2 Timotius 1:3 - ALLAH ANE WENW KET MEKE WAROGO WOKNINAKHIKHE WENE

³ An nopa lak Allah apma dogolik, inekaerek inetaiken opakiat hano motok dogolik, at hasik hagakhik, hogorakhik, hagakhe lagoukha hak, an itithogonat hagakhe dogolik, hat hoba motok eberegat, hat hobasik dikene hibakone sembayan isi motogat dogolik, Allah heagei wakhe lagei o.

2 Timotius 1:3 ပူးပေါင်းရင်းမြစ်များ

Lukas 2:37

yabokane thoge ageikhesik nen, at ebe umur 84 tahun motok yaman ageikhesik welageikhe. Dogolik iki ageikhe hipiri nikidek hean negen 'bakhalok Allah ai halekma etoma dikene hibako a'it ageidek sembayan isi motok welageikhe.

La'isasikhe 22:3

“An he, ap Yahudi meke, nebe o propinsi Kilikia o kota Tarsus itaklagagi meke re, o Yerusalem yoma nen kogotnakhukhama narlue agagi. Narlue agagimo, ap kok Gamaliel nen wene Allah nen ninopa lak inasuk wakhikhe meke etnogo hutukhogon yakulnekhe lageikhe. Yakulnukhunem, an nen hit yogotak Allah hasik hinbatnerogon hagakhe lagap iti hagat, hagakhe lagagi.

La'isasikhe 23:1

Itithogon meldisikhemo, at Paulus it ap Yahudi Allah hasik wene erlo pilinekhe lagoukha meke inebe natogokhukha emenogo, ileken tek-tek inoba 'bisekhe dogolik, “Nougi nagarumi. An Allah il oba, haganeat nen hurli yogotak hurli hagakhe lagei iti, Weak hagakhe lagei, iluk nakla wene munini ebekhe lagei dek. At he, wene nakla thelek, hano hagakhe lagei, iluk apekhe lagei,” iluk yogeisasikhesik nen ageikhe igin hak,

La'isasikhe 24:14

Meke re, wene eberogonat hagakhe lagei meke ebe yi pakhogon yokhesik. It nen, Akhuni Yesus oporlik liliogei iti weka, iluk egarek. Meke re, an anek, it nen, weak egarek meke iti ane holiluk, Allah nit ninopa lak apma ukiluk welagoukha meke itiat ebe hogorakhe lagei iti anek, eberogonat hagakhe lageiat o. Hogorakhe dogolik, wene Allah nen ninasuk wakhikhe wene iti men, ap at ane yogeisekhe lagoukha meke inane men, tha'bokhogonat holal waganogo 'bisukha meke werek iti, eberogonat iluk hago welagei.

La'isasikhe 24:16

Itithogon dogolik, nakla nen, Weak ageikhe hagakhi, iluk nakla weak dogunogo iluk, Allah hasik men, akhuni inobasik men, hano hagakhe lagei iluk, nakla thelek dogeigiluk, nobatnerogon hagakhe lagei o.

La'isasikhe 26:4

An nebe elege baga nen akhuni ninukuloak opakiat meke ninom o kota Yerusalem dogolik nobabut erlo baga nen hagakhe lagagi meke iti, it akhuni Yahudi meke tha'bokhogonat inilu o.

Roma 9:1

An nagarlak lak nerugi ninukuloak etaga opakiat meke weak werek iti nen, nakla weagat welageik, korloat welageik, hagakhe lagei. “Allah nen, an Kristus nipisak hunik welago meke iti kolelogo heredaniluk, it inobolukmo homan 'banilep e, apekhe lagei iti baga, it woginabilep e,” iluk Kristus nipisak hunik dogolik igi iti, eberogonat igi. Nekalat igi dek o. Allah Agoreke nen nakla dogolik, “Wene iti eberogonat,” iluk yoknekhik, nekaerek nakla nen meneke, “Eberogonat igi,” iluk apigik, egerek.

2 Korintus 1:12

Nit hogorakhekhe lago iti, ebe yigithogon nen. Nit it akhuni agat oba meke aperek inaklake inaklake dogolik, it inobasik hagakhe lago, herlekha'bugat negen. Meke re, hit hinobasik anek kokhogon hagakhe lago. Iti akhuni agat oba meke inakla kagalek meke hagakharek hak hagakhidek. At Allah obabut hano etnogo nen, ninetaiken hano opakiat dogolik hagakhe dogoagaluk ninobabut woknisasikhemo hagakhorek meke iti ninakla ebekhe dogolik, “Nit hano hagakhe lagoma,” iluk hogorakhekhe lago iti o.

Galatia 1:14

Wene nit Yahudi meke ninopa lak nen yakulnisasukha meke etnogo hago dogolik, it an nagarlak lak ninom higit meke nen inakla puk negen hagakhe korlek, an anek, nobatnerogon hagakhe lagagi iti.

Efesus 1:16

Itithogon holhirik nen, hit hinobabut hagakhethep iti hasik, hibiku-yogokuat kamotdigidek hinetaga ilik nen Allah heagei wakho motogat welagarek o.

1 Tesalonika 3:10

Hit hinetaiken Kristus oba hakotdisigip mekeat he, aban hakene iti nen, nit ninebe hinoba witluk nen hinetaiken yabokane ago watdinagei isuogoluk, sembayan hit hinobasik dikene hibakone isi motok welago.

1 Timotius 1:19

It aperek nen, “Wene iti eberogonat,” iluk waganharethek nen, inakla thiokhogon dogosak mekeat he, yabokane weak hagariogei iti nen, ku ima mak-makhogon usekherek hak, horla usega iti. Hat iti hakene hagakhidek, hakla nen, “An weak ageikhe hagakhidek, nakla thiokhogon welagei,” iluk hetaiken Allah oba hakotdiluk hobatnerogon hagakhe dogono.

1 Timotius 1:5

Inetaiken Allah nen horinakhunem inekaerek inakla nen he, “An wene noba dek, nakla thiok welagei,” iluk apekhe dogolik, inetaiken eberogonat Allah oba hakotdiluk welageikharek iti nen, akhuni inakmurogon welageikharek o. Halok he, it itithogonat dogoagaluk inasuk wakhe dogono, iluk yokhikhigi iti o.

1 Timotius 5:5

Meke re, humi thoge eberogonat akhuni erlo it meke dekma inarligat dogolik, “Allah nenat yomaknisagein,” iluk, inetaiken at oba hakotdiluk, dikene hibakone ayoko 'bigik, kino yogokhik, hagakho motok welageikharek.

2 Timotius 1:5

Dogolik, hetaiken Allah oba eberogonat hakotdiluk welagan iluk nakla eberegat welagei. Alebageik hagona Lois inom, hagosa Eunike inom, inetaiken Allah oba hakotdiluk welagoukha hak, hat hetaiken itithogonat welagan iluk hutdagakhe lageiat o.

2 Timotius 3:15

Hat hebe elege baga nenat Allah ane holal waganek iti hilu motok welagatek iti, hakla eberek motok dogosak o. Itithogon dogolik, hetaiken Kristus Yesus oba hakotdiluk werekma, Allah nen tilhabusak meke hutdinogoluk, at ane holal waganek iti bagaat hakla erlogat kagalusak werek o.

Ibrani 13:8

At Yesus Kristus ebe o haganeat nen, yogotak ya nen, ikhok motok welagarek iti hak, yabokane itithogonat ikhok motok dogogin o.