2 Timotius 1:4 - ALLAH ANE WENW KET MEKE WAROGO WOKNINAKHIKHE WENE

⁴ Hat de agagin etnogo nen, nipisak abuk atluk, hakla hano agunem, nakla arleken kokhogon akhagaluk, “Nipisak abuk atlo e,” iluk, hoba eberek welagei o.

2 Timotius 1:4 ပူးပေါင်းရင်းမြစ်များ

Yohanes 16:22

Hit itithogonat. Yogotak hinakla weak welagap meke re, yabokane an ninom abuk asugun itinem, hinakla arleken kogat akhgun o. Nen, hit hinakla arleken iti, it akhuni aperek nen degetdugun motok dek o.

Yohanes 16:24

O alebat nen hurli yogotak hurli, an netaga palogo yi meke ti meke ageikhe kino igidek welagapma o. Halok he, hinakla arleken kogat akhobageik nen, at kino yogokhe dogono. Itithogon yogokhe dogoumo, wokhisekhe dogoginat o,” iluk yogeisasikhe.

La'isasikhe 20:19

It akhuni Yahudi meke nen nebe nasuogoluk nabok palhe dogolik weak hagatnakhe korlek, nekaerek nen nobabut thebekhogon, hogorakhigidegat, de apik aga dogolik, ninoe Etagapogot apma dogolik at hasik hagakhe lagei hiniluat o.

La'isasikhe 20:31

Hinobabut hebelogo dogono! An o mo dageigik usigik hagakhe korlek 3 tahun ninom dogolik, huk ageidek dikene nen, hibako nen, de aga dogolik, hinebe dopok hinasuk wakhe lagei etnogo, hinakla eberek dogono o.

Roma 1:11

Hit hinetaiken horle asuagaluk, Allah Agoreke nen wogeisekherek meke iti, hit ageikhe wokhisagaluk 'bithisa etle, apekhe lagei o.

Filipi 1:8

Yesus Kristus nen hit hinebe tha'bokhogonat akmu welagarek hak, an nen hit nakmuat dogolik, “Ninom dogolo e,” iluk, nakla eberogonat apekhe lagei meke iti, at Allah ilu o.

Filipi 2:26

At akla apekhe dogolik, “An noba u warogo 'banhikhe etnogo, nabok it inasuk holhukhasik nen, nikithogon hagariogei,” iluk, wene munini uan 'bero ebekhe dogolik, “It tha'bokhogonat inoba ligin,” iluk apiliogo.

1 Tesalonika 2:17

Nagarlak lak nerugi. Nit nen hit hinasokne 'binageiluk wagagusik, yogotak ya elanma hasik ninebe walegat welago mekeat he, ninetaike hit ninom opakimo welago hakene iti o. Itithogon dogolik, “Inelokhoken ninileken hisa lelo e,” iluk, haganeat nen ninakla warlok motok apekhe dogolik hinoba wisuogoluk walhekhe lagosik.

2 Timotius 4:21

Hat he, o miso nasinem thogei weak agarek etnogo aban ageidek werek korlek, ya bagaat ibat wisigiluk hobatnerogon walhekhe dogono. At Ebulus inom, Pudes inom, Linus inom, he Klaudia inom, ninagarlak lak ninerugi Allah a'buri meke tha'bokhogonat nen heagei wathakha o.

2 Timotius 4:9

At Demas etnogo agat oba meke yoma akla warlok nen, an thogotdaniluk o Tesalonika lagama o. Nen, at Kreskes, o Galatia lageik, Titus o Dalmatia lageik, hagakhama at Lukas anek nipisak welago iti nen, hat ibat noba wetnok nen he, hobatnerogon walhekhe dogono. Itithogon walhekhe dogoluk nen wisigiluk halok he, Markus etnogo obabut an Allah hasik hagakhunem hano yomakneasusak meke werek iti nen, ebe waganik-waganik noba wetno o.

1 Yohanes 1:4

Nen, wene yi hasik ninakla arleken akhekhe lago meke iti, yabokane ninakla kokhogon eberogonat arleken akhauwogoluk holal waganogo hinoba la'i ago iti.

A'bikaka 21:4

Itithogon dogolik, yi wene ti wene alep meke degetdisalok, at nen it inil apusu arat horogo 'bilukmo nogo nen he, inebe watlaga dogogun degat, inakla weak aga dogogun degat, de aga dogogun degat, hinet wakhe dogogun degat o,” iluk isinem holhi.