2 Korintus 6:4 - ALLAH ANE WENW KET MEKE WAROGO WOKNINAKHIKHE WENE

⁴ Akhuni nen he, “It Allah nen inayoko 'bisikhemo, at hasik hagakhe dogosak mekeat hagariogei,” iluk hutdinanuagaluk, yi aik ti aik hagatninakhik, wiik-weakhogon hagatninakhik, umunetnisigik, hagakhe korlek, ninobakhanini hapugutdiluk dogolik yi meke ti meke ekagat hagakhe lago.

2 Korintus 6:4 ပူးပေါင်းရင်းမြစ်များ

Lukas 21:19

Halok he, hinetaiken hapugutdakhalok nen, hinakla pukhogonat dogogun iti baga hinoado tilhinabigin o,” iluk yogeisasikhe.

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

La'isasikhe 2:22

Meke re, hit akhuni Israel meke nagarlak lak nerugi. An nane igin yi holini. Yesus ai Nazaret meke etnogo Allah nen ayoko 'bisikhemo, ninom dogolik, wene hutduagaluk hagasusak dek meke Allah nen iki obatnerogon elalinat hagakhe lageikhe iti nen, ebe Yesus nenat hagakhe lageikhe. Halok he, Yesus Allah nen la'i ageikhemo, iluk thelekmaat hagatlageikhe iti hinilu.

La'isasikhe 20:34

At he, an men, ap an nagarumi noporlik nekharek meke men, yi meke ti meke dek nen, an nekaerek niki nen herago horlekhe lagei iti hinilu o.

La'isasikhe 9:16

Itithogon ayoko 'bigirikmo at nen netaga itithogon yogeisilik nukhunem, at yi aik ti aik hekhe dogosak obaat hekhe dogogin meke, an nen yogosigin werek o,” iluk yogokhikhe.

Roma 14:18

Hit Kristus atuaneke dogolik, itithogon hagakhe dogoumo, Allah akla hano ageik, akhuni inakla nen, “At hano,” iluk inakla apigik, ugunat o.

Roma 16:10

At Apeles Kristus ipisak hunik dogolik obabut hupulik hagakhunem obabut hano paliogei meke iti, “At nen heagei wathakhe,” iluk yogokhik, Aristobulus a'buri iti, “At nen heagei wathinakhe,” iluk yogeisigik, inoat o.

Roma 3:5

Meke re, nit akhuni nen ninobabut korlo hagakhorek iti baga nen, Allah obabut mothogon hagakherek iluk ekagat hagatlagarek halok, nikithogon usak. Akhuni nen egarek hak an ik. At Allah akla aga dageiluk weagarinakherek iti korlo nogo?

Roma 5:8

Itithogon mekeat he, at Allah ninebe akmu nen hagakherek iti ekagat asuagaluk, nit weak hagakho werekma, Kristus ebe woknisasikhemo ninobolukmo watlageikhe iti.

1 Korintus 3:5

At Apolos iti tha nogo? Nen, an Paulus tha nogo? Nit iti ninoe Etagapogot nenat akla apalok ninayabu tomok hagakhe dogoagaluk ninayoko 'bisikhemo nen, at atuaneke welago. At atuaneke dogolik, wene yakulhisasugumo, hinetaiken Yesus oba hakotdisigip iti o.

1 Korintus 4:1

Hit nen nit hasik, “It inebe Kristus atuaneke meke, wene Allah akla apekherek wene akhuni agat oba meke inokodek meke yogeisilik nekharek meke,” iluk hutdinanhe dogoni o.

1 Korintus 9:11

Ai yakharek hak, wene hinetaikenma yakhugu iti o. Nen, ebe itasu hak, hit nen yi meke ti meke agat oba meke woknisaumo, iti doalegat a? Dek o. Erlogat woknisausak mekeat o.

2 Korintus 11:23

It iti Kristus atuaneke dogolik, at hasik herlekha'bugat hagakharek mekeat he, an anek he, kogat hagakherek o, iluk, akhuni thinuknuk meke nen egarek hak ageikhe yokhisigi iti o. It he, thet herlekha'bugat negen hegarek mekeat, an he, thet doalegat hegerek o. It he, opaki hasik hakene iniki herle wakhik, tugi inakhik, inebe watlasusak negen motok inakhik hegarek mekeat he, an anek he, hibiku-yogoku niki herle wakhik, tugi nakhik, nebe watlasusak negen motok nakhik, hegerek o.

2 Korintus 11:27

Yi yabu ti yabu hasik thet wiik-weakhogon hagakhik, hibiku-yogoku noge niluk noge igik, hipiri inom, i inom, dek nen abuat welageik, hibiku-yogokuat hipiri nikidek hapugutdigik, nasu dek nen thogei nakhik, o koma noge u heat ageik, hagakhe lagagisigat.

2 Korintus 11:9

An hit ninom dogolik uang dek nen, hit nen aperek woknesuagaluk kino hinoba tiolhe lageidek o. Itithogon werekma, it ap nagarlak lak o Makedonia meke wageikhasik erlogat woknesi ageikha iti nen, yi meke ti meke hasik hit hinoba akinetdinogo iluk, apasigisikmo, kino yokhisigidek welagagisik yabokane itihogonat motok hagakhe dogogin o.

2 Korintus 12:10

Iti nen, an Kristus hasik, nebe erlok dek agei halok, akhuni nen nabok weak palho halok, wiik-weakhogon hagatnakho halok, yi aik ti aik hagatnakho halok, wim yakhe dogolik inasuogoluk hoborisegarek hak hobotneekho halok, an erlok degat werekma, iti baga nen nobatne agarek iti nen nakla arleken akhegerek.

2 Korintus 12:12

Hit nen he, “Paulus he, Kristus nen ayoko 'biluk la'i ageikhemo,” iluk ekagat hutdanuagaluk, an ninom dogolik yi meke ti meke hasik nobakhanini hapugutdiluk hagakho werekma, akhuni nen hutduagaluk, Allah nen obatnerogon yi meke ti meke elalinat hagakhe lageikhe.

2 Korintus 2:17

It akhuni aperek inebe doalegat nen, yi meke ti meke oko hau wolok lageikharek hak, Allah ane itithogonat wolok lageikharek. Meke re, nit anek he, itithogon dek. Allah nen, at ane wolok loagaluk ninayoko 'bisikhe iti nen, at il obaat ninetaiken opakiat Kristus ninom hunigat dogolik, yogeisilik laga lago o.

2 Korintus 3:6

Allah nen wene ket wene nit ninoba watnisasikhe iti, nit nen wolok loagaluk, at nenat ninobatnetninakhikhemo erlok wolok lausak welago. Wene alep inasuk wakhikhemo holal waganogo 'bisukha meke tak-tagat hagakhidek halok, iti baga inebe inakherek. Meke re, Allah Agoreke nen inilugurinakherek iti nen, nit wene alep holal waganek meke wolok lageidek, at Agoreke nen yoknisiliogo meke wolok laga lago iti.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

2 Korintus 4:2

Nit he, akhuni nen yi meke ti meke limago weak hagakharethek inekarli agarek iti meke here'isasugu. Itithogon here'isalok, akhuni nukhetdisigik, Allah ane wene ageikhe meke oba lapelogo yogeisigik, hagakhorek dek. Akhuni yoma inakla tomok nen hutdinoagaluk, wene ebe wene Allah iloba thelekmaat yogeisilik nekhe lago.

2 Korintus 4:8

Akhuni nen yi aik ti aik hagatninabiogei meke, ninebe motok weagatninakhidek welago. Itithogon hagatninakhunem, nikithogon hagasu he, ninobakha palariogo meke re, ninakla puk ariogo dek.

2 Korintus 7:11

At Allah akla warlok apekherek oba hinakla weak atluk nen, “Napik nen weak hagakhima,” iluk hinobabut hebelatluk nen, hano meke obatnerogo hagakhik, wene hinoba dek mothogon hagakhik, hinakla aga dageigik, hinayuk ageik, “Paulus ninom abuk atlo o,” iluk noba ebekhik, hinakla agaken thok-thok hagakhik, at weak hagakhikhe werek iti ikirluk oba ula'isigik, hagakhep iti lakhani! Itithogon hagakhe dogolik hit weak agekhe hagakhidek wene hinoba meke korogo motok la'isegep o.

Kolose 1:11

Ninopase Allah obatneak hogorakharek meke etnogo hinobatnethinakhunem, hit hinobatnerogo motok dogobageik iluk ayoko 'bekhe lageiat. Itithogon hinobatnethinakhunem, yi meke ti meke akin hinoba aga korlek, hinakla puk ageidek, hinobakhanini hapugutdiluk dogolik, hinakla arleken akhigik,

Kolose 1:24

An yogotak ya, at Kristus nen, “Allah a'buri tha'bokhogonat an nebeat o,” iluk nit ninobasik yi aik ti aik hekhe lageikhesik watlageikhe iti, ageikhe higidek meke obolukmo, an nebe hit hinobasik yi aik ti aik hagatnabiogei iti nen nakla arleken akhekhe lagei.

1 Tesalonika 3:7

Nagarlak lak nerugi. Nit yi aik ti aik wiik-weakhogon hagatninakho korlegat, hit hinetaiken Kristus oba hakokthegat welagap iti nen, hit hinobasik ninakla hano agama welago.

1 Tesalonika 5:14

Nagarlak lak nerugi. Hit nen he, it aperek yabu waganu'buk iniki waganu weak meke iti inasuk wakhik, inayuk weak meke iti inakla kagalhik, inobatne dek meke iti yomageisigik, hagakhe dogolik, akhuni tha'bokhogonat inobasik erogat hagakhe dogono.

1 Timotius 2:15

Itithogonat meke re, it humi inetaiken Allah oba hakotdiluk nen, inebe Allah hasik 'bisalok karelek dogolik, akhuni aperek inakmurinakhik, inilaga isonhogon hagakhik, hagakhe dogogun halok he, ineagei itaginakhunem, Allah nen tilinabiginat o.

1 Timotius 4:6

Wene hano wene ninetaiken Allah oba hakotdogorek meke etnogo yakulhekhe lagagumo, hat nen waganhigitik mothogon hagakhe lagan iti baga hebe kok aga dogolik, wene yogotak yokhigi iti ninagarlak lak ninerugi Allah a'buri meke aperek yakulisekhe dogono. Itithogon yakulisekhe dogogin halok he, hat Kristus Yesus atuaneke dogolik, at hasik hanorogo hagakhe dogogin iti o.

1 Timotius 6:11

It itithogon hagakharek mekeat he, hat he, hebe Allah a'but welagan iti nen, iti meke hagakhidek lo here'isalok dogono. Itithogon dogolik, Allah akla apekherek tak-tagat hagakhik, apma ukiluk, at hasik hagakhik, hetaiken at oba hakotdiluk welageik, akhuni hakmurinakhik, hobakhanini hapugutdiluk welageik, hobabut enago welageik, hagakhe dogeigiluk, iti mekeat kogotdekhe dogono.

2 Timotius 1:8

Itithogon wokhisekherek iti, ninoe Etagapogot abok akhuni aperek yogeisausak hekarli dekhogon pakhogonat yogeisigik, nen, an at hasigat niki herle warogo 'banhama welagei yi hasik, hekarli dek halonhogo welageik, hagakhe dogono. Itithogon hagakhe dogolik, akhuni aperek nen hano wene iti hasik, yi aik ti aik hagatninakho korlegat, an Allah obatne baga welagarek hagat, hobakhanini hapugutdiluk dogono.

2 Timotius 2:24

At tha nen ninoe Etagapogot atuaneke hagakhe dogolik, itithogon hagasusak dek. Akhuni tha'bokhogonat inobabut liokhogon hanorogon inom dogosak o. Obabut obakhanini hapugutdiluk dogolik, akhuni wene hanorogon yakulisekhe dogosak o.

2 Timotius 4:5

It itithogon hagakho korlegat, hat yi meke ti meke hasik, hobabut hebelek dogolik, hoba yi aik ti aik hekhe dogolik, hobakhanini hapugutdiluk dogono o. Hano wene yakulisilik nekharek iti mekeat kogotdiluk Allah nen, “Itithogon yomageisekhe dogono,” iluk, hayoko 'bisikhe meke iti ageikhe here'isigidegat mothogon hagakhe dogono.

Ibrani 12:1

It akhuni alebageik hagarik wagoukha meke inabok ilik wago iti, inebe doalegat ninaliluke dagakhogon inileken laknisik werek iti nen he, tha ae 'busuk tha ae 'busuk luogoluk yi meke ti meke inoba akin meke nokorlogo here'isalok lageikharek iti hak, nit ninoba akin weak irluk-marlukhogon welagarek meke iti inom, ninobabut weak hagakhorek meke ninoba dekelek motok welagarek meke iti inom, tha'bokhogonat nokorlogo here'isalok, Allah nen, “Hurli iti hurli lano,” iluk yoknisasikhe iti, ninakla nen, “Ninelokhoma piokhogon hurli iti bagaat luok,” iluk, ninobatnerogon laga dogouok o.

A'bikaka 1:9

An hinagarlak hineru Yohanes ninom ninebe Yesus a'buri opakiat meke, yi aik ti aik hagatninakho korlek, ninakla nen, “Yabokane at Allah nen apma 'binanigin,” iluk ninobakhanini hapugutdiluk welagorek iti. Werekma, Allah ane Yesus nen pakhogon yoknisasikhe wene etnogo an nen yogeisilik nekherek iti nen, niki herle warogo i eken palekma o etaga Patmos 'bani ageikhama welagei o.

A'bikaka 3:10

Itithogon 'bisasigin iti, an nen, Hinobakhanini hapugutdiluk dogono, iluk yokhisasigi meke iti, nane hologo mothogon hagakhe lagap iti nen, o yabokane akhuni agat oba yoma welageikharek meke tha'bokhogonat inabut paligiluk, yi aik ti aik inoba 'bisagein iti hekhe korlek, hit anek he, an nen napma hano hakhisik dogogin o.