2 Petrus 1:20 - ALLAH ANE WENW KET MEKE WAROGO WOKNINAKHIKHE WENE

^20-21 Wene Allah ane iti, it akhuni inakla kagalogo ageikhe isukha dek o. Inebe akhuni mekeat he, Allah Agoreke nen inakla kagalogo yakulisekhe korlek, Allah nen isikhe wene iti yogeisekhe lagoukha iti nen, wene Allah ane holal waganogo 'bisukha meke werek iti, Allah Agoreke nen ninakla kagalhidekma, ninekaerek ninarligat nen thekekhogon hutdusak erlok dek o.

2 Petrus 1:20 ပူးပေါင်းရင်းမြစ်များ

Roma 12:6

At Allah obabut hano nen, nit tha'bokhogonat ninobabut tomok woknisasikhe iti nen, at nen woknisasikhe tak-tagat hagakhe dogosak o. It aperek nen Allah ane yogeisekhe dogoagaluk inobabut wogeisasikhe meke, inetaiken at oba hakotdiluk welageikharek tak-tagat yogeisekhe dogosak.

Roma 13:11

Itithogon hagakhe dogosak iti nenaluk. Iti re, nit ebekeram ninetaiken Allah baga hakotdisugu itinem he, o hanotninabigin hurli walegat welageikhe. Meke re, yogotak horogat asi iriogo iti nen, hit noge ekhe lagap iti, hiniluk asusak mo aga iti hutdekhe lagap o.

Roma 6:6

Nit ninobabut ninikhogat dogolik weak hagakhe lagagu meke iti erlok degetdisoagaluk, Yesus o baga meldiluk ninomat ninakhukha iti nen, nit ninobabut alep meke iti, atuaneke dogosak dek o, iluk ninilu.

1 Timotius 1:9

Eberogonat he, wene Allah nen ninasuk wakhikhe wene iti, akhuni mothogon hagakharek meke hasik isikhe 'buk. Akhuni inasuk warek dek holu'buk hagakharek meke inom, Allah ina'it dogolik weak hagakharek meke inom, inebe Allah hasik 'bisigidek Allah ane thagalogo hagakharek meke inom, inopase inagosa lak inebe motok inakharek meke inom, akhuni aperek yugunat inebe debekhogon motok inakharek meke inom,

2 Timotius 3:16

Allah ane holal waganek iti tha'bokhogonat, at nenat inakla kagalhikhemo, holal waganogo 'bisukha meke iti baga, akhuni aperek wene ebe wene yakulisigik, korlo hagakhunem inasuk wakhik, inobabut hebelinakhik, Allah akla warlok apekherek meke mothogon hagakhe dogoagaluk inasuk wakhik, hagakhe dogosagat o.

Yakobus 1:3

Itithogonat hinoba agunem, Allah nen he, “Inetaiken an noba hakotdiluk werek a? Dek a,” iluk, hinobabut paliogo iti baga hinetaiken thebekhogon hinobakhanini hapukhogon dogosak meke hagathinabiogo iti hinilu o.

2 Petrus 3:3

Wene ebe yi tak hutdusak. O ilugun hurli baga, akhuni aperek inane sagun weak meke inetaiken oba nen nukunem inakla nen kagalogo weak hagakhe dogolik, hinoba witluk, inane sagun yokhisekhe dogolik,