2 Korintus 7:3 - ALLAH ANE WENW KET MEKE WAROGO WOKNINAKHIKHE WENE

³ An nen alebageik yokhisekhe dogolik, “Hit he, hinebe ninetaiken oba hunik motok welagap o. Halok he, ninom watlasumo watlasusagat o. Nen, ninom niniluk dogoumo, dogosagat o,” iluk itihogon alebageik isigi iti nen, yogotak, wene yokhisigi iti, wene hinoba 'bigiluk igi dek o.

2 Korintus 7:3 ပူးပေါင်းရင်းမြစ်များ

2 Korintus 11:11

Nenaluk an itithogon igi apegep. Hit hinebe nakmu dek nen igi apegep? Dek o. An hit hinebe nakmu welagei iti Allah iluat o.

2 Korintus 12:15

Iti hagat he, hit hinetaiken hasik an nameke yi meke ti meke 'binagagik, nebe inom 'binagagik, netaiken oba nen nakla arleken akhekhe dogolik 'binagusagat 'binagagi o. An hit hinebe netaiken hunik werek korlegat he, hit anek he, an nebe hinakmu dek negen dogosak a?

2 Korintus 13:10

Iti nenat, nebe walegat dogolik wene yi holal waganogo 'bekhe lagei. Nebe yabokane wagei halok he, ninom dogolik, nane puk weak wenakhisaunogo iluk, holal itithogon waganogo 'bekhe lagei iti o. Ninoe Etagapogot nen obatne woknikhikhemo iteerek welagei iti, hit hinebe weagathinabuogoluk 'buk. Hinetaiken horlethinabuogoluk iteerek welagei o.

2 Korintus 3:2

Nit wokninabuagaluk, hit hinebeat holal hakene waganek nit ninetaikenma werekma, akhuni tha'bokhogonat nen etaa thalhik, hutdinanhik, hagasusak werek o.

2 Korintus 7:12

An nen holal waganogo hinoba la'i agagi mekeat, at ap ageikhe weak hagakhikhe iti hasik la'i agagi 'buk. Nen, at weak hagakhikhe iti baga it aperek nuk agoukha meke iti hasik la'i agagi 'bugat o. Iti re, hit hinekaerek hinakla nen, “Nit Paulus lak ninakmurogo it hasik obatnerogo hagasusak welago higi,” iluk Allah il obaat, hinekaerek hinobabut palubageik nen iluk la'i agagi o.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

1 Tesalonika 2:8

Nit nen hit hinebe ninakmurogo welago iti nen, Allah ane iti anek suputhisasugu 'buk. Dek o. Hinebe ninakmu motok nen, ninakla arleken akhekhe dogolik, ninebe inomat wokhisasuguat iti o.