2 Timotius 1:8 - ALLAH ANE WENW KET MEKE WAROGO WOKNINAKHIKHE WENE

⁸ Itithogon wokhisekherek iti, ninoe Etagapogot abok akhuni aperek yogeisausak hekarli dekhogon pakhogonat yogeisigik, nen, an at hasigat niki herle warogo 'banhama welagei yi hasik, hekarli dek halonhogo welageik, hagakhe dogono. Itithogon hagakhe dogolik, akhuni aperek nen hano wene iti hasik, yi aik ti aik hagatninakho korlegat, an Allah obatne baga welagarek hagat, hobakhanini hapugutdiluk dogono.

2 Timotius 1:8 ပူးပေါင်းရင်းမြစ်များ

Markus 8:38

Akhuni yoma inobabut weak dogolik Allah ane inom dopokhogon welageidek, yi weak ti weak hagariogei meke iti hinomat dogolik, it inilhanem tha nen, An Yesus agot, igik, an nane iti yogeisigik, u re, ape ekarli halok, an abat itaklasi agagi etnogo yabokane nopase hogorakho motok welageikharek hak hagatlatluk, it malaikat Allah ekaerek hasik yoko usa'isa agarek meke emenogo ninom witluk, At yi an nagot, iluk nane pakhogon u re, nekarliat asigin o,” iluk yogeisasikhe.

Lukas 9:26

At tha nen, An Yesus agot, igik, an nane iti yogeisigik, akhuni inil oba pakhogon u ekarli halok he, an abat itaklasi agagi meke yi nen meneke, yabokane an nebe hogotnakhik, nopase hogorakhik, malaikat Allah ekaerek hasik yoko la'isa agarek meke emenogo hogorinakhik, hagakhe korlek waga dogolik nen, At yi an nagot, iluk nane pakhogonat u nekarliat asigin o.

Yohanes 15:27

At nen an nabok itithogon isi korlek, hit meneke, an hit ninom ebekeramat nen welagagusikmo iti nen, hit nen an nabok pakhogon yogeisekhe dogogunat o,” iluk yogeisasikhe.

Yohanes 19:35

Itithogon hagatlagunem, ap ageikhe ileken welageikhe meke nen, hit hutdubageik nen iluk, at ileken hasikhe meke nen abok pakhogon iliogo iti. Nen, at nen meneke, “Eberogonat nileken hutukhogonat higirik abok pakhogon yokhisigi” iluk, at iluat o.

La'isasikhe 5:41

Ula'isugunem, it ap wene erlo pilinekhe lagoukha meke emenogo here'isalok dukhisukhasik nen, Yesus agarumi emenogo it-it ekhe dogolik, “Allah nen, Hit Yesus etaga hasik akhuni nen, Hit weak, iluk wenakhisaumo erlok, iluk akla apekhe tak-tak wenaknisega iti hano,” iluk inakla arleken akhalok dukhisukha.

Roma 1:16

Hano wene iti Allah obatneatma, ebekeram akhuni Yahudi meke, nen yabokane, akhuni itikmanke meke, inetaiken Yesus Kristus oba hakotdegarek meke tha'bokhogonat tilinakherek iti nen, an nekarli degat hano wene iti yogeisilik nekherek iti.

Roma 16:25

Allah hogorakhe dogouok o! An nen hano wene Yesus Kristus hagakhikhe wene yokhisasigi hak, at Allah obatneak etnogo nen hinetaiken horlethinakhe dogosak erlok o. Wene Allah akla wene iti, muk haganeat nen limago welageikhe meke re, yogotak Allah nen thelekmatdisikhemo werek o.

Roma 8:36

Wene iti mothogon Allah ane baga holal waganhe dogolik, men isukha, “Hat hasigat, akhuni nen dikene hunik, hibako hunik, ninasuogoluk hagatninakho motogat werek o. Akhuni nen domba wasuogoluk abok palharek iti hak, ninabok palhoat werek o,” iluk holal waganogo 'bisukhama werek.

Roma 9:33

Wene iti hasik Allah nen men isikhe, “Lakhani! An o Sion etoma helekit hakene ageikhe 'bigin o. 'Bumo helekit iti baga akhuni inisok a'bit dikhogon waralok wara laga dogogun o. Mekeat he, inetaiken at oba hakotdugun meke inekarli asugun motok dek o,”

1 Korintus 1:6

Wene iti Kristus hagakhikhe wene yokhisasigimo hinakla nen waganhigisip hinetaiken horletdisigip o.

2 Korintus 6:7

Itithogon dogolik, Allah obatne baga ebe wene yogeisilik nekhe lago. Itithogon yogeisilik nekhe dogolik, akhuni nen he, “Sikhe thege niniki ebelak-ebelak hago welago,” iluk egarek hak, nit Allah akla warlok meke hagakhe lago iti, niniki ebelak-ebelak hago welago.

Efesus 3:1

Iti nen, an Paulus hit akhuni itikmanke meke Kristus Yesus nen tilhinabuagaluk, at hasik niki herle warogo 'banhama welagei o.

Efesus 3:13

Iti nen he, an yogotak ya hit hinobasik weagatnabiogei iti nen hinakla puk ageidek dogogun halok, hogothinabugun iti nen, hinasuk warogo yokhisigi iti o.

Efesus 4:1

An ninoe Etagapogot hasik niki herle warogo 'banhama dogolik, hit wene ageikhe hinasuk wasik. Nagarlak lak nerugi. Hit hinobabut he, at Allah nen hinayoko 'bisikhe tak-tagat hagakhe dogono o.

Efesus 4:17

An ninoe Etagapogot nipisak hunik dogolik at nen yokhisau hak wene yi hinasuk warogo yokhisak. It akhuni itikmanke meke inobabut hagariogei iti hak, hit hinobabut itithogon hagakhe dogogup o. It iti, we yugunat alomarogo meke oba ebekhe dogolik,

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

Filipi 3:10

At Kristus yi aik ti aik hilik-hilik watlageikhe hak, nipisak tak-tagat, an itithogonat aik hilik-hilik, watlasusagat apekhe lagei. Itithogonatma re, at watlageikhesikmo, Allah obatne baga ilugutdisikhe hak, an itithogonat watlatlukmo, niligutnabigin, iluk, oba eberegat welagei o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

Kolose 1:11

Ninopase Allah obatneak hogorakharek meke etnogo hinobatnethinakhunem, hit hinobatnerogo motok dogobageik iluk ayoko 'bekhe lageiat. Itithogon hinobatnethinakhunem, yi meke ti meke akin hinoba aga korlek, hinakla puk ageidek, hinobakhanini hapugutdiluk dogolik, hinakla arleken akhigik,

Kolose 1:24

An yogotak ya, at Kristus nen, “Allah a'buri tha'bokhogonat an nebeat o,” iluk nit ninobasik yi aik ti aik hekhe lageikhesik watlageikhe iti, ageikhe higidek meke obolukmo, an nebe hit hinobasik yi aik ti aik hagatnabiogei iti nen nakla arleken akhekhe lagei.

1 Tesalonika 3:4

Nit alebageik hit ninom dogolik, “Yabokane yi aik ti aik hagatninakhe dogogunat o,” iluk, yokhisasugu etnogo tak-tagat hagatninabiogei iti hinilu o.

1 Timotius 2:6

At Kristus akhuni tha'bokhogonat weak hagakhorek iti baga herle warogo haknisik werekma herle hisalogo tilninabigiluk ekaerek eram nen, “Nebe nasuak,” iluk wageikhe iti baga, Allah akla nen, “Akhuni tha'bokhogonat tilinabusak,” iluk apekherek meke iti, ekagat asusak tak-tagat ekagat ageikhe iti o.

2 Timotius 1:10

Itithogon apasikhe meke limago werekma, yabokane Kristus Yesus tilninakherek meke ebe thelekma ageikhe iti baga ekagat ageikhe iti. At ane hano wene iti baga, watlariogei erlo iti erlok degetdigik, watlageidek niniluk motok dogogun meke iti, winametdigik, hagakhikhe.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

2 Timotius 1:16

Itithogonat meke re, at Onesiforus a'buri inom anek he, hibiku-yogoku nakla hanorogo netaiken thebeli iriogei iti, ninoe Etagapogot nen akmurogon hagasik dogoak o. An niki herle warek werekma noba wisu ekarli degat,

2 Timotius 2:3

Ap ekeraguntek meke inougi inane hologo wim yakhe dogolik, yi aik ti aik hilik-hilik yakharek hak, hat nen Yesus Kristus ane hologo, yi aik ti aik hekhe dogolik, hobakhanini hapugutdiluk hagakhe dogono.

2 Timotius 2:8

An hano wene yogeisilik nekherek iti, Yesus Kristus, at Daud opa itago mekeat ebe wakhukhama, Allah nen ilugutdisikhe wene iti, hakla eberek motok dogono.

2 Timotius 2:9

An hano wene itithogon yogeisilik nukhunem, it akhuni aperek nen, it aperek weak hagariogei meke hagarinabu hak, an yi aik ti aik hagatnakhik, niki herle wakhik, hagariogei mekeat he, Allah ane iti herle wasusak erlok dek o. Herle hisalegat werek o.

2 Timotius 4:17

Itithogonat meke re, an nen ebe wene hutukhogon yogeisugunem, it itikmanke meke inebe tha'bokhogonat inasuk holuagaluk, ninoe Etagapogot an nalilu dogolik, nobatnetnakhesik, singa helo yeke hakene anini weak meke etnogo apema werekma tilnabu hak, nasusak meke tilnakhe iti o.

2 Timotius 4:5

It itithogon hagakho korlegat, hat yi meke ti meke hasik, hobabut hebelek dogolik, hoba yi aik ti aik hekhe dogolik, hobakhanini hapugutdiluk dogono o. Hano wene yakulisilik nekharek iti mekeat kogotdiluk Allah nen, “Itithogon yomageisekhe dogono,” iluk, hayoko 'bisikhe meke iti ageikhe here'isigidegat mothogon hagakhe dogono.

1 Petrus 1:5

Hinetaiken at Allah oba hakotdiluk welagap iti nen, at obatne baga hakhisik dogoluk nen, yabokane hinebe hanothinabigin meke ilugun hurli baga winametdigin iti.

1 Yohanes 4:14

Nit nen he, “Allah nen a'but ninileken hekhe lagagu meke iti nen, nit akhuni agat oba meke tilninabuagaluk la'i ageikhemo,” iluk abok pakhogon yokhisekhe lago.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.

A'bikaka 1:2

Itithogon yoknekhemo, at Allah ane iti Yesus Kristus nen abok yoknikhunem wene tha'bokhogonat an nileken higi meke iti abok pakhogon holal waganogo 'bigi iti o.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.

A'bikaka 12:11

It ninagarlak lak ninerugi iti inekaerek inebe inakmu ageidek, Ninakha halok he, hanoat o, iluk nukhunem inakha. It iti, Domba Eak amep ulabogo wakhukha iti baga inom, it nen Allah ane ebe wene iti pakhogon yogeisilik nekhe lageikha iti baga inom, Iblis etnogo arat obatne degetdisega iti o.

A'bikaka 19:10

Itithogon yoknekhe lagama, an nen at malaikat etnogo apma ukiluk nitibagal yukukhogon hogorasigiluk hagakhi mekeat he, at nen yoknekhe dogolik, “Dek. Dek. Itithogon hogotnabusak dek o. An nebe hat inom, hagarlak lak inom, ninom tak-tagat o. Wene Yesus nen yoknisasikhe meke yogeisilik nekharek meke iti, at Allah Agoreke nen inakla kagalogo yogeisugunem yogeisegarek iti, wene erlo at Yesus nen yoknisasikhe itiat o. Halok he, at Allah at hogorasusak o,” iluk yoknekhe.