2 Korintus 7:6 - ALLAH ANE WENW KET MEKE WAROGO WOKNINAKHIKHE WENE

⁶ Werekma, at Allah obabut he, akhuni nen, “Nikithogon hagasugun,” iluk inakla weak atlukmo inakla hanorinakherek etnogo nen, at Titus la'i agama wagasik nen nakla hanotninabi aga.

2 Korintus 7:6 ပူးပေါင်းရင်းမြစ်များ

Matius 5:4

Nen, akhuni inakla wiik-weakhogon welageikharek meke iti, Allah nen inetaiken thebeligin iti nen, inakla arleken akhekhe dogosagat o.

Yohanes 14:16

Itithogon hagakhunem, hit yomakhisekhe dogolik, hinom motok dogobageik nen iluk, an nen nopase kino yogosumo, at nen at ageikhe usakhisasigin o. At iti ebe Allah Agoreke ebe wene yokhisekhe dogogin meke. Itithogon hinoba usakhisasumo, it akhuni agat oba meke nen, at iti ebe inokodegat. Nen, ebe inileken hugun degat, iti nen ebe waganusak erlok degat o. Itithogon mekeat he, hit anek he, at ebe hinom dogolik, hinakla motok dogogin iti nen, at ebe hinilu dogogun o.

Roma 15:5

Hit hinetaiken, hinane, opakiat dogolik, ninoe Etagapogot Yesus Kristus opase Allah itiat hogorakhe dogobageik nen, at Allah akhuni inobabut inobakhanini hapugutdiluk dogoagaluk hagarinakhik, inakla hanorinakhik, hagakherek meke iti nenat, hit tha'bokhogonat hinetaiken opakiat, at Kristus Yesus obabut hakene hagathinabuak o.

2 Korintus 7:13

Itithogon la'i agagimo hagakhep iti nen nit ninakla hano aga. Iti hasik ninakla hano agaat. Nen, at Titus hit tha'bokhogonat nen ebe waganhisip hano hagakhunem, akla hano aga meke pilinerogo yoknisugunem, ninakla arleken motok akhogoat o.

2 Korintus 7:14

An nen alebageik Titus yogokhe dogolik, “It yabokane hano hagasugun,” iluk hogothinakhe lagagi hak hagakhepma, an nekarli ageidek o. Nit nen yi wene ti wene eberogonat anek yokhisasugu hak, at Titus yogokhe dogolik hit hogothinakhugu iti, eberogonat o.

2 Korintus 7:7

At Titus ebe waga iti baga anek nakla hano aga 'buk. Hit nen hagakhunem at akla hano aga meke iti, yoknisi aga iti baga, nakla hanotdekheat o. Hit nen he, “At Paulus ninom abuk atlo e,” iluk noba ebekhik, “Ninobabut nen weak hagakhugu e,” iluk hinakla apigik, it aperek nen an nabok isinem, hinetaiken oba nenat an werekmake ageik, hagakhep meke iti pilinerogo yoknisi agama nakla arleken motok akhigiat o.

Filipi 2:1

Nit Kristus ninom hunik dogolik, at nen ninetaiken ago watdinanhik, ninebe akmurogon ninetaiken thebelhik, Agoreke ninom hunik dogolik, yomaknisigik, hagakhe korlek nit-nit hanorogon nakmu-hakmurogon hagakhorek iti nen,

1 Tesalonika 3:2

Werek korlek, at ninagot Timotius, hano wene Kristus hagakhikhe wene etnogo ninomat, Allah hasik yogeisilik nekhe lago meke etnogo, akhuni nen yi aik ti aik hagathinabiogei iti nen, hit hinetaiken Kristus oba hakotdisigip meke aborlok unogo iluk, hinetaiken ago wathinakhik, hinasuk wakhik, hagakhe dogoagaluk hinoba la'i ago iti o. Yi aik ti aik hagatninabiogei iti, Allah nen nit ninobasik akla apekhe dogolik, “Itithogon hagathinakhe dogogun,” iluk isikhe hagat hagathinabiogei iti, hiniluat o.