2 Tesalonika 3:5 - ALLAH ANE WENW KET MEKE WAROGO WOKNINAKHIKHE WENE

⁵ Hit hinakla nen he, “Ninebe Allah akmu o,” iluk hutdigik, hinobabut Kristus obakhanini hapugutdiluk hagakhe lageikhe hagat, obabut waganhik, kokhogon hagakhe dogobageik nen, ninoe Etagapogot ebe hinetaikenma dogolik, hinakla kagalhe dogoak o.

2 Tesalonika 3:5 ပူးပေါင်းရင်းမြစ်များ

Roma 5:5

Hano asigin iluk ninakla arleken akhekhe lago iti baga, Allah nen Agoreke woknisasikhemo ninakla dogolik, i henakharek hak, Allah nen akmutninakherek meke iti ninakla kokhogon 'binanherek iti baga ninayuk dek welago.

Roma 8:25

Meke re, ninakla nen, “Yabokane eberogonat itithogon hagatlasigin o,” iluk apekhe lago meke ninileken higidek dogolik ninobakhanini hapugutdiluk therogo welago.

Roma 8:28

At Allah akla apalok nit ninayoko 'bisikhemo, nit at ebe ninakmu welago meke, at ninom dogolik, yi meke ti meke hano asuagaluk, hagatnisiliogo nit ninilu.

1 Korintus 8:3

Itithogon mekeat he, at ageikhe nen, Allah ebe etaiken hunik halok he, Allah nen ap iti ebe ilu o.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

1 Tesalonika 1:3

Ninopase Allah il oba sembayan itithogon ekhe dogolik, hit hinetaiken Allah oba hakotdiluk dogolik hagakhe lagap meke inom, akhuni aperek hinakmurogo dogolik, hinobatnerogo yomageisekhe lagap meke inom, hinakla nen, “Ninoe Etagapogot Yesus Kristus nen hano hagatninabigin,” iluk hinebe hinobakhanini hapugutdiluk welagap meke inom, nit nen hit hagakhe lagap meke iti hasik obarlikmatdigidek, eberek motok welago.

1 Tesalonika 3:11

Nit yabokane hinoba wisuogoluk meke re, ninopase Allah ekaerek inom, ninoe Etagapogot Yesus inom, ipisak nenat holak mothogon yaknisoak.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Titus 2:13

Nit yogotak he, Yesus Kristus ebe Allah Etagapogot mekeat, tilninakhikhe meke etnogo akhuni nen hogorakhe korlek, thelekma hanotninabi isigin iti hasik, ninakla arleken akhekhe dogolik ebe therogo welago.

Ibrani 9:28

at Kristus meneke nit akhuni weak hagakhorek meke degetdisagaluk iki opaki hasigat kambing sapi Allah warekhe lagoukha iti hak, at ebe watlageikhesik, yabokane wisigin iti, nit weak hagakhorek meke degetdisagaluk wisigin 'buk. Dek o. Nit akhuni, at wagunem elokhoma therogo welagorek meke hanotninabigiluk wisigin o.

Yakobus 2:5

Nagarlak lak nerugi. Hinebe nakmu lak o. An wene igin meke yi hinasuk holini. It akhuni agat oba inameke dek meke iti, Allah nenat wenageinakhe dogolik, “Inameke doalegat dogou hak, inetaiken an noba hakotdiluk dogoak o. Nen, it an nebe inakmu meke, o an nen napma 'bisugunem dogogunmo etoma iteerek asugun iluk abok yogeisasigi meke iti, irat iteerek asugun o,” iluk wenageinakhikhe.

1 Petrus 4:1

Akhuni yi aik ti aik halok, inebe watlatluk, yabokane weak hagakhe dogosak dek iti nen, at Kristus yi aik ti aik hilik hilik ebe watlageikhe iti hak, hit meneke, akhuni thin ikhalok inobabut hebelogo welageikharek iti hak, at Kristus obabut waganogo, yi aik ti aik hekhe dogolik hinobatnerogo dogono.

1 Yohanes 4:19

Ebekeram Allah nen tak akmutninakhikhesikmo re, nit meneke, nit-nit nakmu-hakmurogon dogouok o.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.