2 Tesalonika 2:5 - ALLAH ANE WENW KET MEKE WAROGO WOKNINAKHIKHE WENE

⁵ Tha'bokhogonat itithogon hagatlasigin iti hasik, an hit ninom dogolik yokhisekhe lagagi etnogo hinakla eberek dek welagap a? Eberegat welagap apekhe lagei.

2 Tesalonika 2:5 ပူးပေါင်းရင်းမြစ်များ

Matius 16:9

Hinetaiken hutukhogon hutdigidek yoma re! Roti ebe 5 mekeat he, ap inebe 5.000 meke neka etnogo obarlikma aga? Itithogon nekasik titurogon 'begama, mul yago meke meren akla ukharlogo 'begep nogo.

Markus 8:18

Hit he, hinileken werek mekeat he, higidegat, hinasuk werek mekeat he, holhidegat dogolik hagakhe lagap yoma re! An nen hipiri roti meke ebe 5 nen kusogo akhuni doalegat 5.000 nen wogeisigi etnogo hinakla obarlikmatdegep a? It nen nekasik titurogo 'begama mul yago meke meren apem hethokhogon ukharlogo 'begep nogo,” iluk yogeisasikhemo, it nen, “Dua belas nen ukharlogo 'bogo apigi,” iluk yogokhukhama,

Yohanes 16:4

Itithogon hagathinakha halok, hinakla nen, Wene yi, at nen alebat yoknisasikhe etnogo, arat hagatninabiogei yi, iluk hinakla ebesubageik nen iluk, wene iti tha'bokhogonat yokhisigi o,” iluk yogeisasikhe. At Yesus nen wene itithogon yogeisasikhesik nen, yabokane ageikhe men yogeisasikhe, “An hit ninom yoma welago iti nen, wene yi tha'bokhogonat hit hinayoko 'bekhe dogolik yokhisigidek welagagi mekeat he,

La'isasikhe 20:31

Hinobabut hebelogo dogono! An o mo dageigik usigik hagakhe korlek 3 tahun ninom dogolik, huk ageidek dikene nen, hibako nen, de aga dogolik, hinebe dopok hinasuk wakhe lagei etnogo, hinakla eberek dogono o.

Galatia 5:21

inakla nen, it ninat meke inameke, “Warlok e,” apigik, apusu 'bit negen nalok hunu-hunu palhik, pesta weak hagakhik, hagakharek iti inom, aperek itithogon hagakharek meke tha'bokhogonat inom, hasik igi iti. It akhuni itithogon hagariogei meke, Allah apma 'bisekherekma etoma iteerek asugun motok dek o, iluk, wene iti hasik alep yokhisasigi hak, yabokane hinasuk warogo yokhisigiat iti.

1 Tesalonika 2:11

Hit Allah apma ukiluk hogorakharekma etoma ukiluk dogobageik iluk hinayoko 'bisikhe meke etnogo akla warlok apekherek meke mothogonat hagakhe dogobageik nen iluk, nit nen inopase lak nen ina'buri inasuk wakharek hak, hinebe tomok hinasuk wakhik, hinetaiken thebelhik, hinakla kagalhik, hagakhe lagagu etnogo, hit hiniluat o.

1 Tesalonika 3:4

Nit alebageik hit ninom dogolik, “Yabokane yi aik ti aik hagatninakhe dogogunat o,” iluk, yokhisasugu etnogo tak-tagat hagatninabiogei iti hinilu o.

2 Tesalonika 2:6

At obabut weak meke ebe wageidek werek iti, ageikhe meke nen ha'iluk werek, iluk hiniluat o. Ha'iluk werekma, at Allah nenat, “Thelekma asuak,” iluk igin tak-tagat thelekma asiginat o.

2 Tesalonika 3:10

Nit alebageik ninom dogolik yokhisekhe dogolik, “Hit aperek yabu waganhidek hinobabut kupli meke iti, hipiri nikidek werlegat dogoak,” iluk, yokhisekhe lagaguat apigi.

2 Petrus 1:15

Yabokane nebe watlagei halok, wene iti hit hinakla eberek motok dogobageik nen iluk, hanorogon yokhisekhe dogogin o.