa inopase ina'it atluk inasuagaluk inabok palhik, hagasugunat o.

Matius 4:1

Ima usa'isikhemo, Yesus Iblis nen akla kagaluagaluk, Allah Agoreke nen wolok o limo akhuni dekma etoma lageikhe.

Lukas 10:16

Itithogon yogeisalok nen, at agarumi ane waganhe lagoukha meke emenogo men yogeisasikhe, “It akhuni nen hit hinane holiogei halok he, an naneat holiogei o. Nen, Nina'it, iluk here'inagega halok he, anat here'anha o. Nen, an here'anha halok he, an la'ani ageikhe meke etnogo ebeat here'isega o,” iluk itithogon yogeisalok nen, la'isasikhe.

Lukas 16:14

Itithogon yogeisasikhemo it ap Farisi meke emenogo uang motok inetaiken hunik welagoukhasikmo etnogo nen, Yesus nen wene itithogon isinem inasuk holhukhasik nen, at obato agoukha.

Yohanes 6:70

at Yesus nen men yogeisasikhe, “An nen hit hinebe 12 oba yi wenakhinakhigi dek nogo? An nenat wenakhinakhigi mekeat, hat opakiat ageikhe Iblis mekeat welagan o,” iluk yogeisasikhe.

Roma 1:29

Itithogon hagarekhe dogolik, it inakla nen yi weak ti weak, yi korlo ti korlo, kerlekhogon dogolik, inamikmak weak hagakhik, akhuni weagarinakhik, hagakharek. Hagakhe dogolik, akhuni inoba ua palhik, inebe inakhik, wene tauk ageik, akhuni dalinakhik, wene eken 'biluk welageik, hagakharek iti mekeat inakla motok kerlek welageikharek. Inabok limago nabok-habok igik,

Roma 1:31

Inetaiken dek weak hagakhik, wene warisegarethek nen thogotdigik, akhuni ina'it anek welageik, inakmu dek welageik, hagakharek.

1 Korintus 7:5

Halok he, humi ap hinom noge ekhe dogosak iti, pauwakhogon dogogup o. Sembayan ekhe dogouogoluk halok he, men usak, “Elanma hasik werlegat dogouok,” iluk wenekak hinom iluk nen, sembayan ekhe dogoluk nen, yabokane hinom dapukhogon dogono. Hinetaiken thebelusak erlok dek iti nen, Iblis nen hinakla kagalunogo iluk, hinom dapukhogon dogosak iti o.

1 Korintus 7:9

Hinetaiken thebelusak erlok dek aga halok he, hinagugi tomok, hinaguni tomok, woginakhe dogono. Hinoba agaken dageisinem yugunat hagasumo weak o. Hinaguni tomok, hinagugi tomok, waganek dogoumo hano.

1 Tesalonika 4:8

Wene iti hit aperek nen here'isekhe lagap halok he, nit akhuni ninane meke here'isekhe lagap 'buk. Dek o. Allah nen Agoreke hit wokhisekherek meke etnogo ane mekeat here'isekhe lagap o.

1 Timotius 3:11

Iti hagat he, it iti inagugi inalaga isonhogo hagakhe dogolik inahusupi weak ilik nekharek dek meke halok, weak hagasuagaluk inakla kagalhunem inetaiken inekaerek nen therogo welageikharek meke halok, inobabut mothogon hagakharek meke halok, inobabut iti hakene halok, inaguni yomageisegarek meke dogoagaluk meldisausak o.

Titus 1:8

ap huso wagunem aila hanorogo woginakherek meke halok, hano hagakharek iti meke anek warlok apekherek meke halok, etaiken ekaerek nen therogo welagarek meke halok, obabut mothogon hagakherek meke halok, ebe Allah hasik karelek welagarek meke halok, ekaerek nen asuk warek welagarek meke halok, meldusak o.

Titus 2:3

Iti hagat, it humi inarluetek meke iti, akhuni Allah apma dogolik, inobabut mothogon hagakharek hak, hagakhe dogolik, akhuni aperek nen inabok weak palhidegat, inougi koktek inapma welageikharek hak, i anggur eken apusu apma negen dogolik, inoba la'buk nekarek itithogon nikidegat dogolik, it nen it aperek hanorogon hagakhe dogosak hasik, yakulisekhe dogoagaluk inasuk wakhe dogonoat o.

Yakobus 2:6

Itithogon wenageinakhikhe mekeat he, hit nen it inameke dek meke hinakla meanetdisekhe lagap iti. Meke re, thani nen hit hinebe weagathinakhik, pemerintah meke nen hinitema waganuagaluk wokhisik lageik hagariogei nogo. It akhuni inameke doalegat meke iti nenat itithogon hagathinabiogei apigi.

2 Petrus 2:14

It ap iti inilekenma, humi param hagarinabusak iti anek wogosik ina'it ageidek weak hagakho motok dogogun iti. Itithogon hagakhe dogolik, akhuni inetaiken obatne dek werek meke nukherinakhe dogogun iti. Inobabut he, “Yi meke ti meke nit anek woknisanek,” iluk ekhe dogouogoluk haganeat nen yakulhukhasik nen, iti mekeat inilu dogolik hagakhe dogogun iti. Itithogon hagakhe dogogun iti nen, Allah nen homan 'bisalok weagarinabigin werek o!

2 Petrus 2:19

Akhuni tha'bokhogonat nen, yi meke ti meke obatne atluk obatne degetdisinem, obatne asigin meke iti atuaneke welageikharek iti nen, it iti, inekaerek inebe weagarinakherek meke iti atuaneke dogolik, it akhuni aperek yogeisekhe dogolik, “Hit nit ninobabut waganugun halok he, yabokane hinasokneat asugun o,” iluk we yugunat yogeisekhe dogogun iti.

2 Petrus 3:3

Wene ebe yi tak hutdusak. O ilugun hurli baga, akhuni aperek inane sagun weak meke inetaiken oba nen nukunem inakla nen kagalogo weak hagakhe dogolik, hinoba witluk, inane sagun yokhisekhe dogolik,

Yudas 1:16

It iti akhuni inabok weak palhik, wenageisigik, isi motogat welageikharek meke. Yi meke ti meke inetaiken nen nukunem, “Warlok o,” inakla apekhe dogolik, iti mekeat hagakhik, inekaerek nen hogorakhekhe dogolik, yi meke ti meke thaburogo horlauwogoluk, it akhuni aperek inane agugurogo hogorinakhik, egarek meke.

Yudas 1:18

It nen he, wene men iluk yokhisasukha iti, “O ilugun kobokhogon oba dogolik, it akhuni aperek Allah ebe ina'it dogolik inakla nen, yi meke ti meke inetaiken nen nukunem, Warlok, iluk iti mekeat weak motok hagakhe dogolik, inane sagun yokhisasugun o,” iluk yokhisasukha iti.

A'bikaka 13:15

Itithogon hagakhama, at helo yeke hakene yabokane meke etnogo nen kaneke alino hagarek meke etnogo ilugutdekhemo ane isinem, it akhuni inetaiken kaneke etnogo oba hakotdigidek meke inebe motok inasigiluk wim yoko 'bekhemo inarik laga lageikha hisigi.

A'bikaka 13:17

Hit nen, at etaga holal waganek meke a? Etaga hasik iniki wenago meke a, waganhep meke halok, yi meke ti meke oko paligik, it aperek inoba oko waganhik, hagakhe dogosak o. Itithogon mekeat he, it akhuni aperek netaga waganhidek meke halok, itithogon waganhe dogosak motok dek o,” iluk ane obatnerogon yogeisekhe laga lakhigi o.

A'bikaka 16:6

Nen, it ap iti nen, hat ha'buri inom, hat hane yogeisegarek meke inom, inamep ulabogo inakhukhasikmo, mep noagaluk wogeisegen iti, inobabut oba mothogonat wogeisegen o, nopase,” iluk yogokhe laga nasuk holhi.

A'bikaka 17:6

Nen, he iti nen, Allah a'buri meke inom, Yesus ane yogeisilik nekharek meke inom, inakhikhe meke inamep nekesik, akhuni nen anggur eken apusu nalok hunu-hunu ageikharek hak, hunu-hunu agasikmo lakhigi. Itithogon lakhigirik nen motok hogorakhi.