2 Timotius 2:15 - ALLAH ANE WENW KET MEKE WAROGO WOKNINAKHIKHE WENE

¹⁵ Allah nen he, “Hat an nobasik hano hagakhe lagan,” iluk, yokhisuak nen he, hobatnerogonat hagakhe dogono. It aperek yi meke ti meke hagasuagaluk inayoko 'bisinem nen, hanorogon hagakhe dogolik, inekarli dekhogonat hagakharek iti hak, hat nen ebe wene itiat mothogon yakulisekhe dogono.

2 Timotius 2:15 ပူးပေါင်းရင်းမြစ်များ

Matius 13:52

Itithogon yogokhukhama, at Yesus nen, “Halok he, it ap Allah ane holal waganek iteerek meke emenogo nen, nopase kok pogot oba meke nen apma 'bisekherek etnogo wene yakulho halok he, iti men hakene usak. Ap kok meke ameke etaiken hunik meke 'bakhekherekma nen, ket meke inom, haganeat meke inom, eran-alep waganiluk ula'i agarek hagat o,” iluk yogeisasikhe.

Markus 4:33

It akhuni nen wene hutdusak tak-tagat hutduagaluk, yi meke ti meke doalegat oba likhik yogeisekhe lageikhe.

Lukas 12:42

at ninoe Etagapogot Yesus nen, men yogokhikhe, “Ap kok meke ageikhe atuaneke therisik dogolik, inapiri nausak meke wogeisausak tak-tagat wogeisekhe dogoagaluk, at atuaneke meke ageikhe ayoko 'bisinem, at akla kagalek dogolik obabut oe ane igin meke tak-tagat hagakherek iti tha apegep. At iti oe iti nen, meldiluk lagarek o.

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

Roma 14:18

Hit Kristus atuaneke dogolik, itithogon hagakhe dogoumo, Allah akla hano ageik, akhuni inakla nen, “At hano,” iluk inakla apigik, ugunat o.

Roma 16:10

At Apeles Kristus ipisak hunik dogolik obabut hupulik hagakhunem obabut hano paliogei meke iti, “At nen heagei wathakhe,” iluk yogokhik, Aristobulus a'buri iti, “At nen heagei wathinakhe,” iluk yogeisigik, inoat o.

Roma 6:13

Hiniki hinisok hinebe baga welagarek meke aperek inom tha'bokhogonat, weak meke asikhe arege negen atluk nen, weak hagakhe dogoagaluk, at wogokhe dogogup. Hinebe warek hakene werekma Allah nen hiniluguthinakhemo hiniluk dogolik hagasusak mothogonat, hinebe a'birat Allah wogotni o. Hiniki hinisok hinebe baga welagarek meke inom aperek tha'bokhogonat nen, at asikhe arege negen atluk nen, mothogon hagakhe dogoagaluk Allah wogotni o.

1 Korintus 2:6

It akhuni inetaiken horle meke halogat, wene horle meke iti inakla kagoukhogon yogeisogorek o. Itithogon yogeisogorek iti, it akhuni agat oba meke yoma, inawene meke dek. Inougi koktek inebe yabokane dek asugun meke o yogotak ya inapma werek yoma, inawene kagalek wene meke degat o.

2 Korintus 10:18

Akhuni inekaerek nen hogorakhegarek meke iti Allah nen hano iluk woginakherek 'buk. At ninoe Etagapogot nen hogorinakherek meke halok hano iluk woginakherek o.

2 Korintus 3:6

Allah nen wene ket wene nit ninoba watnisasikhe iti, nit nen wolok loagaluk, at nenat ninobatnetninakhikhemo erlok wolok lausak welago. Wene alep inasuk wakhikhemo holal waganogo 'bisukha meke tak-tagat hagakhidek halok, iti baga inebe inakherek. Meke re, Allah Agoreke nen inilugurinakherek iti nen, nit wene alep holal waganek meke wolok lageidek, at Agoreke nen yoknisiliogo meke wolok laga lago iti.

2 Korintus 4:2

Nit he, akhuni nen yi meke ti meke limago weak hagakharethek inekarli agarek iti meke here'isasugu. Itithogon here'isalok, akhuni nukhetdisigik, Allah ane wene ageikhe meke oba lapelogo yogeisigik, hagakhorek dek. Akhuni yoma inakla tomok nen hutdinoagaluk, wene ebe wene Allah iloba thelekmaat yogeisilik nekhe lago.

2 Korintus 5:9

At Kristus nen nit tha'bokhogonat ninoado yi baga dogolik hagakhe dogogun meke tomok ninitema waganogo ukum ninoba 'bigik, kokhik, hagakhe dogolik, hano hagakho meke halok, “Hano,” igik, nen weak hagakho meke halok, “Weak,” igik, mothogonat yoknisagein o. Itithogon yoknisagein iti nen, nit o yoma huso dogolik inom, yabokane at aila ukiluk inom, ninetaiken tumo, at akla hanorogo anek hagakhe dogou warlok nen hagakhe lago iti.

Galatia 1:10

An nane igi iti, akhuni nen, “Hat hano egen,” iluk yoknesuagaluk ekhe lagei a? At he, Allah nen, “Hat hano egen,” iluk, yoknesuagaluk ekhe lagei a. Akhuni inakla hanorogo ekhe lagei halok he, an nebe Kristus atuaneke usak degat o. Meke re, an Allah akla hanorogo ekhe lagei o.

Efesus 1:13

Iti hakeneat, hit nen wene ebe wene, hanotninakherek wene etnogo hinasuk holhigisip, hinetaiken Kristus oba hakotdisigipmo, Allah nen, “Nagoreke wokhisagein,” iluk, abok yoknisasikhe tak-tagat, “It an nekaerek na'buri o,” iluk ilekerlogo Agoreke wokhisasikhe iti o.

1 Tesalonika 2:4

At he, at Allah nenat ninobabut palogo nen, “Hano wene iti, hirat wolok nekhe dogobageik,” iluk, ninayoko 'bisikhe tak-tagat yokhisekhe dogolik, akhuni inakla hanorogo iluk yokhisogorek 'buk. Dek o. Allah ninobabut paliogo meke etnogo akla hanorogo iluk yogeisogorek o.

1 Tesalonika 5:14

Nagarlak lak nerugi. Hit nen he, it aperek yabu waganu'buk iniki waganu weak meke iti inasuk wakhik, inayuk weak meke iti inakla kagalhik, inobatne dek meke iti yomageisigik, hagakhe dogolik, akhuni tha'bokhogonat inobasik erogat hagakhe dogono.

1 Timotius 4:6

Wene hano wene ninetaiken Allah oba hakotdogorek meke etnogo yakulhekhe lagagumo, hat nen waganhigitik mothogon hagakhe lagan iti baga hebe kok aga dogolik, wene yogotak yokhigi iti ninagarlak lak ninerugi Allah a'buri meke aperek yakulisekhe dogono. Itithogon yakulisekhe dogogin halok he, hat Kristus Yesus atuaneke dogolik, at hasik hanorogo hagakhe dogogin iti o.

Ibrani 4:11

It ale Allah ane hologo mothogon hagakhidek nen, thet waligidek iti hak, nit aperek it inomanem thet waligidek hagasunogo iluk, ninobatnerogon hagakhe dogouok o.

Yakobus 1:12

Hit aperek yi akin ti akin hinoba aga korlek, hinobakhanini hapugutdiluk dogogun halok, hinakla arleken akhekhe dogono o. Itithogon hinobakhanini hapugutdiluk dogogun halok, Allah nen he, “An nebe hinakmu meke hiniluk motok dogogun meke wokhisagein o,” iluk, abok yoknisasikhe etnogo hit hinobabut palogo nenat wokhisagein o.

Yakobus 1:18

Yi meke ti meke winametdisikhe meke tha'bokhogonat makusanegen nirat dogoagaluk, at ekaerek akla apalok ane ebe wene iti bagaat itakninakhikhemo welago.

2 Petrus 1:10

Iti nen, nagarlak lak nerugi. Hinebe Allah nen wenakhinakhikhesik hinayoko 'bisikhe iti, eberogonat hagatlasuagaluk, hit nen hinobatnerogo hagakhe dogono. Itithogon hagakhe dogogun halok, hinetaiken Allah baga hakotdiluk welagap meke here'isalok dukhugun dek o.

2 Petrus 1:15

Yabokane nebe watlagei halok, wene iti hit hinakla eberek motok dogobageik nen iluk, hanorogon yokhisekhe dogogin o.

2 Petrus 3:14

Nagarlak lak nerugi. Hinebe nakmu lak e. Itithogon wisigin iluk, therogo dogolik, wene hinoba 'bakhigidegat, weak ageidegat, Allah hinom hano werekma at ebe 'bithisasuak nen, at hasik obatnerogon hagakhe dogono.