2 Timotius 2:18 - ALLAH ANE WENW KET MEKE WAROGO WOKNINAKHIKHE WENE

¹⁸ ebe wene here'isalok mirlokhogon dukhisukhasik, it nen he, “Allah nen akhuni warek meke inilugurinabigin iluk abok isikhe etnogo arat hagatlagama yi,” iluk, it aperek yogeisugunem, inetaiken Allah oba hakotdiluk werek meke weagarinabiogei iti o.

2 Timotius 2:18 ပူးပေါင်းရင်းမြစ်များ

Matius 15:13

Itithogon yogokhukhama at Yesus nen, “Yi oka ti oka an nopase pogot oba meke nen ai yakhidek meke halok he, motok henogo la'isageinat o.

Matius 22:29

at Yesus nen men yogeisasikhe, “Hit he, Allah ane holal waganek iti inom, Allah obatne iti inom, hinokodek dogolik, hinane korlo egep higi.

Lukas 8:13

Nen, helekit oba usa'isikhe iti ebe, it akhuni aperek Allah ane iti inasuk holharethek nen, inakla arleken akhekhe dogolik waganharethek nen, inetaikenma omaken yakhidek nen eberogonat iluk iniki pererlagat anek inakla apalok werekma, weak hagasuagaluk inakla kagali agunem, arat kobokhogon thogotdisalok dukhegarek itiat o.

1 Korintus 11:19

Itithogon hagakhe lagap iti, at Allah nen, “It iti an na'buri,” iluk apiliogo meke, ekagat asuak nen, hinebe hurli wasusagat apigi.

1 Korintus 15:12

At Kristus watlageikhesikmo nen, yabokane Allah nen ilugutdisikhe, iluk yokhisekhe lago mekeat he, hit aperek nen, “Akhuni watlatlukmo nen Allah nen inilugurinabigin dek o,” iluk ekhe lagap iti nenaluk.

Kolose 3:1

At Allah nen he, Kristus ilugutdekhe dogolik, hit hinomat hiniluguthinakhikhemo welagap iti nen, yi meke ti meke Kristus ebe pogot oba Allah alilu iki ebeke kogat welagarek oba etoma meke horla luok nen, hinobatnerogo hagakhe dogono o.

1 Timotius 1:19

It aperek nen, “Wene iti eberogonat,” iluk waganharethek nen, inakla thiokhogon dogosak mekeat he, yabokane weak hagariogei iti nen, ku ima mak-makhogon usekherek hak, horla usega iti. Hat iti hakene hagakhidek, hakla nen, “An weak ageikhe hagakhidek, nakla thiokhogon welagei,” iluk hetaiken Allah oba hakotdiluk hobatnerogon hagakhe dogono.

2 Timotius 2:14

Wene yokhigi meke iti tha'bokhogonat it aperek inakla eberogo yogeisekhe dogono. Yogeisekhe dogolik, weat, inane meke hasigat wenemuk yabiogei iti Allah il oba inasuk hanorogon wakhe dogono. Itithogon wenemuk yabiogei iti baga, hano hagatlasigin dek o. It aperek inasuk holiluk, weak asugunat o.

Titus 1:11

Itithogon nukhetdisekhe dogolik, yi meke ti meke inekaerek nen thaburausak dek meke thaburauwogoluk, yakulisausak dek mekeat yakulisekhe dogolik, akhuni doalegat ina'buri inomat nukhetdisiliogei iti, it inane iti thebeloso usa'isano.

Yakobus 5:19

Nagarlak lak nerugi. Hinagarlak lak hinerugi meke ageikhe ebe wene here'isalok mirlokhogon nuk asi laga halok, hit aperek nen yabokane apuke suguluk Allah oba wolok wisugun iti hasik,

1 Yohanes 2:19

It akhuni iti inebe re, nit meke palek mekeat he, it inebe eberogonat nit werekmake meke dek o. It inebe eberogonat nit werekmake meke dogolepma re, inebe nit ninom motogat dogolo. Meke re, it iti inebe tha'bokhogonat nit meke dek, ninat meke ekagat hagatlasuagaluk dukhisukha iti o.