2 Petrus 1:13 - ALLAH ANE WENW KET MEKE WAROGO WOKNINAKHIKHE WENE

^13-14 At ninoe Etagapogot Yesus Kristus nen yoknikhikhe hagat, an nebe naburlal meke elanma hasik welagei yi, nokorlogo here'isalok ibat ligin horogat welagei, iluk an nilu welagei iti nen, yogotak nebe niluk welagei ya baga, wene iti hasik hinakla eberogo yokhisekho motok dogosak apekhe lagei o.

2 Petrus 1:13 ပူးပေါင်းရင်းမြစ်များ

2 Korintus 5:8

Iti nenat ninakla the welago. Ninoado yi nokorlogo here'isalok, ninoe Etagapogot werekma ukiluk ninom dogou warlok o, apekhe lago.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

Filipi 3:10

At Kristus yi aik ti aik hilik-hilik watlageikhe hak, nipisak tak-tagat, an itithogonat aik hilik-hilik, watlasusagat apekhe lagei. Itithogonatma re, at watlageikhesikmo, Allah obatne baga ilugutdisikhe hak, an itithogonat watlatlukmo, niligutnabigin, iluk, oba eberegat welagei o.

2 Timotius 1:6

Itithogonat hakotdiluk welagan iti nen, an nen niki hukuloak oba thebelhunem, Allah obabut hano nen, “Hat itithogonat Allah ayabu hagakhe dogono,” iluk hobabut wokhikhikhe meke iti, hetu herelharek hak, hakla agakenhogon atluk dogonogoluk hakla kagalogo yokhigi o.

Ibrani 13:3

It aperek herle warek werekma, hinakla nen, “Nit meneke, ninomat herle warek hakene welago,” iluk it inoba ebekhik, it aperek yi weak ti weak hagarinakhunem, hit hinakla nen, “Nit meneke, agat oba yoma aban werekma itithogonat hagatninabusagat o,” iluk, it inoba ebekhik, hagakhe dogono o.

2 Petrus 1:12

Iti nen, wene ebe wene hinilu agagisip hinetaiken horlerogon hago welagathep mekeat he, an nen wene igi iti hasik hibiku-yogoku hinakla ebetdisekho motok dogogin o.

2 Petrus 3:1

Nagarlak lak nerugi. Hinebe nakmu lak o. Surat alep ageikhe holal waganogo hinoba la'i agagi iti men, yabokane la'i agei iti men, hit wene ebe hinilu mekeat, hinakla mothogon ebesubageik nen iluk la'i aga lagei iti.