2 Korintus 5:8 - ALLAH ANE WENW KET MEKE WAROGO WOKNINAKHIKHE WENE

⁸ Iti nenat ninakla the welago. Ninoado yi nokorlogo here'isalok, ninoe Etagapogot werekma ukiluk ninom dogou warlok o, apekhe lago.

2 Korintus 5:8 ပူးပေါင်းရင်းမြစ်များ

Matius 25:21

at oe etnogo nen, Nagot wa! Hat hano motok. Hobabut hupulik hano motok hagakhe laganma higi o. Pererlagat meke re, wokhikhi meke hobabut hupulik hago welagan iti nen, yabokane motok doalegat hago dogonok iluk, meldageiluk wokhesigin o. An hoe nakla arleken akhekhe lagei hak, nipisagat ninakla arleken akhauwok nen, uki me o, iluk yogokhikhe.

Matius 25:23

at oe etnogo nen he, Nagot wa! Hano motok. Hat hobabut hupulik hano hagakhe laganma higi o. Pererlagat wokhikhi meke, hobabut hupulik hago welagan iti nen he, yabokane motok doalegat hago dogonok nen iluk, meldageiluk wokhesigin o. An hoe nakla arleken akhekhe lagei iti hak, nipisagat ninakla arleken akhauwok nen, uki me o, iluk yogokhikhe.

Lukas 2:29

“Nopase o. Akhuni yi ai ti ai inebe tha'bokhogonat inileken hoagaluk, tilinabigin meke arat la'i aganma higi. At nen, it itikmanke meke hoba wisuagaluk liarinakhik, hat ha'buri Israel meke hogorinabuagaluk liarogon welageik, hagasigin meke nileken arat higi. Halok he, hat nen yoknekhen tak-tagat, yogotak an hatuaneke netaiken hapukhogon yoma here'isalok hoba wisik nen woknabumo hano o,” iluk, Allah hogorakhikhe.

Yohanes 12:26

Nen, at tha nen an natuaneke dogolik, akla nen, An Yesus hasik hagakhe dogogin, iluk apekhe halok he, an dogoginmo etoma nipisagat motok dogouogoluk noporlik waga dogosak o. Nen, at tha nen an nobasik hagakhe dogogin meke iti, nopase nen at ebe alon haligin o, iluk nane eberogonat yokhisigi o,” iluk yogeisasikhe.

Yohanes 14:3

An o etoma arat lalok hit hinaila arat karelogo 'biluk nen, an dogoginmo etoma ninom dogouok nen iluk, napuke wokhinabi isigin o.

Yohanes 17:24

Allah nopase. Hat nen agat aban walhigidek dogolik, an nebe hetaiken hunik welagagin iti nen, hogotnakhe dogoagaluk kogotdanhigin etnogo, it hat nen haganeat woknikhigin meke emenogo inileken neoagaluk, o an dogoginmo etoma, it ninomat dogosak warlok o.

La'isasikhe 21:13

Asuk wakhunem, at Paulus nen, “Hit de aga dogolik, nakla motok weagatdekhe lagap iti nenaluk. Ninoe Etagapogot Yesus hasik he, o Yerusalem etoma nen niki herle anek wasusak apekhe lagap a? Dek o. Niki herle wakhik, nebe nakhik, hagasumo hanoat o. Itithogon hagatnabusak erlogat apekhe lagei,” iluk yogeisasikhe.

2 Korintus 5:6

Itithogon dogolik, yabokane hano asigin, iluk ninakla thabok welago. Akhuni o yabokane halekma dogouogoluk alep halekma welageikharek hak, ninoado yi meke baga dogolik, ninoe Etagapogot aila ninom dogogun oba iti werlegat welago, iluk ninilu.

2 Korintus 5:9

At Kristus nen nit tha'bokhogonat ninoado yi baga dogolik hagakhe dogogun meke tomok ninitema waganogo ukum ninoba 'bigik, kokhik, hagakhe dogolik, hano hagakho meke halok, “Hano,” igik, nen weak hagakho meke halok, “Weak,” igik, mothogonat yoknisagein o. Itithogon yoknisagein iti nen, nit o yoma huso dogolik inom, yabokane at aila ukiluk inom, ninetaiken tumo, at akla hanorogo anek hagakhe dogou warlok nen hagakhe lago iti.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

A'bikaka 22:3

Nen, alep Allah nen akhuni inom, yi meke ti meke inom, homan 'bisasikhe meke etnogo korogo 'bisalokma nogo nen he, yabokane o iti oba homan korek welaga higi. Allah inom, Domba Eak inom, ipisak kok motok welageikharekma inobolukmo etnogo, o kota etoma tumo werek korlek, it akhuni Allah atuaneke meke inetaiken at oba hakotdiluk dogolik, at hasik hagakhe dogogun hisigi.