2 Petrus 2:1 - ALLAH ANE WENW KET MEKE WAROGO WOKNINAKHIKHE WENE

¹ Alebat etoma, ap Allah ane yogeisekhe lagoukha meke thalek wagoukhasik, inekalat ekhe lagoukha meke, Allah a'buri inaklake melarik wagoukha. Iti hakene, yabokane ap ebe wene yakulhisiliogei meke thalek hagarogo witluk, inekalat ekhe dogogun meke hinaklake aperek winam atluk wisugunat o. Winam atluk nen, wene akhuni inebe weagarinakherek wene yokhisa ukisugun. Ukitluk nen, ninoe Etagapogot nen it ninomat tilninabigiluk ninoko palhikhe mekeat he, it nen, “At he, nit ninoe dek o. Ninokodek,” iluk la'belhe dogogun iti. La'belumo, inekaerek nen ukum ibat inoba 'bakhalok weak akhagun o.

2 Petrus 2:1 ပူးပေါင်းရင်းမြစ်များ

Matius 10:33

Itithogon mekeat he, tha nen, Yesus iti an nokodek o, iluk akhuni inil oba la'belho halok he, an meneke, At iti an nokodek o, iluk nopase pogot oba meke il oba pakhogonat igin o,” iluk yogeisasikhe.

Matius 24:11

Nen, it aperek inekalat Allah ane yogeisiliogei meke thalek hagatlatluk hinoba witluk nen, akhuni motok doalegat nukherinabugun o.

Matius 24:5

Akhuni inebe doalegat nen inetaga an netaga meke thalogo nen men ilik wisugun, Kristus etnogo nebe wagei yiat o, iluk, inane eberogonat thalek akhuni doalegat nukherinabisugun o.

Matius 7:15

Itithogon yogeisasikhesik ageikhe men yogeisasikhe, “It aperek inekalat Allah ane yogeisegarek meke thalek hinoba witluk nen, hinakla kagalinogo iluk, hinobabut hebelogo dogono o. It iti inelokhoken domba ena meke hakene hagarogo nen wisugun mekeat he, inetaiken akla re, yeke helo yeke anini weak meke hakene wisugun o.

Markus 13:22

It akhuni aperek inekalat ekhe dogolik, Kristus etnogo nebe anat o, igik, nen, it aperek nen, Allah ane yokhisegerek meke anat o, igik, i wisugun o. Witluk nen, Akhuni Allah nen wenageinakhikhe meke emenogo nukhetdisausak a? Dek a, iluk nukhetdisauwogoluk, inane eberogonat apoagaluk hagasusak dek meke elalin meke hagarik wisugun o.

Lukas 12:9

Meke re, tha nen, akhuni inil oba, Yesus iti an nokodek o, iluk la'belho halok he, an meneke, malaikat Allah nen yoko la'isa agarek meke emenogo inilhanem, At iti an nokodegat o, iluk, nane pakhogon yogeisageinat o.

Lukas 21:8

at Yesus nen, men yogeisasikhe, “Akhuni nen nukhetdinageinogo nen, hinobabut hebelogo dogono o. It akhuni inebe doalegat nen, inetaga an netaga meke thalogo nen men ilik wisugun, At wisigin isukha etnogo an nebe wagei yiat o, igik, Hagatlasigin etnogo arat hakok i aga, igik, ilik wisugun etnaga, it iti inane hinasuk holiluk inoporlik lagup o.

Lukas 6:26

It ap yoma inopa lak nen, it ap aperek Allah ane yogeisegarek meke thalek nukhetdisasi korlegat, hogorinakhe lagoukha hak, akhuni tha'bokhogonat nen hogothinakho halok, eiye! Weagathinabigin o,” iluk yogeisasikhe.

Roma 16:18

It iti, ninoe Etagapogot Kristus apma dogolik, at hasik hagariogei 'buk. We, inekaerek inakla warlok meke hagariogei o. Itithogon hagakhe dogolik, inane hano igik, enago igik, ekhe dogolik, it akhuni aperek inobabut, “I o,” anek egarek meke iti nukhetdisiliogei iti.

1 Korintus 11:19

Itithogon hagakhe lagap iti, at Allah nen, “It iti an na'buri,” iluk apiliogo meke, ekagat asuak nen, hinebe hurli wasusagat apigi.

1 Korintus 6:20

Allah nen he, hinebe oko arat 'bogokhogon palogo wokhinakhikhemo welagap iti nen, akhuni nen at hogorasuagaluk, hinebe at hasik hano hagakhe dogono o.

1 Korintus 7:23

Hit hinebe Allah nen oko motok 'bogokhogon palogo wokhinakhikhe iti nen he, akhuni inatuaneke agup o.

Galatia 2:4

Itithogon mekeat he, it aperek nen he, ninagarlak lak Allah a'buri meke negen hagatlatluk lelokhogon limago ukitluk nen, oado aperlagap paluagaluk isukhaat. Itithogon limago ukitluk nen, nit Kristus ninom opakiat atluk ninasokneat dogolik ninobabut hagakhorek meke iti, it nen, “Erlo nikithogon nen hagatlageikhasik hagariogei,” iluk erlo herasuogoluk uki agoukha iti. Itithogon herakhukhasik inapma 'binaniluk, it hagakharek meke iti hagakhe dogoagaluk inileken 'bitnisa uki agoukha iti.

Galatia 3:13

Allah ane baga holal waganogo 'bekhe dogolik, men isukha, “Inebe o baga meldisalok inasumo, it inebe watlasugun meke iti, Allah nen homan 'bisagein werek o,” iluk, holal waganogo 'bisukha hagat, wene Allah nen ninasuk wakhikhe wene iti baga, homan 'binanusak mot werekma, at Kristus nen ninoko palogo tilninabigiluk wene nit ninoba meke korogo at oba 'bakhasikhe iti.

Galatia 4:17

It akhuni aperek ethoma hinebe wokhinabuogoluk hinakla obatnerogon kagaliogei iti, inetaiken mot dogolik hagariogei 'buk. An ninom hano welagorek meke here'aniluk lisogo wokhisik dukhiluk, it werekmake obatnerogon hagakhe dogoagaluk hinakla kagaliogei iti.

Galatia 5:20

inetaiken kaneke oba hakotdiluk dogolik hagakhik, akhuni inebe weak asuagaluk usarogo hagakhik, akhuni inom wim palek hagakhik, wene yakhik, ua palhik, inakla aga dageigik, inekaerek hasik anek kokhogon hagarigik, akhuni inebe opakiat meke inom hurli-hurli hagakhik, hek-hek hagakhik,

Efesus 1:7

Itithogon woknisasikhemo, ebe amep ulabogo wakhukha iti baga, ninoko palogo tilninakhik, nit weak hagakhe lagagu meke degetdisigik, hagakhikhe iti o. At Allah akla kagalek dogolik ninebe hutdinanhikhesik, obabut motok hano etnogo nen, ninebe kokhogon akmutninakhikhe iti o.

Efesus 4:14

Itithogon hagakhe dogolik, ninobabut yekerugi inobabut hisakne nen i hoklabu sabulogo lageik-wageik hagakherek iti hagat, nit itithogon hagakhe dogoak nen iluk, it akhuni aperek inobabut mirlok-marlokthek meke nen inekalat mekeat he, eberogonat thalek nukhetdinanuogoluk, wene ninat wene eran-alep yoknisariogei iti inane holusak dek o.

Filipi 3:19

It iti inetaiken Allah oba hakotdiluk dogosak mekeat he, inoba agaken dageiluk hagakharek iti meke baga hakotdiluk dogolik, inekarli asusak mekeat he, hano thalek iti hasigat inekarli dek hogorakhiliogei iti o. Itithogon hagakhe dogolik, inetaiken yi warlok ti warlok, wene agat oba meke oba eberiogei iti, ilugun oba arat nuk asugun o.

Kolose 2:18

Nen, it aparek nen, inobabut inikhogat dogolik wirlidikhogonat hogorakhekhe dogolik men egarek iti, “Nit akhuni ninebe kepu o. Koktek he, malaikat Allah nen yoko usa'isa agarek meke itiat. Halok he, inapma dogolik, hogorinakhe dogosak,iluk an na'bikaka hegerek meke nen yokhisekhe lagei iti,” iluk inekalat Kristus hinom hunik meke ula'inaguogoluk yokhisiliogei iti. “Eberogonat,” iluk hinakla apugup o.

Kolose 2:8

Itithogon isi werekma, akhuni aperek inakla kagalek meke thalek, wene we meke inekalat yokhisekhe dogolik, nukhetdinaginogo iluk, hinobabut hebelogo dogono. Wene iti, Kristus nen isikhe meke tak-tak iliogei 'buk. Weat, akhuni itaklarik waga korlek, inopa lak nen, “O yoma yi meke ti meke herlaga, mokat inobabut weak meke itiat o,” iluk ekhe lagoukha meke tak-tagat nukhetdinagaliogei iti.

1 Timotius 5:8

It ap aperek nen Allah ane eberogonat iluk waganhukhasik dogoligat he, inekaerek ina'buri itiat kogotdiluk yomageisigik, akhuni erlo it meke halok aperek inomat yomageisigik, hagakhidek halok he, Allah ane here'isalok dukhisukhasik hakeneat werek o. It akhuni itikmanke meke nen wene waganhidek dogolik, weak herlekha'bugat negen hagariogei mekeat he, it iti wene waganhukhasik nen akhuni it meke yomageisigidek iti nen, weak kok negen hagariogei o.

2 Timotius 4:3

Yabokane, it akhuni nen ebe wene inasuk hanorogon holhidek dogolik, we wene inasuk holu warlok nen, yakulisekhe dogoagaluk it aperek inebe doalegat inayoko 'biluk, natogorinabugun iti.

Titus 1:11

Itithogon nukhetdisekhe dogolik, yi meke ti meke inekaerek nen thaburausak dek meke thaburauwogoluk, yakulisausak dek mekeat yakulisekhe dogolik, akhuni doalegat ina'buri inomat nukhetdisiliogei iti, it inane iti thebeloso usa'isano.

Titus 3:10

It aperek nen, Allah a'buri meke it-it inom weak asuagaluk, hagariogei meke iti, inasuk alebageik watluk nen yabokane watnoat o. Itithogonat wasigin meke, inasuk holhidek halok, hinom hunik dogogup o.

Ibrani 10:29

Iti hak, it akhuni nen Allah a'but mekeat he, inisok nen thagalogo here'isigik, Allah nen nit ninom hunisuogoluk Kristus watlageikhe iti baga, amep oba hano horinakhikhe mekeat he, yabokane inakla meanetdisigik, Allah obabut hano meke Agoreke etnogo inane sagun yogokhik, hagakho halok he, wene motok akin meke inoba 'biluk weagarinabigin o.

1 Petrus 1:8

Hit nen alebat, at ebe hinileken higidek mekeat he, ebe hinakmu welagap iti o. Itithogon dogolik, yogotak ya hinileken higidek mekeat he, hinakla nen, “Yabokane hano motok hagatninabigin,” iluk hinane baga nikithogon pilinogo usak heat dogolik, hinakla arleken motok akhekhe lagap iti o.

2 Petrus 2:3

It ap Allah ane yakulisegarek meke thalek winam asugun iti inobabut he, “Nit anek woknisanek,” iluk egarek meke iti nen, hit nen oko wogeisoagaluk, wene inekaerek inakla nen kagalogo inekalat yokhisekhe dogogun iti. Itithogon mekeat he, it inobabut hagakhe dogogun iti baga, at Allah nen, “It iti ukum inoba 'biluk inebe weagarinabigin,” iluk haganeat dik-dukhogon hagatdiluk welageikhe. “Huk huk, maga maga,” iluk welageidek weagarinabigin meke werek o.

1 Yohanes 2:26

Wene yi tha'bokhogonat it akhuni hit nukhetdinagouogoluk walhiliogei meke hasik holal waganogo hinoba la'i agei o.

1 Yohanes 4:1

Nagarlak lak nerugi. Nakmu lak o. Akhuni inebe doalegat nen, “Nit nen Allah ane yokhisekhe lago,” iluk inekalat iliogei meke inebe arat thelekma ageikhasik, o yi ai ti ai liliogei iti nen he, aperek hinoba witluk, wene yokhisugunem, hit nen he, “Allah Agoreke akla dogolik yoknisiliogo,” iluk hinetaiken inoba ebekhup o. At he, “Eberogonat Allah Agoreke akla dogolik iliogo a? Ninat meke akla dogolik yoknisiliogo a,” iluk inobabut tak paliluk nen, inebe hutdisekhe dogono o.

Yudas 1:18

It nen he, wene men iluk yokhisasukha iti, “O ilugun kobokhogon oba dogolik, it akhuni aperek Allah ebe ina'it dogolik inakla nen, yi meke ti meke inetaiken nen nukunem, Warlok, iluk iti mekeat weak motok hagakhe dogolik, inane sagun yokhisasugun o,” iluk yokhisasukha iti.

A'bikaka 13:14

Itithogon ageikhe hagakhe laga iti, at helo yeke hakene kok alep meke etnogo nen, elalin meke at il oba hagakhe dogoagaluk iteerek 'bekhe meke etnogo ebe hagakhe dogolik, akhuni agat oba welageikharek meke ekalat nukhetdisekhe laga. Itithogon nukhetdisekhe dogolik, it akhuni emenogo nen, helo yeke hakene kok meke karok oba palekma ebe watlasusak meke apuke the ageikhe meke etnogo ebe hakene alino hagarogo kaneke ageikhe hagasuagaluk yogeisekhemo ebe hagakha lakhigi.

A'bikaka 2:13

Hit he, Iblis ebe kok dogolik, akhuni aperek apma hagasik welagarekma welagathep me iti an nilu o. Itithogonat Iblis ailaat dogolik, an na'but Antipas nen nabok a'it ageidek, obabut hupukhogon dogolik yogeisilik nukhunem, it aperek nen ebe hinakla nen wakhunem, hit nen, Nit ninetaiken Yesus oba hakotdiluk welagorek iti dek, nina'it, iluk kolelogo here'anhidek, ninom hunik motok welagathep iti, hinobabut an nilu o.

A'bikaka 2:9

Hit ebe meke hasik hinebe kok hinikierek mekeat he, it akhuni Iblis a'buri mekeat he, inekalat, Nit ninebe Yahudi meke, iluk ekhe dogolik, hit hinetaga weak hagarogo weak hagathinakhunem, hinebe hinerlageik weak welagap iti, an niluat o.

A'bikaka 3:8

Lakhani! Hit hinobabut hagakhethep he, hinobatne motok herlekha'bugat mekeat he, an nane hologo mothogon hagakhik, nabok la'belhidek pakhogon yogeisigik, hagakhethep iti an nilumo, hit hinobasik, thu arat hualogo 'binagagi meke akhuni aperek nen lasusak motok erlok dek o.

A'bikaka 5:9

Itithogon etai ket meke yakulogo wakhe dogolik, “Hat anek he, arat hakhukhama watlagagitik, u a e, Akhuni tha'bokhogonat inukuloak etaga tomok, inane tomok, u a e, Inoado tomok, inaila tomok, u a e, Hat hamep oba Allah hasik oko palogo 'bisalok, u a e, Iteerek agatik, u a e, Thuesika uanat meke baga holal waganek dikilik iti, u a e, Waganiluk nen, sirlo 'begarek iti hak, u a e, Iki apusu tetnekhogon 'bisukha meke iti, u a e, Erlogat 'bukalusak, u a e. It iti inoko palogo 'bisasigitik, u a e, Ninopase Allah hasik hagakhe dogoagaluk, u a e, Inukuloak etaga, Allah iteerek, thaligin, u a e, Inebe kogat meldisasiginmo, u a e, It nen akhuni agat oba meke, u a e, Inapma 'bisalok hagasik dogogun, u a e,” iluk etai wakhunem hisigi.

A'bikaka 6:10

It itithogon dogolik, inane kokhogon men isinem holhi, “Ninopase Allah hobatneak karelek motok dogolik, mothogon anek hagatkhetek meke ninopase. Hiki meren dogoluk nen akhuni agat oba meke nen nit ninakhukha etnogo ninokoma inoba 'biluk inasigin nogo?” iluk yogokhe lageikhama,