2 Timotius 1:6 - ALLAH ANE WENW KET MEKE WAROGO WOKNINAKHIKHE WENE

⁶ Itithogonat hakotdiluk welagan iti nen, an nen niki hukuloak oba thebelhunem, Allah obabut hano nen, “Hat itithogonat Allah ayabu hagakhe dogono,” iluk hobabut wokhikhikhe meke iti, hetu herelharek hak, hakla agakenhogon atluk dogonogoluk hakla kagalogo yokhigi o.

2 Timotius 1:6 ပူးပေါင်းရင်းမြစ်များ

Lukas 19:13

Itithogon akla apasikhesik dogolik at atuaneke meke inebe 10 oba waisasikhemo wagoukhama, uang emas kok meke ebe 10 baga inebe tomok opakitek supurogo wogeisekhe dogolik, men yogeisasikhe, An aban wageidek werek korlek, nauang yi baga thabusogo doalek-harluadekhogon hagakhe dogono, iluk yogeisasikhesik nen, at etnogo lageikhe.

La'isasikhe 19:6

Usa'isasukhama, at Paulus nen iki inukuloak thebelhunem, Allah Agoreke inoba usa'ageikhemo, it nen, wene it akhuni ninat inane inokodek meke baga elalinat igik, Allah ane it yogeisigik, ekhe lagoukha.

La'isasikhe 6:6

inebe 7 eta heago 'bisalok, it ap Yesus nen inayoko 'biluk la'isaikhe meke emenogo inoba 'bisa agoukha. 'Bisa agoukhama, it nen iniki inukuloak thebelogo sembayan isukha.

1 Tesalonika 5:19

Allah Agoreke ane thebelogo 'bigik,

1 Timotius 4:14

Hat hobasik haganeat it ap Allah a'buri therisik welageikharek meke nen iniki hukuloak thebelho korlek, it ap Allah ane yogeisegarek meke nen men isukha iti, “Hat yabokane itithogon hagakhe dogono,” iluk, yokhikhukha tak-tagat, Allah Agoreke obabut hano nen ayabu hagakhe dogoagaluk ninobabut dopok woknisekherek etnogo hat wokhikhikhe meke iti baga hagakhidek hobakhanini here'isagun o.

1 Timotius 4:6

Wene hano wene ninetaiken Allah oba hakotdogorek meke etnogo yakulhekhe lagagumo, hat nen waganhigitik mothogon hagakhe lagan iti baga hebe kok aga dogolik, wene yogotak yokhigi iti ninagarlak lak ninerugi Allah a'buri meke aperek yakulisekhe dogono. Itithogon yakulisekhe dogogin halok he, hat Kristus Yesus atuaneke dogolik, at hasik hanorogo hagakhe dogogin iti o.

2 Timotius 2:14

Wene yokhigi meke iti tha'bokhogonat it aperek inakla eberogo yogeisekhe dogono. Yogeisekhe dogolik, weat, inane meke hasigat wenemuk yabiogei iti Allah il oba inasuk hanorogon wakhe dogono. Itithogon wenemuk yabiogei iti baga, hano hagatlasigin dek o. It aperek inasuk holiluk, weak asugunat o.

Ibrani 6:2

Ima usegarek wene iti yakulhik, inukuloak thebelharek wene iti yakulhik, watlatlukmo Allah nen ninilugutninabigin wene iti yakulhik, ilugun oba ukum ninoba 'bigik, kokhik, hagakhunem motok-motok dogogun wene iti yakulhik, hagakhugu meke iti ninane abel dagakhogon yabokane yakuluok degat o.

2 Petrus 1:12

Iti nen, wene ebe wene hinilu agagisip hinetaiken horlerogon hago welagathep mekeat he, an nen wene igi iti hasik hibiku-yogoku hinakla ebetdisekho motok dogogin o.

2 Petrus 3:1

Nagarlak lak nerugi. Hinebe nakmu lak o. Surat alep ageikhe holal waganogo hinoba la'i agagi iti men, yabokane la'i agei iti men, hit wene ebe hinilu mekeat, hinakla mothogon ebesubageik nen iluk la'i aga lagei iti.

Yudas 1:5

Wene yokhisagein yi, haganeat nen hinilu mekeat he, yabokane hinakla ebetdinagagin iti. Ninoe Etagapogot nen a'buri Israel meke o Mesir werekma tilinakhikhe mekeat he, yabokane it meke aperek inetaiken at oba hakotdiluk welagoukha dek meke inakhikhe.