Itithogon ekhe dogolik, at nen it akhuni wene Epikuros wene hago dogolik it aperek yakulisekhe lagoukha meke men, wene Stoa wene hago dogolik, it aperek yakulisekhe lagoukha meke men, wene inakla kagalogo yogeisugunem, it nen oko yogokhik, it nen at yogokhunem, at nen oko yogeisigik, ekhe lagoukha. Itithogon ekhe lagoukha meke aperek nen, at Paulus hasik men isukha, “At he, wene ilu nogo? At okodek. Hemurlugat ilu dogoligat, ane anek motok doalegat yoknisiliogo,” iluk isukha. Itithogon isukhama, it aperek nen, at Paulus nen hano wene yogeisekhe dogolik, Yesus nen hagakhikhe wene yogeisigik, akhuni watlatlukmo nen Allah nen inilugurinakherek wene yogeisigik, ekhe lageikhe iti nen, men isukha, “Akhuni ninat meke inausa wene hasik yoknisiliogo he a,” iluk isukha.
2 Korintus 6:9 - ALLAH ANE WENW KET MEKE WAROGO WOKNINAKHIKHE WENE9 Akhuni nen ninebe inokodek meke thalek, tha'bokhogonat nen inilu mekeat welageik, ninebe watlasuagaluk hagatninabiogei mekeat he, niniluk welageik, yi aik ti aik hagatninakho korlegat he, ninebe motok watlageidek welageik, hagakhe lago iti 'bikhani! အခန်းကိုကြည့်ပါ။ |
2 Korintus 6:9
18 ပူးပေါင်းရင်းမြစ်များ
Meke re, yogotak at Paulus iti hagariogo meke, hinileken tomok higik, hinasuk holhik, hagakhe lagap. At nen, Akhuni iniki nen kaneke hagakharek iti, ebe walhenak meke dek o, iluk yogeisugunem, akhuni doalegat nen, Wene iti eberogonat, iluk waganha iti, horok o kota Efesus yoma meke anek 'buk. O propinsi Asia meke akhuni tha'bokhogonat waganhamaat o.
'Bigidek meke re, it nen inopase Allah oba inetaiken hakotdiluk dogolik inane inasokhotek egarek meke hasik ukum ageikhe oba 'bigik, ap ageikhe etaga Yesus iti, ebe watlageikhe mekeat, at Paulus nen, Yabokane apuke iluk ageikhesik werek o, iluk ane obatnerogon iliogo iti nen ukum oba 'bigik, hagakha o.
Meke re, wene at oba 'bega meke iti erlo herakhunem, an nen hutdigidek nobakha palagama wene iti hasik holal waganogo ninoe kok Kaisar oba nikithogon la'usak heat agama nen, nagarlak lak. Hit tha'bokhogonat men, ebe kok hak noe Agripa men, hinom nen ukum Paulus oba 'bega meke iti, erlo herakhunem, an hutdiluk holal thekekhogon waganogo la'igin iluk nakla apigirik nen at ebe hinoba wolok wagei yi.
At ebe hutduagaluk yi meke ti meke hagakhik, hogorasuagaluk yi meke ti meke elalinat hagakhik, obatnerogon hagakhikhe. Allah Agoreke etnogo obatne bagaat hagakhikhe iti. Hagakhe korlek, an he, o Yerusalem eloma nen dagak-pagak piokthek o Ilirikum eloma, at Kristus wene hano wene iti hutukhogon yogeisilik wagei.
Nit he, akhuni nen yi meke ti meke limago weak hagakharethek inekarli agarek iti meke here'isasugu. Itithogon here'isalok, akhuni nukhetdisigik, Allah ane wene ageikhe meke oba lapelogo yogeisigik, hagakhorek dek. Akhuni yoma inakla tomok nen hutdinoagaluk, wene ebe wene Allah iloba thelekmaat yogeisilik nekhe lago.