Abok palhe lagoukhasik nen, ap it inagarumi inane waganhe lagoukha meke inom, it ap Herodes werekmake meke inom, Yesus oba wene hinok waganuagaluk la'isa agoukhama it wagoukhasik nen, men yogokhukha, “Yesus noe. Hat hobabut wene eberogonat anek ekhe dogolik, Allah akla nen, Akhuni yigithogon hagakhe dogoak, iluk apekherek meke eberogonat yakulnisekhe lagan iti nit ninilu o. Akhuni inebe hayuk degat dogolik inelokhoken oba anek hisalok, ageikhe helokhoma 'bisigik, ageikhe hoporlike 'bisigik, hagakhetek dek heekhe lago.
2 Petrus 2:2 - ALLAH ANE WENW KET MEKE WAROGO WOKNINAKHIKHE WENE2 Itithogon mekeat he, it nen inetaiken nen nukunem inekarli degat yi weak ti weak hagakhunem, akhuni doalegat nen it inobabut waganogo hagakhe dogogun iti baga, it akhuni aperek nen, Yesus oporlik lageikharek wene, ebe wene iti, abok weak ugun o. အခန်းကိုကြည့်ပါ။ |
2 Petrus 2:2
36 ပူးပေါင်းရင်းမြစ်များ
La'isa agoukhama wagoukhasik, men yogokhukha, “Noe. Hat hobabut wene eberogonat anek ekhe dogolik, akhuni inelokhoken oba naek 'birisalok, aperek helokhoma 'bisigik, aperek hoporlike 'bisigik, hagakhetek dek. Inebe hayuk degat dogolik, Allah akla nen, Akhuni itithogon hagakhe dogoak, iluk apekherek meke eberogonat anek yakulnisekhe lagan iti nit ninilu o. Halok he, nit Yahudi meke hagakhorek mothogonat, uang pemerintah hasik, kok etagapogot Kaisar wogosusak erlok a? Erlok dek a. Wogokhe dogouok a? Thogotdekhe dogouok a,” iluk hinok waganhukhama,
It akhuni aperek inekalat ekhe dogolik, Kristus etnogo nebe anat o, igik, nen, it aperek nen, Allah ane yokhisegerek meke anat o, igik, i wisugun o. Witluk nen, Akhuni Allah nen wenageinakhikhe meke emenogo nukhetdisausak a? Dek a, iluk nukhetdisauwogoluk, inane eberogonat apoagaluk hagasusak dek meke elalin meke hagarik wisugun o.
men yogokhikhe, “Hat hebe Iblis a'but yi re! Akhuni dalinakhik, nukhetdisigik, hagakho motok dogolik, yi meke ti meke mot hagasuogoluk hagakhunem, hat nen degetdigiluk hagakho motok welagan yi re! Ninoe Etagapogot nen, akhuni tilninabigiluk holak mothogon ya'inanhikhe meke, hat nen huk ageidegat korlotdigiluk hagakho motok welagan iti nenaluk.
Yesus ane waganhikhesik nen, o it akhuni Yahudi meke sembayan ekhe lagoukhama ukisikhesik, ayuk dek dogolik, wene pakhogon yogeisekhe lageikhe. Yogeisugunem, it he Priskila agun Akwila ipisak inasuk holhukhasik, ebe wolok inaila lagoukhasik nen, Allah nen at oporlik laga dogoagaluk akla apekherek wene iti hutukhogon yakulekhe lagoukha.
Dogolik, itithogon yogeisekhe lageikhe mekeat, it iti ebetlake inetaiken a'bet atluk, wene iti inakla meanetdiluk nen, akhuni aperek doalegat inil obaat, Yesus oporlik lageikharek wene iti abok weak palhukha. Abok weak palhukhama, at Paulus, it thogotdisalok, it ebetlake Yesus ane waganhukha meke anek wogosik dukhisikhe. Wogosik dukhiluk, o kok halekma ap Tiranus nen yi wene ti wene yakulisekhe lageikhemo iti ukiluk, hibiku-yogoku iki ageikhe huk ageidek wene at nen yogeisigik, it nen oko yogokhik, hagakhe lageikhe.
Meke re, wene eberogonat hagakhe lagei meke ebe yi pakhogon yokhesik. It nen, Akhuni Yesus oporlik liliogei iti weka, iluk egarek. Meke re, an anek, it nen, weak egarek meke iti ane holiluk, Allah nit ninopa lak apma ukiluk welagoukha meke itiat ebe hogorakhe lagei iti anek, eberogonat hagakhe lageiat o. Hogorakhe dogolik, wene Allah nen ninasuk wakhikhe wene iti men, ap at ane yogeisekhe lagoukha meke inane men, tha'bokhogonat holal waganogo 'bisukha meke werek iti, eberogonat iluk hago welagei.
It akhuni itikmanke meke Allah inokodek meke hinom dogolik, it nen, hit weak hagakhe lagap meke thalek, “It weak hagariogei o,” iluk hinabok weak ekhe dogoligat, hit hinobabut hano hagakhunem inileken hisekhe dogoluk nen, akhuni nen at Allah ebe yabokane wagunem hogorasuagaluk hit hinobabut mothogon hagakhe dogono o.
Usatluk akhuni tha'bokhogonat wene inoba 'bigik, kokhik, hagakhe dogolik, it akhuni Allah ebe ina'it meke inebe tha'bokhogonat wene inoba 'bigin o. It Allah ebe ina'it dogolik, yi weak ti weak hagariogei meke dopok wene inoba 'bigik, Allah ina'it nen weak hagakhe dogolik inane puk weak at abok weak paliogei meke iti inebe dopok ukum inoba 'bigik, hagasigin o,” iluk isikhe.
It hagakhukha tak-tagat, it akhuni o Sodom meke men, Gomora meke men, o ukul inaliluke meke inomat nen, param hagarinakhik, ap-ap, humi-humi hagasusak dek meke hagakhik, hagakhukha baga, ukum he, hetu nasi motok welagarekma motok dogoagaluk, la'isasikhemo etoma werek, iluk, nit akhuni tha'bokhogonat hutdekhe dogosak.
Itithogon ageikhe hagakhe laga iti, at helo yeke hakene kok alep meke etnogo nen, elalin meke at il oba hagakhe dogoagaluk iteerek 'bekhe meke etnogo ebe hagakhe dogolik, akhuni agat oba welageikharek meke ekalat nukhetdisekhe laga. Itithogon nukhetdisekhe dogolik, it akhuni emenogo nen, helo yeke hakene kok meke karok oba palekma ebe watlasusak meke apuke the ageikhe meke etnogo ebe hakene alino hagarogo kaneke ageikhe hagasuagaluk yogeisekhemo ebe hagakha lakhigi.
At Allah nen pogot agat aban walhigidek dogolik, “It eta iniluk motok dogoagaluk hagarinabigin,” iluk inetaga at ADomba Eak, it inobasik wakhukha meke etnogo aruesika baga holal waganogo 'bisikhe. It inetaga itithogon holal waganogo 'bisikhe meke, helo yeke hakene kok etnogo hogorakhidek werek korlek, akhuni agat oba welageikharek meke aperek tha'bokhogonat helo yeke hakene kok etnogo inetaiken oba hakotdiluk hogorakhe lageikha hisigi.
ကြော်ငြာတွေ