2 Timotius 1:18 - ALLAH ANE WENW KET MEKE WAROGO WOKNINAKHIKHE WENE

¹⁸ Ninoe Etagapogot obabut hano nen mothogonat hagasigin itinem, at Onesiforus iti ebe akmurasuak o. At haganeat nen, o Efesus dogolik, an kokhogon yomakneekhe lageikhe etnogo, hat hutukhogon hiluat o.

2 Timotius 1:18 ပူးပေါင်းရင်းမြစ်များ

Lukas 1:72

At nen ninopa lak iti akmu nen hanorinabigin iluk abok isikhe etnogo ebe hagarinakhik, Itithogon hagathinabigin iluk, wene ekaerek nen abok yogeisasikhe etnogo ebe hagakhik, hagasigin o, iluk, nakla eberek dogogin o, iluk yogeisasikhe. Itithogon hagasigin o, iluk ninopase Abraham hupuk palogo yogokhikhe hak hagasi aga yi.

Lukas 1:78

Ninopase Allah iti ninebe akmutdinaniluk nen, o mo huben yago wagarek hak, mo upu eloma nen ninoba la'i aga dogolik,

Lukas 8:3

nen, ageikhe he Yohana ap kok Herodes ameke yi meke ti meke iki baga dogolik hagakhe lageikhe meke etaga Khusa iti age men, he Susana men, nen ageikhe, it humi ebetlake doalegat men, inameke hago welagoukha baga Yesus agarumi inomat yomageisilik nekhe lagoukha.

La'isasikhe 18:19

Isi itithogon palhikhesik, o etoma nen o Efesus lagoukha. Lagoukhasik nen, it Akwila Priskila ipisak etoma 'bisalok, o akhuni Yahudi meke sembayan egarekma ukisikhesik nen, it Yahudi meke etoma welagoukha meke, wene at nen inakla kagalogo yogeisugunem, it nen oko yogokhik, it nen at yogokhunem, at nen oko yogeisigik, hagakhe lagoukha.

La'isasikhe 18:21

Itithogon isikhesik lagaluk hagakhe dogolik men yogeisasikhe, “Hit egep iti Allah nen hano iluk apekhe halok he, an yabokane hinoba wisigin o,” iluk o Efesus etoma nen imake ku warogo o Kaisarea lageikhe.

La'isasikhe 19:1

At Apolos o Korintus etomaat werek korlek, at Paulus etnogo holak upuke dagak-pagak waga lageikhesik, o kota Efesus wageikhe. Wageikhesik, akhuni Yesus ane waganhukha meke aperek werekma inoba ukisikhe.

1 Korintus 1:8

Yabokane ilugun oba ninoe Etagapogot Yesus Kristus wisigin itinem, hit weak werekma 'bithisa wisunogo iluk, at Kristus nenat hinetaiken horlethinakhe dogogin o.

1 Korintus 16:8

Wisik nen, o Efesus yoma akhuni, “Wene nina'it,” iluk wene paliogei meke inebe doalegat werek meke re, an nen it aperek yogeisugunem wene waganusak meke doalegat werek iti nen, yoma dogoluk Hari Pentakosta arat hagatdiluk nen wisigin o.

1 Korintus 3:13

Itithogon halho werekma, at Kristus yabokane wisigin itinem, akhuni nen o halha meke tomok hano a? Weak a, iluk, hetumo walhasinem, ekagat thelekma agunem hugun o.

2 Korintus 9:1

An nen he, hit nen it Allah a'buri o Yudea meke yomageisauwogoluk natogokhe lagap meke iti hasik, wene holal waganogo hinoba la'isusak dek meke la'i agei iti.

Efesus 2:4

Itithogon weagatninabigiluk welageikhe mekeat he, yabokane at obabut hano motok nen, kokhogonat akmutninakhikhe.

1 Tesalonika 2:19

Nit nen he, “Hano asigin,” iluk ninakla arleken akhekhe lago iti, thani inobasik nogo. Ninoe Etagapogot Yesus ebe witluk, “Hano hagakhep,” iluk, at il oba ekagat 'binanumo hogorakhagun iti, erlo ki baga nen nogo. Erlo ninat meke hasik 'buk. Hit hinebe hasigat hogorakhagun o.

1 Timotius 1:3

An o Efesus nen o Makedonia yoma wisigiluk, hat hakla kagalogo wene men iluk yokhikhigi apigi, “Hat hebe o yoma dogono. Dogolik it aperek nen wene ebeat meke dek. Ninat meke yakulisiliogei meke iti igidek huk asuagaluk inasuk wakhe dogono.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

2 Timotius 1:16

Itithogonat meke re, at Onesiforus a'buri inom anek he, hibiku-yogoku nakla hanorogo netaiken thebeli iriogei iti, ninoe Etagapogot nen akmurogon hagasik dogoak o. An niki herle warek werekma noba wisu ekarli degat,

2 Timotius 1:17

o Roma wagasik nen, ibat hinok woknakhe lagasik, nebe heraknabi aga iti o.

2 Timotius 4:12

Nen, at Tikhikus etnogo, o Efesus loagaluk la'igima o.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

1 Petrus 1:10

Ninebe tilninabigin wene iti, it alebat ap Allah ane yogeisekhe lagoukha meke emenogo nen wene iti hasigat herakhik, hinok waganhik, hagakhe lagoukha. Itithogon herakhe dogolik, Allah obabut hano etnogo nen, “Hano hagarinakhe dogogin,” iluk ebe hit hano hagathinabiogo iti hasigat aban werek korlek yogeisekhe lagoukha iti.

A'bikaka 2:1

Itithogon yoknekhesik nen yabokane men yoknekhe, “An niki ebeke husagal ebe 7 meke hago dogolik, lampu yibakharek meke ebe 7 meke isok tilik emas meke hagarek etnogo aklake nekherek meke etnogo nen wene yi yokhisik, At malaikat Allah a'buri o Efesus natogokharek meke therisik welagarek meke etnogo wene an nen yogosigin meke yi, hat nen holal waganogo oba la'in o,