2 Korintus 7:13 - ALLAH ANE WENW KET MEKE WAROGO WOKNINAKHIKHE WENE

¹³ Itithogon la'i agagimo hagakhep iti nen nit ninakla hano aga. Iti hasik ninakla hano agaat. Nen, at Titus hit tha'bokhogonat nen ebe waganhisip hano hagakhunem, akla hano aga meke pilinerogo yoknisugunem, ninakla arleken motok akhogoat o.

2 Korintus 7:13 ပူးပေါင်းရင်းမြစ်များ

2 Korintus 7:6

Werekma, at Allah obabut he, akhuni nen, “Nikithogon hagasugun,” iluk inakla weak atlukmo inakla hanorinakherek etnogo nen, at Titus la'i agama wagasik nen nakla hanotninabi aga.

1 Korintus 16:13

Hinobabut hebelogo dogolik, hinetaiken Allah oba hakotdiluk, metegat dogono o. Hinobabut abat dogolik, hinobatnerogo dogono o.

1 Korintus 12:26

Niniki ninisok yi meke ti meke ninebe baga hunik welagarek meke, ageikhe u nen hinet wakho halok he, ninebe abisakeat hinet wakhorek o. Nen, niniki ninisok yi meke ti meke ninebe baga hunik welagarek meke, ageikhe akhuni nen hogorakho halok he, ninebe abirat ninakla arleken akhogorek o.

Roma 15:32

O Yerusalem lalok nen, at Allah akla nen hano apekhe halok he, an nakla arleken akhilik akhilik hinoba wisigin o. Witluk ninom dogolik, thet walagein iti o.

1 Petrus 3:8

Wene iti ilukun warogo men yokhisak. Hit hinebe tha'bokhogonat hinakla nen, “Ninebe Allah a'buri ninagarlak lak ninerugi ninom,” iluk, hinetaiken hunik dogolik, hinakla opakiat meke apigik, hinetaiken opakiat meke ebekhik, hagakhe dogono.Itithogon hagakhe dogolik, hinekaerek nen hogorakhigidek, hinetaiken thebekhogon dogolik, hit-hit nakmu-hakmurogo hagakhe dogono.

Filemon 1:20

Iti halok nagarlak o. Ninoe Etagapogot ninom hunik dogolik nakla arleken akhoagaluk an yomakneau hak, at ebe iti hanorogon waganino.

2 Timotius 1:16

Itithogonat meke re, at Onesiforus a'buri inom anek he, hibiku-yogoku nakla hanorogo netaiken thebeli iriogei iti, ninoe Etagapogot nen akmurogon hagasik dogoak o. An niki herle warek werekma noba wisu ekarli degat,

Filipi 2:28

At ebe yabokane hinoba wagunem hinileken halok nen, hit hinakla arleken akhigik, an nakla weak welagei meke hano ageik, asuok nen iluk, ibat hinoba la'i agei iti o.

2 Korintus 7:15

At nen hit hinebe akmu welaga mekeat he, ebe hinoba wagama, hinayuk ageik, hinoageleke dik-dik igik, hagakhe dogoligat at ebe waganhesip, at nen yokhisugunem, ane hologo hagakhep meke iti, hinoba ebethinakhe dogolik, hit tha'bokhogonat hinebe motok akmuthinabiogo o.

2 Korintus 2:13

Meke re, nagarlak Titus etnogo nipisak abuk ageidek nen he, nelabut hisik welagagisik nen, akhuni etoma meke heagei warinabiluk nen, o Makedonia wagagi.

2 Korintus 2:3

Hit nenat an nakla hanotnabusak iti. Hit an nakla hanotnabumo an nakla arleken akhigi halok he, hit tha'bokhogonat hinakla arleken akhausagat apekhe lagei. Iti nen, an hit hinoba wagunem hit nen an nakla weagatnabinogo iluk, hinoba wisu na'it nen, wene arat holal waganogo hinoba la'i agagi iti o.

Roma 12:15

It akhuni aperek inakla arleken akhekhe halok he, hit hinomat hinakla arleken akhigik, it aperek de ago halok he, hit hinomat de ageik, hagakhe dogono o.

1 Korintus 16:18

It wageikhama, an nakla hano aga hak, hit hinakla hano asigin o. Halok he, it akhuni aperek inobabut it hakene meke halok he, inalonhogo halhe dogono.

2 Korintus 7:14

An nen alebageik Titus yogokhe dogolik, “It yabokane hano hagasugun,” iluk hogothinakhe lagagi hak hagakhepma, an nekarli ageidek o. Nit nen yi wene ti wene eberogonat anek yokhisasugu hak, at Titus yogokhe dogolik hit hogothinakhugu iti, eberogonat o.

Filemon 1:7

Filemon nagarlak o. Hat nen akhuni Allah a'buri meke aperek tha'bokhogonat hakmurinakhe dogolik, inakla hanorinakhetek iti nen, an Allah ahsik hagakhe dogoagaluk netaiken ago watdanhe laganma nakla arleken motok akhekhe lagei o.