2 Petrus 1:8 - ALLAH ANE WENW KET MEKE WAROGO WOKNINAKHIKHE WENE

⁸ Hit he, hinobabut iti meke tha'bokhogonat ite atluk, eran-alep kokhogon ite atluk dogogun iti nen, we yugunat alomarogo welageidek, ninoe Etagapogot Yesus Kristus thekekhogon hinilu asugun o.

2 Petrus 1:8 ပူးပေါင်းရင်းမြစ်များ

Matius 13:22

Nen, ai hilik ageikhe okama arlok weakma usa'isikhe meke iti ebe, it akhuni aperek Allah ane iti inasuk holharethek nenat he, inakla nen, Yogotak ya hasik nikithogon hagasigin he, iluk, wene munini ebekhik, Nameke doalegat negen dogolep e, iluk inakla ebekhe dogolik, inekaerek nen nukhetdakhigik, hagakharek iti nen, wene iti erlo keken atluk nen, eken ikherek dek itiat o.

Matius 20:3

La'isalok nen, o mo wageikhemo dukhisikhe jam 9 hak, it ap aperek ninat meke pasar etoma werlegat werekma ileken hisasikhe.

Matius 20:6

Yabokane o hi asigiluk hagakhe korlek jam 5 dukhisikhesik, it aperek werlegat metek werekma ileken hisalok nen, Hit huben nenat yogotak werlegat metek welagap yi nenaluk, iluk yogeisasikhemo

Matius 25:26

at oe etnogo nen, Hat hobabut motok weak hiki waganu weak meke yi! An nen it aperek ai hilogo la'egarek meke eken paligik, it aperek yakharek meke eken horligik, hagakherek nobabut iti hat hilu dogoligat ekhe lagan?

Yohanes 15:2

O ikilo'bak ebe tomok, an noba hunik dogolik eken ikhidek halok, 'bogokhogon la'igin mekeat he, ikilo'bak ebe tomok eken ikhe halok, aperek inom doalegat ikhe dogoagaluk oboseka palogo yorla yebeligin o.

Yohanes 17:3

It akhuni nen, Allah hogorasusak ebe meke arlik-arlegat motok welagarek, iluk, hebe inilu ageik, nen an Yesus Kristus la'ani agaginmo wagagi meke yi nebe inilu ageik, hagariogei iti re, iniluk motok welageikharek erlo itiat o.

Yohanes 5:42

Hit anek he, Allah hinakmurogo welagathep motok dek iti, an hinobabut nilu o.

Roma 12:11

Allah Agoreke nen hinakla kagalhe korlek, ninoe Etagapogot hasik hina'it ageidek, hinobatnerogonat hagakhe dogono o.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

2 Korintus 13:5

Hit nen he, “Nit ninetaiken Kristus oba hakotdisugu etnogo hakokthegat welago a? Dek a,” iluk hinekaerek nen hinobabut hutukhogon palano. Itithogon palekhe dogolik, erlok hagatlageidek halok he, “Yesus Kristus ninakla werek,” iluk ekagat hugun o.

2 Korintus 8:2

It akhuni aperek nen yi aik ti aik doalegat weagarinakho korlegat, it inakla arleken motok akhiliogei iti baga inobabut ekagat aga. It inameke motok dek inerlageik dogoligat, it meke doalegat, debekhogon it akhuni aperek wogeisiliogei iti.

2 Korintus 8:7

Hit he, yi meke ti meke hasik hano motok hagakhe lagap. Iti, hinetaiken Allah oba hinobatnerogon hakotdigik, hano wene hano motok yakulisigik, ebe wene hano motok hinilu ageik, akhuni aperek yomageisauwogoluk akilukhogon hagakhik, nit hinakmurogon motok welageik, hagakhethep iti hak, hit meke it Allah a'buri aperek iti hano motok 'bisobageik iluk yokhisigi o.

2 Korintus 9:14

Itithogon hogorakhe dogolik, it nen he, “Allah obabut hano etnogo nen, it nen akhuni kokhogon yomageisekhe dogoagaluk inobabut iti meke wogeisekhemo hagariogei,” iluk hinebe inakmu dogolik Allah ayoko kokhogon 'bekhe dogogun iti o.

Filipi 1:9

An nen sembayan hit hinobasik ekhe dogolik, men ekhe lagei, “Yi meke ti meke ai yakhunem erlo kok atluk dukhekherek hak, hit ebe wene hutukhogon hinilu ageik, hutdigik, hagakhe dogolik, akhuni inebe hinakmurogon welagap iti meke kokhogonat hinakmurinakhe dogobageik nen,” iluk, sembayan ekhe lageiat o.

Filipi 2:5

Hinobabut he, at Kristus Yesus nen akla ebekhe lageikhe hagat, ebekhe dogono o.

Filipi 3:8

Itithogon hutdekhe lagei iti anek 'buk. Noe Etagapogot Yesus Kristus nilu agagi iti hano motogat o. Yi meke ti meke ninat meke hagakhe lagagi iti, weat alomarogo hagakhe lagagimo iluk, hutdekhe lageiat o. At ebe horlalok nen, nipisak hunik motok dogouogoluk, yabu aleke karelogo ulakharek hak, yi meke ti meke alep hagakhe lagagi meke iti, “Weat meke,” iluk here'isasigi iti o. Wene Allah nen ninasuk wakhikhe wene iti baga, nekaerek nen mot hagakhe lagei 'buk. It akhuni aperek inetaiken Kristus oba hakotdisinem, wene inoba meke korogo wokhalok yabokane Allah inom hunogo 'bisekherek hak, an itithogonat netaiken at oba hakotdisigimo, wene noba welageikhe meke korogo wokhasikhe iti o.

Kolose 1:10

Itithogon hinilu atluk nen, ninoe Etagapogot akla hanorogo, at warlok apekherek meke mothogon anek hagakhe dogosagat. Yi meke ti meke ai yakhunem erlo kok atluk nen eken hano ikherek hak, hit Allah obabut hinilu aga dogolik, yi meke ti meke hano meke hagakhe dogosak iti.

Kolose 2:7

hinomaken Yesus oba a'bethogon ya'iluk, hinetaiken at oba 'bogokhogon hakotdiluk, hinom hunik dogolik nen, hinetaiken horle ago motok dogolik, Allah heagei wakho motok dogono o.

Kolose 3:16

Akhuni inameke doalegat meke inikierek welageikharek hak, hit nen, Kristus ane itiat hinetaikenma obatnerogon 'biluk dogolik, hinakla kagalogoat, hit-hit wene hinasuk wat-wat hagakhe dogolik, wene hit nen yakulisigik, it nen yakulhisigik, hagakhe dogono. Yakulisekhe dogolik, Allah hasi etai Mazmur meke wakhik, etai Allah hogorakharek meke wakhik, Allah Agoreke nen hinakla kagalhunem, etai ket kagalogo wakhik, hagakhe dogolik, hinetaikenma nen Allah heagei wakhe dogono.

1 Tesalonika 3:12

Nit nen hit hinebe ninakmurogon welago hak, hit nen itithogonat hit-hit hinakmurogon hagakhik, akhuni tha'bokhogonat hinakmurinakhik, kokhogonat hinakmurinakhe dogobageik nen, ninoe Etagapogot nen hinobabut inakmurinakharek iti meke oba dukhogon ageikhe inombat wokhisekhe dogoak.

1 Tesalonika 4:1

Nagarlak lak nerugi. Wene ilugun oba ageikhe yi yokhisak. Nit ninoe Etagapogot Yesus nen, “Hinobabut Allah akla hanorogon, yigithogon hagakhe dogono, tigithogon hagakhe dogono,” iluk, isikhemo yakulhisa agagu etnogo hinilu. Itithogon yakulhisasugumo, hit nen itithogon hagakhe lagap mekeat he, yabokane ageikhe inom kokhogon hagakhe dogobageik iluk, ninoe Etagapogot Yesus ninom hunik dogolik hinasuk warogo yokhisigi iti o.

2 Tesalonika 1:3

Nagarlak lak nerugi. Hit hinetaiken Kristus oba hakotdiluk welagathep meke iti, ageikhe inom kokhogon hakotdigik, hit-hit hinebe dopok nakmu-hakmurogon hagakhethep meke iti, ageikhe inom kokhogonat hinakmurinakhik, hagakhe lagap iti nen, nit nen hit hinobasik Allah hogorasusak mekeat hogorakho motok welago.

1 Timotius 5:13

Itithogon hagakhe dogolik, inobabut iniki waganu'buk o kuluk ya haklageik nekharek. Itithogon nekhe dogolik, aperek weak motok men hagariogei. Inahusupi weak ekhe dogolik it aperek inawene mekeat lapogoke igik, wene aperek usak dek meke ninat meke igik, ilik liliogei iti o.

Titus 3:14

Akhuni nit Allah a'buri meke aperek, o eken hano meke ikhidek welagarek hak, it iti hano meke ite ageidek yugunat alomarogo dogunogo iluk, it aperek yi meke ti meke dek nen nuk atluk werekma, it inekaerek hano hagakhe dogolik yomageisekhe dogoagaluk, iti meke kogotdiluk yakulhe dogoak o.

Filemon 1:6

Nit ninetaiken Allah oba hakotdiluk, ninagarlak lak ninerugi Allah a'buri aperek inom, Kristus ninom hunik werekma, at nen yi meke ti meke hano meke woknisugunem hutdogorek meke iti, yabokane kokhogon hutduogoluk Allah ayoko 'bekhe lagei.

Ibrani 6:12

Hit hina'it weak hagakhe dogosak he, nina'it o. It akhuni alep inetaiken Allah oba hakotdiluk ina'it ageidek, it nen, “Eberogonat waganugun,” iluk apekhe lagoukha baga, Allah nen, “Wokhisagein,” iluk abok yogeisasikhe meke ebe waganhukha iti hagat, hit itithogonat it inobabut waganogo hagakhe dogono o.

2 Petrus 1:2

Hit nen Allah inom, ninoe Etagapogot Yesus inom, ipisak inebe thekekhogon hiniluat welagap iti nen, it inobabut hano etnogo nen hano meke wokhisigik, hinetaiken hapugutdinagagik, kokhogon hagakho motogat dogoak o.

2 Petrus 1:3

At Allah ikhok motogat dogolik, yi meke ti meke elalinat hagakhunem hogorakho motok welageikharek meke etnogo nen ninayoko 'bisikhe iti. Halok he, nit nen at ebe thekekhogon ninilu atluk, nit ninebe niniluk dogolik, at hasik mothogon hagakhe dogoagaluk, at ekaerek obatne baga yi meke ti meke woknisasikhemo ite agosik welago.

2 Petrus 2:20

Akhuni agat oba weak hagakharek meke yoma here'isalok, lo dukhitluk nen, ninoe Etagapogot Yesus Kristus tilninakhikhe meke ebe inilu atlugat, yabokane inapuke weak hagakharek meke iti oba ukugunem nen, mul erloma ukugunem inebe ha'isalok hagakherek hak, hageinabumo erlok degat asugun iti. Erlok degat atluk, alep weak welagoukha iti, hemurlugat hano negen. Meke re, yabokane weak asugun iti, motok kok negen weak atluk dogogun o.

2 Petrus 3:18

Ninoe Etagapogot tilninakherek meke obabut hano etnogo nen woknisekherek meke iti waganhik, ebe hinilu ageik, hagakhe dogolik, hinetaiken horle atluk dogono. Yogotak ya men, yabokane men, at Yesus Kristus arligat hogorakho motok dogouok o, iluk, “Amin,” igi iti.