2 Timotius 2:11 - ALLAH ANE WENW KET MEKE WAROGO WOKNINAKHIKHE WENE

¹¹ Wene men iluk egarek yi eberogonat o, Nit at ninom watlago meke halok, at ninom niniluk motok dogogunat o.

2 Timotius 2:11 ပူးပေါင်းရင်းမြစ်များ

Yohanes 14:19

Niniki herlekha'bugat dogoluk nen, akhuni agat oba meke inileken neagun motok dek mekeat he, hit anek he, an nilugat dogogin, nen hit yabokane hinilugat dogogun iti nen, hinileken neagun o.

Roma 6:5

At watlageikhe hak, nit ninom hunigat dogolik watlagagu halok he, at iluk ageikhe hak, nit itithogonat niniluk dogogun.

Roma 6:8

“Nit he, Kristus ninom hunigat watlagagu halok, ninom hunigat niniluk dogogun o,” iluk ninetaiken at oba hakokthek welago.

2 Korintus 13:4

At Kristus ebe erlok dek werekma o baga meldiluk wakhukha mekeat he, at Allah obatne baga ilugutdisikhemo ilugat welagarek. Iti hakeneat, nit at ninom hunik dogolik erlok dek welago mekeat he, at Kristus ninom hunik niniluk dogolik nen, Allah obatne baga hit hinobasik hagasisugun o.

2 Korintus 4:10

Itithogon watlageidek welago iti baga, at Yesus ebe watlageikhesik iluk ageikhesik nen, nit ninakla iluk welagarek iti, ekagat asuagaluk, at wakhukha hak, nit hibiku-yogoku ninasuogoluk hagakhunem tilninakherek iti.

1 Tesalonika 4:17

Yabokane nit niniluk dogogun meke ninomat oisa akla hotnokhogon woknisik dageiluk nen, ninoe Etagapogot ninom turlem upu etoma abuk asi dageiluk nen, at ninom motogat dogogun o.

1 Tesalonika 5:10

At Yesus ebe nit ninobasik ninom niniluk motok dogouogoluk watlageikhesik nen, yabokane wisigin iti, ninebe watlatlukmo wisigin a? Niniluk werekma wisigin a. Hano anek. At ebe witluk, ninom niniluk motok dogogun iti o.

1 Timotius 1:15

Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.

1 Timotius 3:1

Wene yi, eberogonat meke igin o. It aperek inakla nen apekhe dogolik he, “An Allah a'buri therisik dogole,” iluk, inakla apega halok he, iti hano motok mekeat warlok nen apega iti.

Titus 3:8

igi iti eberogonat o. Hat nen it aperek inetaiken Allah oba hakotdiluk werek meke halok, akhuni aperek inobasik hanorogon yomageisegarek iti meke kogotdiluk akilukhogon hagakhe dogoumo, akhuni tha'bokhogonat inobasik hano motok, iluk, itithogon hagakhe dogoagaluk, inasuk hobatnerogon wakhe dogonogoluk, an nakla apigi meke yokhigi iti o.