2 Korintus 5:9 - ALLAH ANE WENW KET MEKE WAROGO WOKNINAKHIKHE WENE

^9-10 At Kristus nen nit tha'bokhogonat ninoado yi baga dogolik hagakhe dogogun meke tomok ninitema waganogo ukum ninoba 'bigik, kokhik, hagakhe dogolik, hano hagakho meke halok, “Hano,” igik, nen weak hagakho meke halok, “Weak,” igik, mothogonat yoknisagein o. Itithogon yoknisagein iti nen, nit o yoma huso dogolik inom, yabokane at aila ukiluk inom, ninetaiken tumo, at akla hanorogo anek hagakhe dogou warlok nen hagakhe lago iti.

2 Korintus 5:9 ပူးပေါင်းရင်းမြစ်များ

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

La'isasikhe 10:35

Akhuni inukuloak etaga ya meke ta meke at ebe inayuk dogolik inobabut mothogon hagakharek meke woginakherek anek higi o.

Roma 14:18

Hit Kristus atuaneke dogolik, itithogon hagakhe dogoumo, Allah akla hano ageik, akhuni inakla nen, “At hano,” iluk inakla apigik, ugunat o.

Roma 14:8

Nit niniluk welago halok, ninoe Etagapogot hasigat welago. Nen, watlasugun halok, at hasigat watlasugun o. Halok he, niniluk dogosak inom, watlasusak inom, at mekeat welago.

Roma 15:20

Wene itithogon iluk holal yigithogon waganogo 'bisukhama werek, “It akhuni aperek, at abok holhidek meke inileken higik, nen, it wene holhidek meke nen hutdigik, hagasugun o,” iluk holal waganogo 'bisukha tak-tagat yogeisilik waga dogolik, it akhuni aperek nen, o herlaga 'bilukmo an nen o ebe halu hak halunogo iluk, an nakla warlok nen, akhuni Kristus etaga inasuk aban holhidekma eloma hano wene yogeisilik wisigiluk apasigi.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

2 Korintus 5:6

Itithogon dogolik, yabokane hano asigin, iluk ninakla thabok welago. Akhuni o yabokane halekma dogouogoluk alep halekma welageikharek hak, ninoado yi meke baga dogolik, ninoe Etagapogot aila ninom dogogun oba iti werlegat welago, iluk ninilu.

2 Korintus 5:8

Iti nenat ninakla the welago. Ninoado yi nokorlogo here'isalok, ninoe Etagapogot werekma ukiluk ninom dogou warlok o, apekhe lago.

Efesus 1:6

At obabut hano nen a'but etaiken hunik meke akmu ageidegat woknisasikhe iti hasik, nit nen, “Eiye. Allah nayuk o,” iluk, hogorakhe dogouok o.

Kolose 1:10

Itithogon hinilu atluk nen, ninoe Etagapogot akla hanorogo, at warlok apekherek meke mothogon anek hagakhe dogosagat. Yi meke ti meke ai yakhunem erlo kok atluk nen eken hano ikherek hak, hit Allah obabut hinilu aga dogolik, yi meke ti meke hano meke hagakhe dogosak iti.

Kolose 1:29

An wene iti hasik bogokhogon hagasigiluk, at Kristus obatne etnogo an nakla dogolik nobatnetnakho korlek, nobatnerogonat hagakho motok welagei iti o.

1 Tesalonika 4:1

Nagarlak lak nerugi. Wene ilugun oba ageikhe yi yokhisak. Nit ninoe Etagapogot Yesus nen, “Hinobabut Allah akla hanorogon, yigithogon hagakhe dogono, tigithogon hagakhe dogono,” iluk, isikhemo yakulhisa agagu etnogo hinilu. Itithogon yakulhisasugumo, hit nen itithogon hagakhe lagap mekeat he, yabokane ageikhe inom kokhogon hagakhe dogobageik iluk, ninoe Etagapogot Yesus ninom hunik dogolik hinasuk warogo yokhisigi iti o.

1 Tesalonika 4:11

Nit nen alebageik yokhisasugu hagat, hinobakhanini hapugutdiluk dogolik it aperek inawene meke thogotdisalok hiniki nen hinekaerek hinobaga meke dopok waganhe lagap meke itiat kogotdekhe dogono.

1 Timotius 4:10

Allah ebe, yi akhuni ti akhuni tha'bokhogonat tilninakherek meke welagarek mekeat he, kok hakene re, nit ninetaiken at oba hakotdekhe lago meke tilninakherek iti nen, ninetaiken at iluk motok welagarek meke oba hakotdiluk, at hasik nina'it ageidegat, ninobatnerogon hagakhe lago.

Ibrani 12:28

Itithogon aborlogothagein mekeat he, nit anek he, Allah apma 'binanherekma aborlok igin motok dek meke woknisasikhemo ite agosik welago iti nen, “Allah nopase,” iluk heagei wakhe dogouok o. Nen, at Allah ebe, yi meke ti meke hetu nen nekerek iti hagatma, nit itithogon weagatninabinogo iluk, at ebe ninayukhogon hagakhik, alon halogo hagakhik, hagakhe dogolik, at ane hologo akla warlok meke hagakhe dogolik, hogorakhe dogouok o.

Ibrani 4:11

It ale Allah ane hologo mothogon hagakhidek nen, thet waligidek iti hak, nit aperek it inomanem thet waligidek hagasunogo iluk, ninobatnerogon hagakhe dogouok o.

2 Petrus 3:14

Nagarlak lak nerugi. Hinebe nakmu lak e. Itithogon wisigin iluk, therogo dogolik, wene hinoba 'bakhigidegat, weak ageidegat, Allah hinom hano werekma at ebe 'bithisasuak nen, at hasik obatnerogon hagakhe dogono.