2 Timotius 1:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogonat meke re, at Onesiforus a'buri inom anek he, hibiku-yogoku nakla hanorogo netaiken thebeli iriogei iti, ninoe Etagapogot nen akmurogon hagasik dogoak o. An niki herle warek werekma noba wisu ekarli degat,

2 Timotius 1:16 ပူးပေါင်းရင်းမြစ်များ

Matius 25:17

Nen, at ageikhe 2.000 waganhikhe meke etnogo itithogonat yabokane 2.000 ageikhe inom lapelago 'bisikhe.

Matius 5:7

Nen, akhuni inebe inakmurogon welageikharek meke iti, ninopase nen it akmurinabigin iti nen he, inakla arleken akhekhe dogosagat o.

La'isasikhe 21:33

Here'isukhama ap tentara inoe kok etnogo ebe Paulus oba horokhogon lageikhesik, ebe ha'iluk nen, agarumi nen pisue omaken pere baga iki herle wasuagaluk yogeisasikhe. Yogeisasikhesik nen, “Ap yi tha nogo. Nikithogon hagakhemo,” iluk hinok waganhikhe.

La'isasikhe 28:20

Nit akhuni Israel meke nen, Ap ageikhe wisigin o, iluk ninetaiken at oba welagorek etnogo hasigat, niki herle warogo 'banhukhama welagei yi. Iti nenat, hit hinebe noba wagunem wene yokhisagaluk hinayoko 'bigi iti o,” iluk yogeisasikhe.

1 Korintus 16:18

It wageikhama, an nakla hano aga hak, hit hinakla hano asigin o. Halok he, it akhuni aperek inobabut it hakene meke halok he, inalonhogo halhe dogono.

Efesus 6:20

Wene iti yogeisekhe dogoagaluk at Kristus nen nayoko 'biluk la'ani ageikhemo an witluk yogeisekhe lagei iti hasik niki herle warogo 'banhama welagei. Itithogon dogolik, an nayuk dekhogon hano wene iti yogeisekhe dogosak tak-tagat yogeisekhe dogeik nen, sembayan an nobasik ekhe dogonoat o.

2 Timotius 1:12

Itithogon la'ani ageikhemo nekhe lagei iti nen, it akhuni nen yi aik ti aik hagatnakho korlegat, netaiken ebe nilu meke oba hakokthek welagei, iluk nekarli ageidek, nakla pugat welagei. At nen he, “An meke yi haknarik dogono. Haknarik werekma, hurli an nebeat wisigin o,” iluk, noba 'biluk nayoko 'bisikhe meke iti, ekaerek obatne baga erlok haknarik dogogin o, iluk nakla nen hutdekhe lagei.

2 Timotius 1:17

o Roma wagasik nen, ibat hinok woknakhe lagasik, nebe heraknabi aga iti o.

2 Timotius 1:18

Ninoe Etagapogot obabut hano nen mothogonat hagasigin itinem, at Onesiforus iti ebe akmurasuak o. At haganeat nen, o Efesus dogolik, an kokhogon yomakneekhe lageikhe etnogo, hat hutukhogon hiluat o.

2 Timotius 1:8

Itithogon wokhisekherek iti, ninoe Etagapogot abok akhuni aperek yogeisausak hekarli dekhogon pakhogonat yogeisigik, nen, an at hasigat niki herle warogo 'banhama welagei yi hasik, hekarli dek halonhogo welageik, hagakhe dogono. Itithogon hagakhe dogolik, akhuni aperek nen hano wene iti hasik, yi aik ti aik hagatninakho korlegat, an Allah obatne baga welagarek hagat, hobakhanini hapugutdiluk dogono.

2 Timotius 4:19

He Priskila inom, agun Akwila inom, at Onesiforus a'buri inebe tha'bokhogonat inom, “Paulus nen heagei wathinakhe,” iluk yogeisano.

Filemon 1:20

Iti halok nagarlak o. Ninoe Etagapogot ninom hunik dogolik nakla arleken akhoagaluk an yomakneau hak, at ebe iti hanorogon waganino.

Filemon 1:7

Filemon nagarlak o. Hat nen akhuni Allah a'buri meke aperek tha'bokhogonat hakmurinakhe dogolik, inakla hanorinakhetek iti nen, an Allah ahsik hagakhe dogoagaluk netaiken ago watdanhe laganma nakla arleken motok akhekhe lagei o.

Ibrani 10:34

it aperek herle warogo kola'isugunem hinakmurinakhik, hagakhe lagagip iti o. Itithogon hagakhe dogolik hinakla nen, “Nit meke hano motok dogogin meke werek o,” iluk apekhe dogolik, hit meke yi meke ti meke horlugunem hinakla weak ageidek hinakla arleken akhekhe lagagip iti.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.