2 Timotius 3:2 - ALLAH ANE WENW KET MEKE WAROGO WOKNINAKHIKHE WENE

² Akhuni inetaiken hunik inekaerek inebe hasik inom, uang hasik inom, kogotdigik, inekaerek nen hogorakhigik, siatdakhigik, inane puk weak wenageisigik, inagosa inopase lak inane holhidek here'isigik, heagei warinakhidek inobabut weak hagakhik, Allah hasik hagakhidek ina'it motok welageik,

2 Timotius 3:2 ပူးပေါင်းရင်းမြစ်များ

Matius 15:6

Itithogon yakulisekhe lagap iti nen, it itithogon hagakhunem, it inopase inagosa lak inalon halinabiogei dek iti o. Itithogon hagakhe lagap iti baga, hit hinopa lak hagakhe lagoukha wene iti hago dogolik, Allah ane thagalogo thogotdekhe lagap iti.

Lukas 12:15

akhuni doalegat emenogo men yogeisasikhe, “Akhuni inameke doalegat welagarek iti baga iniluk welageikharek dek o. Yi meke ti meke an meke anek dogolep, iluk inakla apekhe dogunogo iluk hinobabut hebelogo dogono o,” iluk itithogon yogeisasikhesik

Lukas 16:14

Itithogon yogeisasikhemo it ap Farisi meke emenogo uang motok inetaiken hunik welagoukhasikmo etnogo nen, Yesus nen wene itithogon isinem inasuk holhukhasik nen, at obato agoukha.

Lukas 6:35

Iti itithogon hagakharek mekeat he, hit nen hinom weak meke hinakmurinakhik, hanorogon yomageisigik, Oko it nen ageikhe woknisoak, iluk apigidegat hinobakha palek yugunat wogeisigik, hagakhe dogogun halok he, hinebe Allah Etagapogot a'buriat werekma, oko kok meke wokhisagein o. At nen itithogonat, it inobabut weak at ebe heagei wakhidek weak hagakhe korlek, at akmurinakherek iti.

La'isasikhe 5:36

Alebat, ap ageikhe etaga Teudas melageikhesik nen, Kok anat o, iluk isikhemo, ap inebe doalegat 400 hakene at apma ukiluk oporlik nekhe lagoukha. Itithogon ukisukha meke re, at ebe wakhukhama, agarumi at apma ukiluk oporlik nekhe lagoukha meke iti thirlik-pirlikhogon lo lagoukhama, at nen, Itithogon hagasuok, iluk ekhe lageikhe wene iti degat ageikhe.

Roma 11:18

Itithogon dogolik, hit nen, it inebe ikilo'bak palek meke hakene iti hasik, “It weak. Nit hano o,” iluk hogorakhekhe dogogup. O erlo nen, ikilo'bak kererakherek iti. Nen, ikilo'bak nen, erlo kererakherek dek iti hakene, it erlo meke nen, hit ikilo'bak meke kerethinakharek o.

2 Korintus 5:15

Nit tha'bokhogonat hasik watlageikhe iti nit ninebe ninekaerek hasik niniluk dogoagaluk watlageikhe 'buk. Nit ninebe at hasik dogoagaluk, at ebe nit ninobasik watlageikhesik nen apuke iluk ageikhe iti o.

Filipi 2:21

At itithogon werek korlek, it akhuni iti inebe tha'bokhogonat anek he, Yesus Kristus hasik hagakhidek dogolik, inekaerek hasik kogotdiluk hagariogei o.

Kolose 3:5

Iti nen he, hinobabut hinikhogat dogolik, hinakla nen yi warlok ti warlok apegethep meke iti warogo here'isekhe dogono. Hinobabut iti, param ha'isegarek iti inom, inakla nen, warlok iluk wosi nekarek iti inom, inetaiken nen nekerethek inoba agaken dageikherek iti inom, inileken lageisalok inakla nen warlok apegarek iti inom, kaneke oba hakokthek dogou hak, inakla nen, “Yi meke ti meke, an meke anek dogolep,” iluk apegarek iti inom, hinobabut iti meke tha'bokhogonat warogo here'isekhe dogono.

2 Tesalonika 2:4

At iti ebe thelekma atluk nen, Allah ai halekma melasi ukiluk, ekaerek nen hogorakeke dogolik, “Akhuni nen, yi meke ti meke oba hakotdiluk dogolik hogorakharek meke inom, Ninopase ebe yi, iluk egarek meke iti tha'bokhogonat inom, erlok dek anek mekeat he, kok Allah nebe anat o,” iluk ekhe dogogin iti o.

1 Timotius 1:20

It weak itithogon hagakharek iti, inebe aperek he, Himeneus Aleksander ipisak nen Allah abok weak palhe lagoukhama, yabokane inobabut hebelatluk weak hagakhidek thogotduagaluk inebe Iblis wogokhima werek iti o.

1 Timotius 1:9

Eberogonat he, wene Allah nen ninasuk wakhikhe wene iti, akhuni mothogon hagakharek meke hasik isikhe 'buk. Akhuni inasuk warek dek holu'buk hagakharek meke inom, Allah ina'it dogolik weak hagakharek meke inom, inebe Allah hasik 'bisigidek Allah ane thagalogo hagakharek meke inom, inopase inagosa lak inebe motok inakharek meke inom, akhuni aperek yugunat inebe debekhogon motok inakharek meke inom,

1 Timotius 3:3

anggur eken apusu oba pirlakthek nekerek dek meke halok, akla aga weak hagakhidek, oba enago yamukhogon welagarek meke halok, akla nen uang motok warlok nen heakherek dek meke halok,

1 Timotius 6:4

It iti nen he, wene ebe inokodek mekeat he, inekaerek hogorakeke dogolik akhuni aperek inom inane meke hasik wene palhik, inom weak ageik, hagakhe dogouogoluk, ina'it dogosak meke kogotdiliogei iti nen, ilugun oba, akhuni aperek inetaiken dek atluk, ebe wene inokodek atluk, it-it inom ua palhik, wenemuk palhik, inekalat inabok weak palhik, inakla nen yugunat wene weak meke it aperek inoba 'bigik, tugi-tugi wene-wene paldigidek hagakho motok welageikharek iti. Itithogon hagakhe dogolik inakla nen he, “Nit Allah apma ukiluk hagakhe lago iti baga, ninikierek hagatlasugun,” iluk, eberogonat thalek apiliogei iti o.

2 Timotius 3:4

inebe opakiat meke it aperek nen inasuagaluk yoko lageik, inobabut al hathokhogon hagakhik, inekaerek inalonetdakhalok hogorakhigik, Allah ebe inakmurakhidek, akhuni inakla arlekenhogon hagakharek iti mekeat warlok welageik,

Yakobus 2:8

Meke re, hit nen mothogon hagakhe dogosak meke yi. Allah nen ninasuk wakhe dogolik wene kok, men isikhe, “Hit hinekaerek hinebe hinakmurogon welagathep iti hak, it akhuni aperek hinom welagap meke iti hinakmurogon dogono,” iluk isikhemo, holal waganhukha meke werek iti tak-tagat hagakhe dogogun halok, mothogon hano hagakhe dogogun o.

Yakobus 4:16

hinekaerek nen hogorakhigik, siatdakhigik, hagarik nekhe lagap iti re! Itithogon hogorakhekhe lagap iti korloat o.

Yakobus 4:6

Itithogon mekeat he, ninebe akmurogon dogolik, kokhogon yomaknisekherek iti o. Itithogon hagakherek iti nen men isukha, “Akhuni inekaerek nen hogorakhugunem Allah nen a'it hisekherek. Meke re, inekaerek inetaiken thebekhogon dogogun halok akmurinakherek,” iluk Allah ane baga holal waganogo 'bisukha.

1 Petrus 5:5

Nen iti hagat, hit ap elege nagarumi. It aperek nen Allah ane baga men isukha, “Akhuni inekaerek nen hogorakhugunem, Allah nen a'it hisekherek o. Mekeat he, inekaerek inetaiken thebekhogon dogogun halok, at obabut hano nen akmurinakherek o,” iluk holal waganogo 'bisukhama werek iti nen, hit nen inarluetek inapma ukiluk inane hologo hagakhe dogono o. Itithogon hagakhe dogolik, hit tha'bokhogonat nen, hinekaerek nen hogorakhigidek inapma dogolik, hit aperek nen it aperek inatuaneke welageik, it nen hit hinatuaneke welageik, hagakhe dogolik yomak-yomak hagakhe dogono o.

2 Petrus 2:10

It iti kok hakene, Allah inakla meanetdiluk, yi meke ti meke inetaiken nen nukunem motok weak hagarik liliogei iti, Allah nen ukum inoba 'bigin o. Inayuk dek inawulagam weak hagakhe dogolik, pogot oba meke hogorinakho welageikharek meke etoma, it inayuk degat inabok weak palhe dogogun iti.

2 Petrus 2:12

It ap Allah ane yogeisegarek meke thalek inekalat yogeisekhe dogogun meke iti, wam etaiken dek meke ebe ha'iluk wasuagaluk ebe itaklagarek iti hak, it ap iti nen wene hutdigidek dogolik inabok weak palhe dogogun iti baga, inekaerek inebe wam wakharek iti hagat, Allah nen inasigin iti.

2 Petrus 2:18

Akhuni aperek inagarlak lak inerugi korloat hagakho korlek nen, here'isalok dukhisuogoluk hagakhunem, inetaiken nen nukunem yabokane weak hagasuagaluk, it ap iti inekaerek hogorakhekhe dogolik we yugunat inekalat inakla kagalhe dogogun.

2 Petrus 2:3

It ap Allah ane yakulisegarek meke thalek winam asugun iti inobabut he, “Nit anek woknisanek,” iluk egarek meke iti nen, hit nen oko wogeisoagaluk, wene inekaerek inakla nen kagalogo inekalat yokhisekhe dogogun iti. Itithogon mekeat he, it inobabut hagakhe dogogun iti baga, at Allah nen, “It iti ukum inoba 'biluk inebe weagarinabigin,” iluk haganeat dik-dukhogon hagatdiluk welageikhe. “Huk huk, maga maga,” iluk welageidek weagarinabigin meke werek o.

Yudas 1:16

It iti akhuni inabok weak palhik, wenageisigik, isi motogat welageikharek meke. Yi meke ti meke inetaiken nen nukunem, “Warlok o,” inakla apekhe dogolik, iti mekeat hagakhik, inekaerek nen hogorakhekhe dogolik, yi meke ti meke thaburogo horlauwogoluk, it akhuni aperek inane agugurogo hogorinakhik, egarek meke.

A'bikaka 13:1

Itithogon lakhigirik oba nen, yabokane yeke helo hakene kok meke ageikhe aik ukuloak oba 10 ulabek, nen ukuloak 7 meke, i laut yekelekma nen dukhi agunem lakhigi. Aik 10 baga iti inebe tomok oba, kare-kare ap koktek ikharek iti hak ugu, nen ukuloak 7 baga iti, inebe tomogat oba Allah etaga weagarogo hagakharek meke holal waganek welaga lakhigi.

A'bikaka 16:11

inobabut inikhogat dogolik weak hagakhe lageikha meke here'isalok, inobabut hebelageidek dogolik, it nen he, “Allah ebe nikitlatlep e,” iluk Allah kok pogot oba meke etaga motok weagatdekhoat welageikha hisigi.

A'bikaka 16:21

pogot oba nen miso digiken kok meke ebe tomok akin he, 50 kilo meke usa'aga dogolik, akhuni inebe inakhik, hagakhe laga. Itithogon inakhunem, it nen ekhe dogolik, “Miso digiken weak ninariogo yi, Allah ebe nikitlatlep e,” iluk etaga weagatdekhe lageikha lageisigi.

A'bikaka 16:9

Itithogon aik nen hali yagalinakhemo inoba kokhogon nasinem hinet wakhe dogolik, Allah akla aga inoba 'biluk weagarinabusak tak-tagat weagarinakhe laga mekeat he, at ebe hogorasuogoluk weak hagakhe lageikha meke thogotdisalok, inobabut hebelageidek dogolik, it nen, “Allah ebe nikitlatlep e,” iluk Allah etaga motok weagatdekhe lageikha hisigi.