2 Tesalonika 1:5 - ALLAH ANE WENW KET MEKE WAROGO WOKNINAKHIKHE WENE

⁵ Allah nen akhuni ukum inoba 'bigik, kokhik, mothogon 'bekherek iluk ekagat asigin. Hit yogotak Allah apma ukiluk ane hologo welagap iti hasik, akhuni nen yi aik ti aik hagathinakho korlek itithogon welagap iti nen, at nen yabokane, “Hit erlok an napma ukiluk hinaierek motok dogono o,” iluk, yokhisagein iti o.

2 Tesalonika 1:5 ပူးပေါင်းရင်းမြစ်များ

Filipi 1:28

It aperek nen, “Wene iti nina'it,” iluk, ekhe korlegat, hit anek he, hinayuk ageidek a'bethogon motok herogo dogono. Itithogon herogo dogogun iti baga, it iti nuk asugun iluk ekagat hagatlageik, hit tilhinabigin iluk ekagat hagatlageik, Allah nenat hagathinabiginat werek o.

La'isasikhe 14:22

Alep laga dogolik, akhuni Yesus ane yakulisilik lagoukhama waganhukha meke yabokane inoba haklarik dukhi aga dogolik, inetaiken ago warinakhik, inasuk wakhik, ilik dukhi aga dogolik, men yogeisasukha, “Wene eberogonat iluk hinetaiken Yesus oba hakotdisigip meke iti, hinobatnerogon hakotdiluk dogono. Nit yabokane Allah apma motok dogouogoluk ninoba yi aik ti aik hekhe dogoluk nenat ukugun o,” iluk yogeisilik dukhi agoukha.

Lukas 20:35

it akhuni watlatlukmo nen, Allah nen inilugurinabigin oba nen, o yabokane dogogun oba iti, erlok dogoak, iluk apekherek meke etoma dogolik, humi waganhik, it aperek igisigik, hagakhe dogogun motok dek o.

2 Timotius 2:12

Nit ninobakhanini hapugutdiluk dogogun halok he, akhuni at apma ukiluk dogogun meke iti, nit ninom nenat hagasik dogogun o. Nit nen he, “Yesus ninoe dek o,” iluk, at ebe motok here'isogo halok, at nen he, “It an nagarumi degat o,” iluk, heredinaniginat o.

2 Tesalonika 1:11

At Allah nen, “Hit itithogon hagakhe dogono o,” iluk, hinayoko 'bisikhe hagat, erlok hagakhe dogobageik iluk, nit nen hit hinobasik sembayan isi motok welago. Hit hinakla nen, “Nit hano hagakhe dogolo e,” iluk, apekhe lagap meke iti, Allah nen itithogon hagathinakhik, nen, hinetaiken at oba hakotdiluk dogolik hagakhe lagap meke iti, at nenat hinetaiken horletdinagagik, at obatne iti baga hagathinakhe dogoak o.

Roma 8:17

Nit ninebe Allah a'buri halok he, at Kristus yi aik ti aik hasikhe hak, hugun halok, Allah nen nit Kristus ninomat hogotninabigin iti nen, Allah nen yi meke ti meke at a'buri wogeisagaluk abok yogeisasikhe meke iti, at Kristus ninomat woknisaumo, iteerek dogogun o.

A'bikaka 16:7

Itithogon yogokhesik oba nen yabokane, Allah ake hetu hunekharekma nen ane ageikhe men isinem holhi, “Allah hobatne horleak, yi meke ti meke hagasusak erlok motok anek dogolik, ukum inoba 'bigik, kokhik, eberogonat mothogonat egetek etnogo nen, itithogon hagakhen o, nopase,” iluk ekhe laga holhi.

A'bikaka 3:4

Itithogon mekeat he, hit akhuni o Sardis eke hinebe pererlagat aperek, akhuni nen inasu thobalek meke mirli meke oba dabulasunogo iluk karelogo welageikharek iti hak, weak ageikhe hagakhidek werek iti, inasu kut meke isusak obaat ikhogo nen an ninom nekhe dogogun o.

1 Tesalonika 2:14

Nagarlak lak nerugi. It Allah a'buri aperek Kristus Yesus inom hunik dogolik, o Yudea etoma natogorliogei meke, inekaerek inagarlak lak Yahudi meke nenat, yi aik ti aik hagarinakhe lagoukha hagat, hit hinagarlak lak meke nenat yi aik ti aik hagathinabiogei o.

Kolose 1:12

ninopase Allah heagei wakhik, hagakhe dogosak iti. At ninopase nen, at a'buri aperek hinomat lia baga hinaierek erlok dogoagaluk hagathinakhikhemo welagap iti nen, arat heagei wakhe dogosak iti.

Efesus 4:1

An ninoe Etagapogot hasik niki herle warogo 'banhama dogolik, hit wene ageikhe hinasuk wasik. Nagarlak lak nerugi. Hit hinobabut he, at Allah nen hinayoko 'bisikhe tak-tagat hagakhe dogono o.

Roma 2:5

Inane holiluk hinobabut hebelu'buk yi re! O ilugun oba Allah akla aga dageiluk nen, akhuni inebe tomok inobabut hagakharek tak-tagat, thelekmaat wene inoba 'bigik, kokhik, hagasigin itinem, hit wene hinoba 'buagaluk hinekaerek nen wene hinoba 'bakhasi motok welagap yi re!

La'isasikhe 13:46

Itithogon hagakhukha mekeat he, it Paulus Barnabas ipisagat inayuk dekhogonat dogolik, men isukha, “Allah ane iti hit tak yokhisausak obaat yokhisa ago mekeat, hit hina'it nen here'isegesip, hinekaerek nen, Nit naburlal-haburlal hagatninabusak erlok dek o, iluk u hagat, ekhe lagap iti nen, nit ninoe Etagapogot nen ninayoko 'bekhe dogolik yoknisasikhe hagat, hagasugun. At nen, An nen akhuni itikmanke meke liarinakhik, o ilugun oba werek meke tilinakhik, hagasigiluk, isagal yibarlek hakene, hit hinebe 'binagagi o, iluk yoknisasikhe tak-tagat, it akhuni itikmanke meke yogeisa lugun o,” iluk yogeisasukha.

Lukas 21:36

Yigithogon tigithogon tha'bokhognat hagatlasigin igi etnogo hagatlaga korlek, hinobatnerogon hinakla puk dogoluk, hinekarli degat nelokhoma metek werekma, an abat itaklasi agagi etnogo 'bithisasik nen hibiku-yogoku sembayanat ekhe dogolik, hinobabut hebelogo dogono o,” iluk yogeisasikhe.