2 Petrus 3:17 - ALLAH ANE WENW KET MEKE WAROGO WOKNINAKHIKHE WENE

¹⁷ Nagarlak lak nerugi. Hinebe nakmu lak o. Wene iti aban hagatlageidek werek korlek he, hinilurogo dogobageik iluk dopokhogon yokhisigi iti. Hinilu dogolik, hinekaerek hinetaiken horlerogonat dogono. It akhuni aperek inasuk warek dek hagakharek meke iti nen, wene korlo wene yokhisekhe dogolik, hit nen, “Eberogonat,” iluk hinakla apalok hinetaiken horle welagap meke iti kolelogo here'isalok hinebe nuk asunogo iluk, hinobabut hebelogo dogono o!

2 Petrus 3:17 ပူးပေါင်းရင်းမြစ်များ

Matius 16:11

An nen roti hasik yokhisigidek mekeat he, iti nenaluk hutdigidek welagap? Eken roti hisuagaluk akla usakharek meke iti hakene, it ap Farisi meke inom, Saduki meke inom, hago werek iti nen hinobabut hebelogo dogobageik iluk yokhisigi o,” iluk yogeisasikhe.

Matius 16:6

at Yesus nen men yogeisasikhe, “It ap Farisi meke inom, ap Saduki meke inom, eken hipiri roti meke hisuagaluk aklake usakharek iti hakene meke hago werek iti baga weagathinabinogo iluk, hinobabut hebelogo dogono,” iluk yogeisasikhe.

Matius 7:15

Itithogon yogeisasikhesik ageikhe men yogeisasikhe, “It aperek inekalat Allah ane yogeisegarek meke thalek hinoba witluk nen, hinakla kagalinogo iluk, hinobabut hebelogo dogono o. It iti inelokhoken domba ena meke hakene hagarogo nen wisugun mekeat he, inetaiken akla re, yeke helo yeke anini weak meke hakene wisugun o.

Yohanes 16:4

Itithogon hagathinakha halok, hinakla nen, Wene yi, at nen alebat yoknisasikhe etnogo, arat hagatninabiogei yi, iluk hinakla ebesubageik nen iluk, wene iti tha'bokhogonat yokhisigi o,” iluk yogeisasikhe. At Yesus nen wene itithogon yogeisasikhesik nen, yabokane ageikhe men yogeisasikhe, “An hit ninom yoma welago iti nen, wene yi tha'bokhogonat hit hinayoko 'bekhe dogolik yokhisigidek welagagi mekeat he,

La'isasikhe 2:42

Inom dapukhogon hanoat dogolik, it ap Yesus nen inayoko 'biluk la'isasikhe meke emenogo nen wene yakulisugunem hunik-hunigat inasuk holhik, hipiri inom kusogo nikik, sembayan inom igik, hagakhe lagoukha.

Roma 16:18

It iti, ninoe Etagapogot Kristus apma dogolik, at hasik hagariogei 'buk. We, inekaerek inakla warlok meke hagariogei o. Itithogon hagakhe dogolik, inane hano igik, enago igik, ekhe dogolik, it akhuni aperek inobabut, “I o,” anek egarek meke iti nukhetdisiliogei iti.

1 Korintus 10:12

Iti nen, hat ageikhe hakla nen, “An netaiken horle, metek welagei o,” iluk apegen halok he, tunhogo launogo iluk hobabut hebelogo dogono.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

2 Korintus 11:3

Itithogon meke re, alebat at Warlo etnogo obabut kaukmo, he Hawa nukhetdisikhe hak, hit hinetaiken opakiat Kristus oba hakotdiluk at hasik karelek welagap meke nukhetdinagousak iti, nayuk ariogo.

Galatia 5:4

Hit aperek nen, “Wene Allah nen ninasuk wakhikhe wene iti baga hakotdiluk, at nen, wene ninoba meke korogo wokhalok, ninom yabokane ninapuke hunogo 'binanuak,” iluk hagakhe lagap halok he, Kristus hinom hek egesip nen, at Allah obabut hano nen woknisekherek meke etnogo here'isalok dukhegep iti.

Efesus 4:14

Itithogon hagakhe dogolik, ninobabut yekerugi inobabut hisakne nen i hoklabu sabulogo lageik-wageik hagakherek iti hagat, nit itithogon hagakhe dogoak nen iluk, it akhuni aperek inobabut mirlok-marlokthek meke nen inekalat mekeat he, eberogonat thalek nukhetdinanuogoluk, wene ninat wene eran-alep yoknisariogei iti inane holusak dek o.

Filipi 3:2

It akhuni aperek inobabut yeke helo yeke obabut hakene iti nen, yi meke ti meke hasik weak hagakhe dogolik, “Hinoado aperlagap meke palogo la'isano,” iluk hinakla kagalisunogo nen hinobabut hebelogo dogono.

Kolose 2:5

An nebe walegat welagei mekeat he, netaiken hit hinoba la'i agarik, ninom etoma welago hakene. Dogolik, hinetaiken Kristus oba hakotdiluk hinetaiken opakiat hinobatnerogon mothogon hagakhunem nileken hisekhe lageiatma, nakla arleken akhekhe lagei o.

Kolose 2:8

Itithogon isi werekma, akhuni aperek inakla kagalek meke thalek, wene we meke inekalat yokhisekhe dogolik, nukhetdinaginogo iluk, hinobabut hebelogo dogono. Wene iti, Kristus nen isikhe meke tak-tak iliogei 'buk. Weat, akhuni itaklarik waga korlek, inopa lak nen, “O yoma yi meke ti meke herlaga, mokat inobabut weak meke itiat o,” iluk ekhe lagoukha meke tak-tagat nukhetdinagaliogei iti.

2 Timotius 4:15

At iti ebe wene nit nen yakulisekhe lago meke ninane thagalogo here'isalok hagakhe lagama iti nen, hat hobabut hebelogo dogono.

Ibrani 3:14

Itithogon hagakhe dogolik, ebekeram ninetaiken at oba hakotdisugu meke itiat, niniki nomokhogon herogo werekma, hurli ilugun oba hago dogogun halok he, nit Kristus agarlak lak erugi agosik welago o.

1 Petrus 5:9

Itithogon dogolik, hinakla nen, “Ninagarlak lak ninerugi o yi ai ti ai agat oba yoma inebe tha'bokhogonat yi aik ti aik hiliogei hagat, hekhe lago,” iluk, at Iblis wagunem, ane holhidek here'isalok hinetaiken Allah oba hakotdiluk hinobatnerogon metek dogono o.

2 Petrus 2:7

Itithogon inakhe dogolik, at Lot anek, obabut mothogon Allah warlok meke hagakhunem, it akhuni etoma meke inekarli dek weak hagakhe lagoukha baga, at akla korlo ago motok werekma Allah nen tilhikhe iti.

2 Petrus 3:1

Nagarlak lak nerugi. Hinebe nakmu lak o. Surat alep ageikhe holal waganogo hinoba la'i agagi iti men, yabokane la'i agei iti men, hit wene ebe hinilu mekeat, hinakla mothogon ebesubageik nen iluk la'i aga lagei iti.

A'bikaka 2:5

Iti halok he, hit 'bogokhogon motogat usa'agasip welagap iti, hinakla ebetdiluk, hinobabut hebelatluk nen, alebageik hagakhe lagagip meke iti hagat, hagakhe dogono o. Itithogon hagakhidek halok he, an nebe witluk nen, hinalampu yibarlek iti obolukmo nen kigilogo wokhagein o.