2 Tesalonika 3:1 - ALLAH ANE WENW KET MEKE WAROGO WOKNINAKHIKHE WENE

¹ Nagarlak lak nerugi. Wene ilugun oba ageikhe yi yokhisak. Ninoe Etagapogot ane ibat wialatluk hit werekma etoma wageikhemo hano waganhigip hak, itithogonat wialarik lagunem it aperek nen hano waganuagaluk, nit ninobasik sembayan ekhe dogono.

2 Tesalonika 3:1 ပူးပေါင်းရင်းမြစ်များ

Matius 9:38

Iti nen he, ap ayabu Iteerek meke etnaga nen akhuni eken palusak meke aperek la'isoak nen, at ayoko 'bekhe dogono,” iluk yogeisasikhe.

Lukas 10:2

Itithogon la'isekhe dogolik, men yogeisasikhe, “Eken ugu ebe doalegat arat horle agasik werek mekeat he, akhuni eken ebe palusak meke inebe pererlagat o. Iti nen he, ap ayabu Iteerek meke etnaga nen, akhuni eken palusak meke aperek la'isoak nen, at ayoko 'bekhe dogono o,” iluk yogeisasikhe.

La'isasikhe 12:24

Itithogon hagatlageikhemo, Allah aneat wiak-wayakhogon hagatlageikhesik, kok ageikhe.

La'isasikhe 19:20

Itithogon hagakhukhama, ninoe Etagapogot ane iti kok ageik, obatne ageik, hagakhe lageikhe.

La'isasikhe 6:7

Itithogon hagakhe lagoukhama, Allah ane kok aga dogolik, akhuni o Yerusalem meke Yesus ane waganhukha meke inebe doalegat hagatlagoukha. Itithogon hagatlagunem, it ap Allah iteerek meke emenogo inebe motok doalegat nen, wene iti waganhukhasik inetaiken Yesus oba hakotdisukhaat.

Roma 15:30

Nagarlak lak nerugi. Ninoe Etagapogot Yesus Kristus itiat iluk, nit-nit nakmu-hakmu dogoagaluk Allah Agoreke nen hagatninakherek etnogo baga, an hasik ninom sembayan Allah ayoko ninobatnerogon 'bekhe dogouogoluk yokhisigi o.

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

Kolose 4:3

Sembayan ekhe dogolik, nit ninobasik, men ekhe dogono, “Allah ninopase. Wene Kristus nen hagakhikhe wene, alep hakla limago welageikhe meke etnogo, it Paulus lak nen yogeisilik nekhe dogoagaluk, thu hualisano,” iluk, sembayan nit ninobasik ekhe dogono. Wene iti hasigat niki herle warogo 'banhama yoma welagei.

1 Tesalonika 1:5

Nit hano wene wolok yokhisa agagu etnogo, ninane baga anek yokhisekhe lagagu 'buk. Allah Agoreke etnogo ninakla dogolik, obatnerogo yomaknisekho korlek, ninakla nen, “Wene yi eberogonat,” iluk ninetaikenma hutdisugusik nenat yokhisekhe lagagu iti o. Nit o etoma ninom dogolik, hit hinobasigat hagakhe lagagu etnogo hit hiniluat o.

1 Tesalonika 2:1

Nagarlak lak nerugi. Hit hinakla nen, “It Paulus lak ninoba wagoukha iti, we yugunat alomarogo wageidek,” iluk, hinekaerek hiniluat o.

1 Tesalonika 2:13

Nit nen wene Allah ane etnogo yokhisasugumo, hit nen, “Wene iti akhuni inane meke dek o. Allah aneat o,” iluk waganhigip iti, eberogonat Allah aneat waganhigip o. Iti nen nit huk ageidek Allah heagei wakho motok welago. At Allah nen hit hinetaiken Kristus oba hakotdisigip meke hinakla kagalho motok welagarek o.

1 Tesalonika 4:1

Nagarlak lak nerugi. Wene ilugun oba ageikhe yi yokhisak. Nit ninoe Etagapogot Yesus nen, “Hinobabut Allah akla hanorogon, yigithogon hagakhe dogono, tigithogon hagakhe dogono,” iluk, isikhemo yakulhisa agagu etnogo hinilu. Itithogon yakulhisasugumo, hit nen itithogon hagakhe lagap mekeat he, yabokane ageikhe inom kokhogon hagakhe dogobageik iluk, ninoe Etagapogot Yesus ninom hunik dogolik hinasuk warogo yokhisigi iti o.

1 Tesalonika 5:17

Sembayan hunik-hunik isi motok dogono.

1 Tesalonika 5:25

Nagarlak lak nerugi. Nit ninobasik sembayan ekhe dogono o.

2 Timotius 2:9

An hano wene itithogon yogeisilik nukhunem, it akhuni aperek nen, it aperek weak hagariogei meke hagarinabu hak, an yi aik ti aik hagatnakhik, niki herle wakhik, hagariogei mekeat he, Allah ane iti herle wasusak erlok dek o. Herle hisalegat werek o.