2 Timotius 2:26 - ALLAH ANE WENW KET MEKE WAROGO WOKNINAKHIKHE WENE

²⁶ Itithogon inasuk wakhunem, it inobabut hebelatluk, at Iblis akla apekherek meke hagakhe dogoagaluk inebe 'bagei herle nen hageinakherek hak hageinakhe mekeat he, Allah nen herle etnogo hisalogo 'biluk ula'isageinat o.

2 Timotius 2:26 ပူးပေါင်းရင်းမြစ်များ

Lukas 11:21

Ap ageikhe obatne werek meke nen asikhe arege nomologo 'bakhalok aila thuam dogogin halok he, ameke yi meke ti meke tha'bokhogonat hano karelek dogogin o.

Lukas 15:17

itithogon werlegat dogolik obabut hebelatluk, Eiye! An nopase etnogo aila atuaneke ayabu hagakharek meke emenogo inebe doalegat hipiri doalegat titurogon 'bigik nasi korlegat, an yi anek he, hipiri abu nen watlasigin higi!

Lukas 5:10

Iti hak, at Simon agarlak lak inom hunik meke Zebedeus a'buri Yakobus Yohanes ipisak, itithogonat inayuk ageikhemo, at Yesus nen Simon men yogokhikhe, “Hayuk agun o. Ikan waganhe lagan iti hak, hurli yogotak nen, akhuni woginabik nekhe dogogin o,” iluk yogokhikhe.

Yohanes 13:2

Dogolik, at agarumi emenogo inom o hibako hipiri opakimo nukunem, Yudas Simon Iskariot a'but etnogo, akla Iblis ukisikhesik nen, Yesus ebe wasuak nen, “Yoko lan o,” iluk akla kagalhikhe.

Yohanes 13:27

Itithogon wogokhikhemo, at Yudas roti etnogo ikimo waganhe korlek eranogoat akla Iblis ukisikhe. Itithogon ukisikhemo, at Yesus nen yogokhe dogolik, “Hat nen hagasigiluk apegen meke iti ibat hagasin o,” iluk yogokhunem,

La'isasikhe 5:3

'Bi ageikhemo, at Petrus nen, “Ananias. Iblis nen hakla kagalhemo Allah Agoreke nukhetdiluk agat oko ebetlake mikirlogo hekaerek hasik 'bakhalok wagan iti nenaluk.

1 Korintus 15:34

Weak hagakhe lagap meke iti here'isalok, yogotak hinobabut hebelatni o. Hit aperek Allah ebe hinokodek welagap iti nen, hinekarli wasigiluk yokhisigi iti o.

Efesus 5:14

Itithogon lia baga 'bisinem ekagat atluk, lia agarek iti nen he, men egarek iti, “Hat noge ekhe lagan iti, hebe hiluk asin o. Nen, warek hakene welagan iti, hiluk asin o. At Kristus nen liathabigin o,” iluk egarek iti o.

Kolose 1:13

Nit alep o mummo weak meke nen apma herle warogo haknisik werekma, Allah nen herle hisalogo wokninakhikhesik nen, a'but etaiken hunik meke etnogo haknisik dogoagaluk apma 'binanhemo welago.

1 Timotius 1:20

It weak itithogon hagakharek iti, inebe aperek he, Himeneus Aleksander ipisak nen Allah abok weak palhe lagoukhama, yabokane inobabut hebelatluk weak hagakhidek thogotduagaluk inebe Iblis wogokhima werek iti o.

1 Timotius 3:7

Nen, ap Allah a'buri therisik dogosak meke iti, it akhuni itikmanke meke nen abok weak paliogei meke meldugun halok, at ebe inakla nen meanetdiluk ina'it motok lakhigik, 'bagei herle 'bilukmo kerlelagarek hak, Iblis nen akla kagaliluk ebe hakhigik hagasunogo iluk, abok hano iliogei meke halok, meldisausak o.