2 Korintus 7:7 - ALLAH ANE WENW KET MEKE WAROGO WOKNINAKHIKHE WENE

⁷ At Titus ebe waga iti baga anek nakla hano aga 'buk. Hit nen hagakhunem at akla hano aga meke iti, yoknisi aga iti baga, nakla hanotdekheat o. Hit nen he, “At Paulus ninom abuk atlo e,” iluk noba ebekhik, “Ninobabut nen weak hagakhugu e,” iluk hinakla apigik, it aperek nen an nabok isinem, hinetaiken oba nenat an werekmake ageik, hagakhep meke iti pilinerogo yoknisi agama nakla arleken motok akhigiat o.

2 Korintus 7:7 ပူးပေါင်းရင်းမြစ်များ

Matius 26:75

Thue ayam ane arat isikhemo, at Petrus nen, “I. Yesus nen yoknekhe dogolik, Thue ayam ane igidek werek korlek, hat nen, Yesus nokodek o, iluk hiki henagan oba la'beligin, iluk yoknekhe etnogo ebe arat la'belhi yi higi,” iluk, akla ebetdiluk dukhisikhesik nen, etaiken hisogo de ageikhe.

Matius 5:4

Nen, akhuni inakla wiik-weakhogon welageikharek meke iti, Allah nen inetaiken thebeligin iti nen, inakla arleken akhekhe dogosagat o.

Lukas 22:44

Etaiken ago wakhikhe meke re, akla motok weak dogolik yabokane sembayan ane akinhogon ekhe dogolik, dikhak mep hakene tik-tik agat oba usageikhe.]

La'isasikhe 11:23

At Barnabas iti, obabut hano dogolik, etaiken Yesus oba hakotdiluk motok werekma, Allah Agoreke akla kerlekhogon welageikhe iti nen, la'i agoukhama, wageikhesik ileken hisalok, akla nen, “Allah obabut hano nen hano hagarinakhemo werek higi,” iluk akla arleken akhasikhe. Akla arleken akhasikhesik, “Hit tha'bokhogonat hinetaiken ninoe Etagapogot oba hakotdiluk, at hinom hunigat motok dogono o,” iluk inasuk wakhikhe. Inasuk wakhe lageikhemo, akhuni doalegat, ninoe Etagapogot werekma dapuldiluk inebe wiak-wayakhogon hagatlagoukha.

Roma 1:12

An wokhisa etle apekhe lagei iti, hit men, an men, ninetaiken Yesus Kristus oba hakotdisugu meke iti baga, ninetaiken ago wat-wat hagasuogoluk wisigiluk apekhe lagei o.

1 Korintus 5:2

Itithogon hagakhe korlegat, hit hogorakhekhe lagap iti. Hit hagasusak he, hinakla weak atluk, ap weak hagakhe werek iti, ula'isausak meke hinom dapukhogon welagap iti.

2 Korintus 1:4

Akhuni aperek yi aik ti aik hekhe dogolik inakla weak werekma, nit nen it inakla hano asuak nen iluk inetaiken thebeluagaluk, at Allah nen nit itithogon yi aik ti aik hekhe dogolik ninakla weak agunem, ninetaiken thebeliogo.

2 Korintus 2:9

An nen, “Hit itithogon hagatno,” iluk, yakulhisasigi etnogo, nane hologo hagariogei a? Dek a, iluk hinobabut paligiluk wene iti holal waganogo hinoba la'i agei iti o.

2 Korintus 5:2

Su nokokhunem inalpalek ageikharek hak, ninebe yabokane dogogun meke iti aban werek korlek, ninoado yi dek agunem, werlegat dogunogo iluk, su akmanke ugu werek korlek, itikmanke ikharek hak, ninoado yi werek korlek, ninebe pogot oba dogogun meke iti i'binanusak meke iluk, oba ebet-ebet welago iti nen, weak dogolik, “Eiye,” ilu apekhe lago.

2 Korintus 7:6

Werekma, at Allah obabut he, akhuni nen, “Nikithogon hagasugun,” iluk inakla weak atlukmo inakla hanorinakherek etnogo nen, at Titus la'i agama wagasik nen nakla hanotninabi aga.

2 Korintus 7:8

Itithogon nakla arleken akhigi mekeat he, an nen alebageik holal waganogo hinoba la'i agagi etnogo nen, “Inakla weagarinakhigi iti, thogotdusak meke napik nen la'isigi o,” iluk nakla ebekhe lagei dek o. “Napik nen opaki hasik inakla weagarinakhi,” iluk nakla apekhe lagarigat,

2 Korintus 8:16

Nit nen hit hinobasik obatnerogon hagasuogoluk hagakhe lago hak, at Titus itithogonat hagakhe dogoagaluk Allah nen akla kagalhemo hagariogo iti nen, Allah heagei wakhe dogouok o.

Filipi 1:20

An nakla nen, wene Kristus hasik u nekarli ageidek yogeisekhe dogosak warlok motok. Halok he, nekarli ageidek yogeisekhe dogogin o, iluk, hutdiluk nakla hano welagei. Hibiku-yogokuat pakhogon yogeisegerek hak, yogotak itithogonat yogeisagalugat welagei. Nebe niluk dogoumo hanoat. Nen, watlasumo hanoat. An itithogon hagatnakho korlek, nebe abirat Kristus hasik hagakhe lagei iti baga, akhuni nen Kristus hogorasuagalugat welagei.

Kolose 2:5

An nebe walegat welagei mekeat he, netaiken hit hinoba la'i agarik, ninom etoma welago hakene. Dogolik, hinetaiken Kristus oba hakotdiluk hinetaiken opakiat hinobatnerogon mothogon hagakhunem nileken hisekhe lageiatma, nakla arleken akhekhe lagei o.

1 Tesalonika 3:6

Nen, at Timotius hinoba la'i ageima wagasik etnaga, yogotak apuke ninoba wagasik nen, hit hinetaiken Kristus oba hakokthek dogolik, akhuni aperek hinakmurogon hagakhe lagap meke iti yoknisigik, nit nen, “It inelokhokhen ninileken hiselo e,” iluk warlok apekhe lago hak, hit nen itithogonat ninoba eberek motok dogolik, “It inobabut hano etnogo ninileken hiselo e,” iluk, apekhe lagap meke iti, yoknisa agama nen, ninakla arleken akhekhe lago.

1 Tesalonika 3:8

Itithogon dogolik, hit ninoe Etagapogot hinom hunik dogolik, hapukhogon metek welagap iti nen, nit meneke yogotak ninetaiken yamuk ekhemo welago o.

Ibrani 2:1

Iti nenat, akhuni ku baga lagunem i nen wogosik lagarek iti hak, nit nen ebe wene iti here'umo werlekmake woknisik launogo iluk, wene ninasuk holhugu meke iti ninobatnerogon herogo dogouok o.

Yakobus 5:17

At Elia iti, ebe nit hakene akhuni meke nenat, miso wageidek dogoagaluk sembayan isikhemo, mo dageigik, usigik hagakhe korlek 3 tahun welageikhesik, yabokane thut 6 oba inobat miso agat oba usa'ageidek motok hugat welageikhe.

2 Yohanes 1:4

Hit hinebe re, he opakiat meke eagei hakene dogolik, hinebe aperek ninopase Allah nen ebeat wene ninasuk wakhikhe etnogo mothogon hagakhe lagap meke hinobabut palhirik, nakla arleken motok akhekhe lagei o.

Yudas 1:3

Nagarlak lak nerugi. Hinebe nakmu lak o. Wene Allah nen hit ninomat tilninakhikhe etnogo hasik wene holal waganogo hinoba la'isigiluk nakla eberek motok welagarik nen, yabokane netaiken thebelusak erlok dek agama re, wene men hasik la'i agei iti. Iti, it akhuni aperek Allah ebe ina'it meke nit ninobakha palek werek korlek ninakla ukitluk nen, Allah obabut hano nen wokninakherek meke iti, it nen dagakhogon wene ninat meke yokhisekhe dogolik, “Weak meke yugunat hagakhe dogosak,” iluk, ninoe Etagapogot Yesus Kristus obatneak etnogo ebe here'isalok, hagariogei iti. Itithogon hagariogei iti nen, Allah nen, “Ukum itithogon inoba 'bigin,” iluk isikhemo haganeat nen holal waganogo 'bisukhama werek. Wene Allah nen opaki hasigat nit a'buri woknisasikhemo ninetaiken oba hakotdiluk welago iti meke, it iti nen degetduogoluk hagakhunem, hit nen irlirli waganogo hinobatnerogo hago dogobageik iluk hinakla kagalogo la'i agei iti.