2 Timotius 3:15 - ALLAH ANE WENW KET MEKE WAROGO WOKNINAKHIKHE WENE

¹⁵ Hat hebe elege baga nenat Allah ane holal waganek iti hilu motok welagatek iti, hakla eberek motok dogosak o. Itithogon dogolik, hetaiken Kristus Yesus oba hakotdiluk werekma, Allah nen tilhabusak meke hutdinogoluk, at ane holal waganek iti bagaat hakla erlogat kagalusak werek o.

2 Timotius 3:15 ပူးပေါင်းရင်းမြစ်များ

Matius 22:29

at Yesus nen men yogeisasikhe, “Hit he, Allah ane holal waganek iti inom, Allah obatne iti inom, hinokodek dogolik, hinane korlo egep higi.

Lukas 2:40

Dagei agoukhasik werekma, elege etnogo arlue aga dogolik, ebe obatne ageik, etaiken motok kagalek hagatlageik, aga lageikhemo, Allah obabut hano nen, hanorakhe lageikhe.

Lukas 24:27

Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Lukas 24:32

Itithogon nalageikhemo, it-it men isukha, “Eiye! Holagarlem waga dogolik nen, wene Allah ane holal waganek meke pilinogo yoknisekhe korlek, ninakla arleken atluk ninakla kagouk ekhe etnogo dek?” iluk isukha.

Lukas 24:45

Allah ane holal waganek hutduagaluk, it emenogo wene inetaiken kagalogo yogeisasikhemo hutdisukha.

Yohanes 5:47

Meke re, wene Musa nen holal waganogo 'bisikhe meke iti, hit nen eberogonat iluk hutdigidek dogolik, an nane iti nikithogon hutdiluk eberogonat iluk apagun. Erlok dek o,” iluk yogeisasikhe.

La'isasikhe 10:43

At Yesus hasik, it ap Allah ane yogeisekhe lagoukha meke emenogo tha'bokhogonat nen, abok ekhe dogolik, men isukha, At ebe wagunem he, it akhuni weak hagakharek meke inetaiken at oba hakotdugun meke inebe dopok, it weak hagariogei meke iti, at Allah nen at Yesus etaga baga thagalogo degetdisagein o, iluk yogeisekhe lagoukha,” iluk at Petrus nen yogeisasikhe.

La'isasikhe 13:29

At Yesus hasigat, Itithogon hagasugun, iluk holal waganogo 'bisukha meke iti tak-tagat tha'bokhogonat hagakhukhasik, ebe warek o baga nen usa'i agoukhasik nen, oila kola'isukha iti.

La'isasikhe 16:1

Etoma nen Paulus lak o Derbe wagoukhasik nen, yabokane o Listra wagoukha. O Listra etoma ap ageikhe etaga Timotius, Yesus ane waganhikhe meke werekma wagoukha. Agosa he Yahudi meke Yesus ane eberogonat iluk waganhikhe mekeat, opase anek Yunani meke.

La'isasikhe 17:2

Itithogon halek werekma, at Paulus o sembayan egarekma halek werek halok ukekhe lageikhe hagat, inoba ukisikhe. Ukisikhesik nen, 3 minggu baga sembayan etoma ekhe dogolik, wene Allah ane holal waganek etnogo baga inakla kagalogo hinok wogeisugunem it nen oko yogokhik, hagakhe lagoukha.

La'isasikhe 26:24

At Paulus ebe irlirlirogo wene itithogon isikhesik ageikhe igin hak, at Festus nen ane kokhogonat, “Paulus! Hunu-hunu agan higi. Hat nen yi wene ti wene doalegat yakulhe lagan iti nen hunu-hunu asuagaluk hagathakhemo higi,” iluk yogokhikhe.

Roma 1:2

Muk haganeat Allah nen, “Wene hano wene iti, yabokane winam asigin o,” iluk abok it ap at ane yogeisekhe lagoukha meke emenogo yogeisugunem, it nen Allah ane waganek etnogo baga holal waganogo 'bekhe lagoukha.

Roma 16:26

Iti re, it ap at ane yogeisekhe lagoukha meke emenogo nen holal waganogo, thelekmatdisukhama werekma an nen yokhisasigi iti. Yi ap ti ap inukuloak etaga dopok tha'bokhogonat wene iti inasuk holiluk inetaiken Yesus oba hakotdiluk ane hologo hagakhe dogoagaluk, at Allah ikhok motok welagarek meke etnogo nenat, “Wene yi akhuni inilu asuak o,” iluk isikhe.

Roma 2:27

Nen, hit Yahudi meke, wene Allah nen ninasuk wakhikhe wene etnogo hit ite dogolik, hinoado aperlagap palhethep mekeat he, wene iti hologo hagakhidek, thagalogo here'isalok weak hagakhe lagap iti nen, akhuni aperek inoado aperlagap palek dek mekeat he, wene Allah nen ninasuk wakhikhe wene iti mothogon hagariogei iti nen, it nen wene hit hinoba 'bugun o.

1 Korintus 1:21

At Allah akla motok kagalek iti nen, men isikhe, “Akhuni agat oba meke nen, inekaerek inawene kagoukhogon egarek iti nen, an nebe inilu asusak erlok dek o. It aperek nen wene ebe wene yogeisilik lagunem, it akhuni agat oba meke nen apekhe dogolik, Wene iti akhuni kepu meke nen egarek hakene iliogei, iluk isi korlegat, it aperek nen, Wene iti eberogonat, iluk apagun meke halok, an nen tilinabiginat o,” iluk oba la'buk iluk ekaerek nenat isikhe.

Efesus 6:4

Nen, hit inopase lak nen meneke, yi meke ti meke hina'buri inakla aga dagousak meke hagakhup o. At he, ninoe Etagapogot nen ninasuk wakhik, ninetaiken thebelhik, hagakherek hak, hit nen hina'buri itithogonat hagarogo inebe kogorinakhe dogono o.

1 Timotius 4:13

An nebe aban wageidek werek korlek, Allah ane holal waganek itiat it aperek inasuk holuak nen, etaga thalhik, inasuk wakhik, yakulisigik, hagakhe dogono.

2 Timotius 1:1

Timotius na'but nakmu o. Allah nen he, “Hit Kristus Yesus hinom hunik werekma hiniluguthinakherek,” iluk, abok yoknisasikhe meke iti, an Paulus nen yogeisilik nekhe dogoagaluk, akla apasikhe baga Kristus Yesus nen nayoko 'biluk la'ani ageikhemo, yoma dogolik wene yi holal waganogo hoba la'i agei iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.

2 Timotius 1:5

Dogolik, hetaiken Allah oba eberogonat hakotdiluk welagan iluk nakla eberegat welagei. Alebageik hagona Lois inom, hagosa Eunike inom, inetaiken Allah oba hakotdiluk welagoukha hak, hat hetaiken itithogonat welagan iluk hutdagakhe lageiat o.

2 Petrus 3:16

At nen wene surat oba hibiku-yogoku holal waganogo hinoba la'i aga dogolik, wene iti meke hasik isiat welagarek o. Meke re, wene at nen holal waganogo hinoba la'i agarek meke iti, wene aperek hutdusak erlok dek negen werek o. Werekma re, it aperek inetaiken pere aborlok werek meke nen, wene iti inokodek dogolik, wene Allah nen isikhemo Paulus nen holal waganherek meke iti men, it aperek nen holal waganhukha meke iti men, wene mot werek mekeat he, mirlokhogon korlotdiliogei iti. Wene mirlokhogon korlotdekhe dogolik, inekaerek nenat inebe weagat dakhiliogei iti.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.