2 Timotius 2:19 - ALLAH ANE WENW KET MEKE WAROGO WOKNINAKHIKHE WENE

¹⁹ Meke re, Allah nen o herlaga negen 'bisikhe meke obatneak motogat dogogin iti baga holal men iluk waganek werek iti o, “Ninoe Etagapogot ekaerek a'buri wenageinakhikhe meke iti inebe ilu o,” iluk isikhe. Nen, wene ageikhe, “It aperek nen, An nebe ninoe Etagapogot a'burat o, iluk, iliogei meke, Weak hagasusak nina'it o, iluk here'isalok mirlokhogon lo laga dogoak o,” iluk, isikhemo holal waganek werek iti o.

2 Timotius 2:19 ပူးပေါင်းရင်းမြစ်များ

Matius 28:19

Halok he, yi akhuni ti akhuni inukuloak etaga dopok tha'bokhogonat an nagarumi hagatlasuagaluk, nopase Allah etaga baga, an a'but netaga baga, Agoreke etaga baga, ninetaga palogo ima usa'isigik, an nen wene hinasuk wakhi meke iti tha'bokhogonat it akhuni nen mothogon hagakhe dogoagaluk yakulisigik, hagarik laga dogono. Lakhani! Hit itithogon hagarinabik lagunem, an nebe ninom motok-motogat werekma, hurli o ilugun hurli baga hagatlasigin o,” iluk yogeisasikhe.

Matius 7:23

an nen pakhogonat yigithogon yogeisagein o, Hit hinebe an nokodek o. Weak motok hagarik nekhe lagap meke iti nalilu ya dogogup o. Kikil warani, iluk yogeisagein o,” iluk yogeisasikhe.

Matius 7:25

miso kogat usa'ageik, i itluk kogat wageik, hisakne kogat hubetha ageik, hagakhikhe mekeat he, o etnogo helekit oba dukhugon halhikhesikmo nogo nen, thagoukhogon lageidek huk ageikhe iti hakeneat hagasigin o.

Markus 12:16

wolok wagoukhama, at Yesus nen men yogeisasikhe, “Yi tha ebe hagarek oba etaga holal waganek werek apegep,” iluk yogeisasikhemo it nen, “Ithi Kaisar at o,” iluk yogokhukhama,

Markus 13:22

It akhuni aperek inekalat ekhe dogolik, Kristus etnogo nebe anat o, igik, nen, it aperek nen, Allah ane yokhisegerek meke anat o, igik, i wisugun o. Witluk nen, Akhuni Allah nen wenageinakhikhe meke emenogo nukhetdisausak a? Dek a, iluk nukhetdisauwogoluk, inane eberogonat apoagaluk hagasusak dek meke elalin meke hagarik wisugun o.

Lukas 13:27

at nen, Hit o koma nen wagap. Hinebe an nokodek o. Hit weak hagakhe lagap meke noba uki agup o. Hit ya nenat piokthegat lani o, iluk yogkhisagein werek o.

Yohanes 10:14

Domba therisik welagarek meke nobabut hano re, nebe anat o. Nopase nen an ilu, nen, an nen at nilu, welagorek iti hak, an nen nako domba nilu, nen, it nen an inilu, welagorek o. Itithogon dogolik, an nako domba inirlirli waganogo watlasigiluk welagei.

Yohanes 13:18

An nen wene iti hit hinebe tha'bokhogonat hasik yokhisigi 'buk. Dek o. Hit yi an nenat hinebe wenakhinakhigi meke nilu mekeat he, wene iti hasik Allah ane baga men iluk holal waganogo 'bisukha, Ap ageikhe hipiri nipisak opakimo neke lago meke yi nen weagatnabigiluk melaga o, iluk isikhemo holal waganek werek iti sugun asigin dek o. Ebeat asigin o.

Yohanes 3:33

Itithogon thogotdsegarek meke re, it akhuni aperek nen, At nen wene pakhogon yoknisekherek meke iti eberogonat iluk waganiogei meke nen, Allah ane iti eberogonat iluk waganharek o.

La'isasikhe 11:26

Wageikhesik, ebe herago wolok nen, o Antiokhia lageikhe. O etoma lageikhesik, satu tahun dogolik, it ipisak at Allah a'buri inom natogotdiluk, akhuni doalegat wene yakulisekhe lagoukha. It akhuni Yesus ane waganhunem inukuloak etaga Kristen egarek iti, ebekeram o Antiokhia etoma nen inetaga thalinakhukha.

La'isasikhe 9:14

yogotak o yoma wiluk nen, akhuni hat hetaga palogo hayoko 'biliogei meke tha'bokhogonat, iniki herle wasuagaluk, it ap Allah iteerek inougi koktek emenogo nen yogokhama wagasik werek iti,” iluk yogokhikhe.

Roma 11:2

Allah nen a'buri haganeat nen wenageinakhikhe meke iti here'isasikhe dek o. Wene at Elia nen hagakhikhe wene holal waganek werek etnogo hinokodek nogo? At nen Allah nen it wene inoba 'bekhe dogoagaluk, men ekhe lageikhe,

Roma 12:9

Hit hinetaiken oba nenat akhuni hinakmurogo dogono o. Weak meke hina'it motok dogolik, hano meke hiniki a'bethogon hago dogono o.

Roma 15:20

Wene itithogon iluk holal yigithogon waganogo 'bisukhama werek, “It akhuni aperek, at abok holhidek meke inileken higik, nen, it wene holhidek meke nen hutdigik, hagasugun o,” iluk holal waganogo 'bisukha tak-tagat yogeisilik waga dogolik, it akhuni aperek nen, o herlaga 'bilukmo an nen o ebe halu hak halunogo iluk, an nakla warlok nen, akhuni Kristus etaga inasuk aban holhidekma eloma hano wene yogeisilik wisigiluk apasigi.

Roma 15:9

nen, it akhuni itikmanke meke nen Allah nen akmurinakhikhe iti nen hogorakhik, hagasuagaluk, Yahudi meke inapma ukisikhe iti. Wene iti hasik Allah ane baga holal men iluk waganogo 'bisukhama werek, “Iti nen, an it akhuni itikmanke meke inaklake inaklake dogolik hat hogothakhik, etai wakhe dogolik hetaga kogotdigik, hagakhe dogogin o,” iluk isikhemo holal waganogo 'bisukha.

Roma 8:28

At Allah akla apalok nit ninayoko 'bisikhemo, nit at ebe ninakmu welago meke, at ninom dogolik, yi meke ti meke hano asuagaluk, hagatnisiliogo nit ninilu.

Roma 9:11

It ap inebe pere iti, inebe itaklageidek inobabut hano hagakhik, weak hagakhik, hagakhidek werek korlek, at Allah akla nen apalok witaberogo 'bisasikhe iti ebeat atluk dogoagaluk,

1 Korintus 8:3

Itithogon mekeat he, at ageikhe nen, Allah ebe etaiken hunik halok he, Allah nen ap iti ebe ilu o.

2 Korintus 7:1

Halok he, nagarlak lak nerugi. Hinebe nakmu lak o. At Allah nen itithogon dogogun iluk abok yoknisasikhe iti nen, ninebe inom, ninetaiken inom, weak hagakhorek meke iti, hanorogo horogo here'isauwok o. Itithogon here'isalok, Allah ebe ninayuk dogolik, ninebe at hasik 'bisalok dogouok nen, ninetaiken 'bogokhogon horletdekhe dogouok o.

Galatia 4:9

Meke re, an nen, “At Allah hinebe ilu welagarek,” iluk uem, “Hit yogotak nen Allah ebe hinilu agap,” iluk igi iti. Halok he, hit hinekaerek nen mokat obabut weak obatne dek meke, ikimo dek meke, iti oba yabokane suguluk hinapuke apma ukuogoluk hagakhe lagap iti, nenaluk.

Efesus 2:20

At Kristus Yesus ebe o herlaga kok hakene la'iluk werekma, it ap at nen inayoko 'biluk la'isasikhe meke emenogo inom, it ap Allah ane yogeisiliogei meke emenogo inom nen, oba dukhogon halhe lagoukhama, hit hinebe nit nen oba dukhogon halogo 'binagasugumo welagap o.

Efesus 3:15

It pogot oba welageikharek meke inom, nit agat oba yoma welagorek meke inom, ninopase lak tomok yogeisekhe dogolik, “Ninopase,” iluk, ogorek iti, ninopase erlo Allah meke oba lisogon ogorek iti o.

Efesus 4:30

Allah nen yabokane hinebe hanothinabigiluk ilekerlogo, at Agoreke wokhisasikhemo hinakla werek iti, akla korlotdugup o.

1 Timotius 6:19

Itithogon hagakhe dogogun halok he, yi meke ti meke yabokane meke hasik natogorlogo 'begarek hak, hano hagakhe dogolik, yabokane motok dogogin meke hasigat 'bakhekhe dogoluk nen, ninebe eberogonat ninilugutninabumo dogogun iti mekeat horloagaluk inasuk wakhe dogono o.

2 Petrus 3:14

Nagarlak lak nerugi. Hinebe nakmu lak e. Itithogon wisigin iluk, therogo dogolik, wene hinoba 'bakhigidegat, weak ageidegat, Allah hinom hano werekma at ebe 'bithisasuak nen, at hasik obatnerogon hagakhe dogono.

1 Yohanes 2:19

It akhuni iti inebe re, nit meke palek mekeat he, it inebe eberogonat nit werekmake meke dek o. It inebe eberogonat nit werekmake meke dogolepma re, inebe nit ninom motogat dogolo. Meke re, it iti inebe tha'bokhogonat nit meke dek, ninat meke ekagat hagatlasuagaluk dukhisukha iti o.

A'bikaka 17:8

Helo yeke hakene hegen iti, alep iluk welageikhe mekeat he, yogotak elokhe dek hegen iti, wema baga kilinmo nen dageisigin o. Dagei aga halok, Allah nen alomatdigin o. Nen, Allah nen agat aban winametdigidek dogolik, thuesika it akhuni iniluk motok dogoagaluk hanorinabigin meke, inetaga holal waganek iti baga, it aperek inetaga holal waganek dek meke nen helo yeke hakene iti inileken halok, it nen he, Helo yeke hakene yi, alep welageikhesik nen, elokhe dek ageikhe mekeat, yabokane winam aga yi, ninayuk o, iluk hogorasugun o.

A'bikaka 2:13

Hit he, Iblis ebe kok dogolik, akhuni aperek apma hagasik welagarekma welagathep me iti an nilu o. Itithogonat Iblis ailaat dogolik, an na'but Antipas nen nabok a'it ageidek, obabut hupukhogon dogolik yogeisilik nukhunem, it aperek nen ebe hinakla nen wakhunem, hit nen, Nit ninetaiken Yesus oba hakotdiluk welagorek iti dek, nina'it, iluk kolelogo here'anhidek, ninom hunik motok welagathep iti, hinobabut an nilu o.

A'bikaka 21:14

Nen, leget horlakoma leget halek iti, herlaga helekit ebe 12 obaatma, at Domba Eak nen inebe 12 obaat wenago inayoko 'biluk la'isasikhe meke emenogo inetaga holal waganek welaga higi.

A'bikaka 22:4

Itithogon hagakhe dogolik, Allah etaga it inilhaoak oba holal waganekma, it nen at elokhoken inileken hekhe dogogun o.

A'bikaka 3:8

Lakhani! Hit hinobabut hagakhethep he, hinobatne motok herlekha'bugat mekeat he, an nane hologo mothogon hagakhik, nabok la'belhidek pakhogon yogeisigik, hagakhethep iti an nilumo, hit hinobasik, thu arat hualogo 'binagagi meke akhuni aperek nen lasusak motok erlok dek o.